Մարգարիտները շարունակում են գրավել մոդայիկներին, եւ այս միտումը կշարունակվի 2024 թվականին։ «Վերջին մեկ ամսվա ընթացքում մարգարտյա զարդերի որոնումները 66 տոկոսով ավելացել են»,-ասում է Լիբի Փեյջը, Net-a-porter.com-ի գլխավոր մարքեթինգի տնօրենը, որը ներկայացրել է անսովոր գույներ եւ դիզայն, որոնք ցույց են տալիս մարգարիտները նոր տեսքով, գրում է բրիտանական Vogue-ը։ Ահա եւս մի քանի հիմնական միտումներ, որոնք ակնկալվում է, որ 2024 թվականը կդարձնեն շատ հետաքրքիր տարի ոսկերչության համատեքստում:
Չոկերի վերադարձը
Չոկերները՝ վզնոցները, որոնք կիպ կապվում են պարանոցին, կրկին օրակարգում են: Գրեթե բոլոր զարդերի հավաքածուներում առնվազն մեկ choker կա, բայց Dior-ի եւ Louis Vuitton-ի դեպքում դրանք քիչ չեն:
Կաննի 2023 թ-ի կինոփառատոնին Ումա Թուրմանը հայտնվեց Chopard չոկերով, որը պատրաստված էր ռուբինի մի քանի կտորից, իսկ Մարգո Ռոբբին «Բարբի»-ի պրեմիերային ներկայացել էր մարգարտյա չոկերով:
Սակայն 2024-ին ոչ միայն շքեղ զարդերով պատված չոկերներն են նորաձեւ: Վանեսա Քիրբին, ով մարմնավորել է Ժոզեֆինային Ռիդլի Սքոթի «Նապոլեոն» էպիկական ֆիլմում, եւ Քեյլի Սփենին, ով նկարահանվել է Սոֆյա Կոպոլայի «Պրիսցիլլա» ֆիլմում, նախընտրել են չոկերի ամենապարզ ձեւը՝ ժապավենը, որը պահում է կախազարդը:
Զարդարում ենք ձեռքերը
Ձեռքերի զարդարանքներ հայտնվել են Dior-ի վերջին հավաքածուում․ փարիզյան տունը նաեւ նախագծել է Rose Des Vents մի շարք օրիգինալ կտորներ, այդ թվում՝ մատանիներ՝ զուգակցված ապարանջաններով եւ թելերով, որոնք անցնում են ձեռքի վրայով:
Նադա Ղազալի եւ Շառլոտա Չենեթի ժամանակակից զարդերը միաժամանակ ընդգրկում են բութ մատն ու ձեռքը՝ ընդօրինակելով նրանց ոգեշնչող ժամանակակից քանդակների հոսող գծերն ու աբստրակտ ձեւերը:
Զարդեր հագուստի համար
Посмотреть эту публикацию в Instagram
Վերջին ամիսներին զարդերը խաղում են նորաձեւության հետ։ Cartier-ը ոսկե թիկնոց է ստեղծել Զոի Սալդանայի համար, Tiffany & Co.-ն զարդարել է Բեյոնսեին՝ Diamonds By The Yard զգեստի համադրությամբ։
Pomellato-ն ներկայացրել է մարմնի շղթա, որը կարելի է կրել վերնաշապիկի վրայից՝ աշխատանքի գնալիս, կամ զգեստի վրա՝ երեկույթի ժամանակ։ Messika-ն ներկայացրել է ադամանդաձեւ սեղմիչներ՝ տաբատները կամ վերնաշապիկները զարդարելու համար, իսկ Ouie-ն՝ վերջերս բացված լոնդոնյան ոսկերչական բրենդը, առաջարկում է հուդիներ՝ արծաթե, ոսկե կամ ադամանդե դետալներով, որոնք կարելի է առանձին կրել նաեւ դաստակին՝ որպես ապարանջան:
Բայց հագուստի զարդարման միտումի ամենազարմանալի օրինակը գալիս է Boucheron-ից՝ ճկուն մագնիսական գրպանի տեսքով՝ սեւ եւ սպիտակ ադամանդի եւ օնիքսի գծերով, որը կարող է վառ դարձնել ձմեռային վերարկուն, երեկոյան զգեստը կամ սիրելի ջինսը:
Սննդից ոգեշնչված զարդեր
Loquet-ի կախազարդերի մեջ խնձորներն ու Crudité-ը կենտրոնական տեղ են զբաղեցնում։ Ոսկերիչ Սիլվիյա Ֆուրմանովիչն առաջարկում է սնկի ձեւ ունեցող փայտե ականջօղեր՝ գունավոր թանկարժեք քարերով, իսկ սոխի տեսքով մակարոնի մի կտորը Roxanne First վզնոցի առանցքն է: Հավաքածուն կոչվում է Buon Appetito, որը իտալերենից թարգմանաբար նշանակում է «Բարի ախորժակ»:
«Ես ուզում էի փոխանցել իտալական խոհանոցի սեքսուալությունը եւ այն համատեղել հեռուստատեսության մեջ հայտնի կանացի կերպարների հետ», - ասում է Ջեսիկա Մաքքորմակն իր վերջին նախագծի՝ «Կարամելա»-ի մասին, որը կոչվում է Թոնի Սոպրանոյի կնոջ անունով եւ իրենից ներկայացնում է սպագետտի՝ ադամանդներով եւ ոսկով:
Մինչ Cartier-ը տաք սուրճ է մատուցում իր նորակառույց շենքից դուրս՝ փարիզյան ոսկերչական տան ներսում առաջարկվում են Grain de Café-ի նոր օրինակներ․ այս ոճը սիրված էր Գրեյս Քելլիի կողմից:
Հետևեք NEWS.am STYLE-ին Facebook-ում, Twitter-ում և Instagram-ում
16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին15:05, 17 մայիսի
«Չենք բաժանվել, չենք վիճել». Սիլվի Բարկովան մեկնաբանել է Instagram-ում կրկին իր ազգանունով ներկայանալու որոշումը