Հավանաբար ոչ մի տեղ ամանորյա տրամադրությունն ու հմայքն այնքան ակնհայտ չեն, որքան Եվրոպայում: Մայրցամաքը, հատկապես դրա հյուսիսային շրջանը, իր զով եղանակով եւ գոթական մթնոլորտով, իդեալական է նրանց համար, ովքեր կատարյալ ձմեռային հրաշքներ են փնտրում տարվա այս եղանակին:
Հրավիրում ենք ձեզ սուզվելու եվրոպական քաղաքների առասպելական մթնոլորտում:
Վիեննա
Ավստրիայի գեղեցիկ մայրաքաղաքը տարեվերջին տոնական հմայք է ստանում։ Բարձր տոնածառը եւ Սուրբ Ծննդյան շուկան, անխոս, պարտադիր կանգառներ են, սակայն Շպիտլեբերգի շուկան եւս չի կարելի անտեսել:
Հիասքանչ ձեռագործ իրերն ու սվիտերները ընդամենը մի քանի օրինակ են, որոնք առաջարկվում են Բիդերմայեր թաղամասի փողոցներում գտնվող տոնական տաղավարներում:
Այցելուները կարող են խմել տաք գինի եւ հանգիստ զբոսնել՝ հիանալով տոնական մթնոլորտով համակված ճարտարապետական կոթողներով:
Հալշտատ
Հալշտատ քաղաքը եւ դրա ապշեցուցիչ լանդշաֆտը՝ շրջապատված բարձր ալպիական գագաթներով, պաշտպանված են ՅՈՒՆԵՍԿՕ-ի կողմից:
16-րդ դարի քաղաքային տներն ու փոքրիկ փողոցները այն դարձնում են կատարյալ վայր՝ տոնական շունչը զգալու համար:
Հալշտատի Սուրբ Ծննդյան շուկան հարուստ է լեգենդներով։
Վառ լուսավորված տոնածառ, տեղի փայտագործների կողմից ստեղծված Սուրբ Ծննդյան տեսարան եւ դեկորացիաներ, ձեռագործ իրեր եւ տաք գինի վաճառող տաղավարներ․ դուք արդեն կես ճանապարհին եք պատկերացնելու, թե որքան յուրահատուկ է այս վայրը:
Բրյուգե, Բելգիա
Բրյուգեի՝ ՅՈՒՆԵՍԿՕ-ի կողմից պահպանվող միջնադարյան կենտրոնը լի է շենքերով, որոնք հեքիաթային են դառնում, երբ վառվում են տոնական լույսերը:
«Ձմեռային փայլատակում» ամենամյա փառատոնը ամբողջ քաղաքը վերածում է մի մեծ տոնի:
Մինեուոթերը՝ սիրո լիճը, ունի երկու Սուրբ Ծննդյան շուկա եւ լողացող սահադաշտ:
Բոլոր այցելուները պետք է վայելեն բելգիական համեղ տաք շոկոլադը՝ վաֆլիի հետ: Սեզոնի ոգու մեջ մտնելու ավելի լավ միջոց չկա:
Ռուդեշայմ, Գերմանիա
Գտնվելով Ռեյնի գինեգործական շրջանի սրտում, Ռուդեշայմը տարվա բոլոր ամիսներին հանգստավայր է համարվում:
Այնուամենայնիվ, երբ մոտենում է Սուրբ Ծնունդը, քաղաքը յուրահատուկ մթնոլորտ է ստանում:
Սուրբ Ծննդյան տոնավաճառը լի է տաղավարներով, որտեղ վաճառվում են նվերներ եւ ավանդական տոնական ուտեստներ՝ ամբողջ աշխարհից: Քաղաքի միջնադարյան շենքերն ու ծառուղիները պահպանում են դասական տոնի մթնոլորտը։
Rudesheimer սուրճը, որը պատրաստված է հարած սերուցքով, շոկոլադե չիպսերով եւ կոնյակով, մրսածությունից խուսափելու հուսալի միջոց է:
Ռովանիեմի, Ֆինլանդիա
Ռովանիեմին, որը գտնվում է Լապլանդիայում, հիանալի է տարբեր պատճառներով:
Հյուսիսափայլի վառ դրսեւորումները, բնիկների ավանդույթները եւ ֆինլանդական բաղնիքի զարմանահրաշ մշակույթը այդ պատճառներից մի քանիսն են միայն: Ի վերջո, հենց այստեղ է գտնում Սանտա Կլաուսի տունը:
Տաուբերի Ռոտենբուրգ, Գերմանիա
Բավարիայի սրտում գտնվող այս գերմանական քաղաքի տպավորիչ ճարտարապետությունը բավական է, որ տարվա ցանկացած եղանակին Սուրբ Ծննդյան զգացողություն ունենաք: Սակայն ամենամյա Reiterlesmarkt-ն, իսկապես, առանձնահատուկ է դարձնում այն:
«Reiterles»-ը, որը նաեւ հայտնի է որպես փոքրիկ ձիավոր, առասպելական կերպար է, ով, ինչպես ասում են, հազարավոր տարիներ շարունակ այցելել է քաղաք ձմռանը: Նրա՝ այստեղ գալը Սուրբ Ծննդյան ավանդույթի մի մասն է, այդ իսկ պատճառով շուկան անվանակոչվել է նրա անունով։
Արդյունքում ստեղծվել է ֆանտաստիկ տարածք, որը լցված է պատմությամբ, ինչպես նաեւ՝ առատ ուտելիքի ու տաք ալկոհոլի պարզ ուրախությամբ
Հետևեք NEWS.am STYLE-ին Facebook-ում, Twitter-ում և Instagram-ում
22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին15:05, 17 մայիսի
«Չենք բաժանվել, չենք վիճել». Սիլվի Բարկովան մեկնաբանել է Instagram-ում կրկին իր ազգանունով ներկայանալու որոշումը14:35, 17 մայիսի
Ոճաբան Սերգեյ Զվերեւը վստահեցրել է, որ Պուգաչովան կվերադառնա Ռուսաստան13:20, 17 մայիսի
Քիմ Քարդաշյանի դուստրը՝ Նորթ Ուեսթը, փոխել է մազերի գույնը. 10-ամյա սկսնակ ռեփերը ցուցադրում է իր շեկ ալիքները12:20, 17 մայիսի
«Մեգալոպոլիս»-ի դեբյուտը Կաննում ուղեկցվել է 7-րոպեանոց հոտնկայս ծափահարություններով11:28, 17 մայիսի
«Լադանիվա»-ն ներկայացրել է «Արարատ» հայտնի երգն՝ իր մեկնաբանությամբ (VIDEO)10:05, 17 մայիսի
Մոսկվայում անհետացել է «Папины дочки» հեռուստասերիալի դերասանը09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ