• Victoria Beckham x Mango. շքեղ, ազատ եւ գեղեցիկ

  Վիկտորյա Բեքհեմի՝ Mango-ի համար ստեղծած հավաքածուն դարձավ վիրուսային, երբ դրա մասին հայտարարվեց ապրիլի սկզբին․․․

• Իրինա Շեյքը բուռն սելֆի է հրապարակել՝ Թոմ Քրուզի հետ հանդիպել ցանկանալու լուրերի ֆոնին

  Սուպերմոդել Իրինա Շեյքը անհարմար չի զգում ցուցադրել իր անհավանական կազմվածքը ամսագրերում եւ նորաձեւության հավաքույթներում․․․

• Կիրկորովը պատմել է, թե ինչու է դադարել շփվել Պուգաչովայի հետ

  Ռուսաստանցի երգիչ Ֆիլիպ Կիրկորովը խոստովանել է, որ չի շփվում Ալլա Պուգաչովայի հետ նրա ամուսնու՝ Մաքսիմ Գալկինի պատճառով․․․

• Doja Cat-ի արտառոց հագուստը. ներքնազգեստ, պատռված զուգագուլպաներ եւ հսկայական մուշտակ

  Չնայած Բյանկա Սենսորիի՝ չափից ավելի բաց հագուստների առաջացրած համընդհանուր զայրույթին, անվանի շատ մարդիկ, ըստ երեւույթին, հավանել են նրա աութֆիտը ներքնազգեստով (երբեմն էլ առանց դրա) սահմանափակելու ոճը…

• Քիմ Քարդաշյանին նորից կասկածել են Բյանկա Սենսորիի ոճը կրկնօրինաելու մեջ

  Քիմ Քարդաշյանը հայտնվել է աութֆիթով, որը շատ բաներով հիշեցնում է նրա նախկին ամուսնու՝ Քանիե Ուեսթի ներկայիս կնոջ՝ Բյանկա Սենսորիի ոճը…

• Բրիթնի Սփիրսի շրջապատը պնդում է, որ նա «ամբողջովին դիսֆունկցիոնալ է» և կործանման եզրին է

  Աստղի Instagram-ի էջը, որը նա պարբերաբար թարմացնում էր, անհետացել է իր ընտանիքի հասցեին քննադատությունից մի քանի ժամ անց...

• Ջոան Աղաջանյան-Քուինը՝ Լոս Անջելեսի արտ-բեմի մուսա եւ հովանավոր

  «Սա ոչ տիպիկ հավաքածու է»,- ասում է գալերիստ Ռեյչել Մակքալա Ուեյնռայթը։ «Ջոանը պարզապես մուսա չէ նկարիչների համար, այլեւ գիտակ, որը շատ հմուտ խոսում է արվեստի մասին։ Հավաքածուն կարճ պատում է Լոս Անջելեսի ստեղծագործության  մասին, որի կենտրոնում են գտնվել Ջոանը եւ Ջեկը»...

• Նիկոլ Քիդմանը Balenciaga-ի շքեղ ոսկեփայլ զգեստով

  Նիկոլ Քիդմանը Լոս Անջելեսի Ամերիկյան կինոինստիտուտի կողմից արժանացել է հեղինակավոր մրցանակի՝ կարիերայում գրանցած նվաճումների համար…

Պենելոպե Քրուզը լուսանկարվել է Elle-ի համար՝ փայլելով նորաձեւ կերպարներով ու անկեղծանալով մի շարք թեմաների շուրջ: Պարբերականի հետ հարցազրույցում իսպանացի դերասանուհին խոսել է «Ֆեռարի» ֆիլմում իր կերպարի, գեղեցիկ «ծերանալու» եւ երեխաների դաստիարակության մասին:

Դերասանուհին մեկ անգամ չէ, որ մարմնավորել է իրական կերպարի։ «Ջանի Վերսաչեի սպանությունը. ամերիկյան հանցագործության պատմություն» սերիալում Քրուզը խաղացել է իր ընկերուհուն՝ Դոնաթելա Վերսաչեին։ Բայց ինչպես նշում է ամսագիրը, Լաուրա Ֆեռարին այլ կերպար էր: Նախ, նա միջազգայնորեն ճանաչված անուն չէ, ուստի Քրուզն իր ուսերին էր վերցրել «առաջին անգամ նրա ձայնը լինելու» պատասխանատվությունը։ 

Elle-ին տված հարցազրույցում Պենելոպեն հիշել է, որ Մոդենայում նկարահանումների ժամանակ գնացել էր գործարան եւ հանդիպել մարդկանց, ովքեր ճանաչում էին Լաուրային։ «Նրանք կարծես, թե չէին ուզում նշել, թե որքան ուժեղ էր նա: Գիտե՞ք, որ նա անվադողերով էր քնում․․․ Մրցավազքին նախորդող գիշերը նա անվադողերով էր քնում, որպեսզի ոչ ոք դրանք չվնասեր: Բայց մարդիկ ասում էին` ոչ, ոչ, նա դժվար կին էր, շատ թթու եւ անկանխատեսելի։ Ոմանք նրան խելագար էին անվանում՝ բառ, որ օգտագործվել է պատմության մեջ յուրաքանչյուր կնոջ համար՝ արդարացնելու նրա հանդեպ ճնշումը»։

Դերասանուհին խոստովանել է, որ ինքը վախենում է մեքենա վարելուց ու բացատրել, թե ինչու,-«Երբ ես 8-9 տարեկան էի, քրոջս հենց աչքիս առաջ մի մեքենա հարվածեց։  Հիշում եմ՝ նա կարմիր վերարկու էր հագել։ Այդ պահին ինձ համար ժամանակը կանգ առավ։ Դա մեծ տրավմա էր, քանի որ ես տեսա, թե ինչպես էր նա կորցնում գիտակցությունը: Իսկ ես հիվանդանոցում թմրած էի, մարդկանց ասում էի. «Քրոջս հենց նոր վրաերթի են ենթարկել»։

Շնորհիվ իր մասնակցությամբ մի շարք ֆիլմերի՝ Քրուզն աշխարհի աչքում մայր էր դարձել, նույնիսկ, նախքան մայրանալը։ Հիմա նա ասում է․ «Իմ տարիքում կերպարների 80 տոկոսը կլինեն մայրեր, ամուսնալուծված կամ լքված կանայք, բայց ես շատ փոքրուց եմ մայրերի մարմնավորել»:

Պենելոպեն ասում է, որ դեռ փոքրուց գիտեր, որ երեխաներ է ուզում ունենալ: «Բայց ես գիտեի, որ նրանց ավելի մեծ տարիքում եմ ուզում: Ես ուզում էի սպասել, մինչեւ կզգայի, որ պատրաստ եմ: Ես վստահ էի, որ դա կլինի ամենակարեւոր բանը, որ կանեմ իմ կյանքում»:

Քրուզն իր եւ Խավիեր Բարդեմի երեխաներին՝ 10-ամյա Լունային եւ 12-ամյա Լեոյին, հնարավորինս հեռու է պահում հանրային ուշադրությունից, բայց նշում է, որ չի խոչընդոտի նրանց ընտրությանը, եթե երբեւէ ցանկանան իր կամ ամուսնու ուղին բռնել․ «Դա նրանց որոշումը կլինի, նրանք պետք է հասկանան՝ արդյոք ուզո՞ւմ են ունենալ այնպիսի աշխատանք, որն առավել բացահայտ է հանրության համար: Նրանք կխոսեն այդ մասին, երբ պատրաստ լինեն»:

Զարմանալի չէ, որ Քրուզի երեխաները չունեն սոցիալական ցանցերի հաշիվներ․ նրանք, նույնիսկ, հեռախոսներ չունեն: «Այնքան հեշտ է մանիպուլյացիայի ենթարկվելը, հատկապես, երբ դեռ փոքր ես։ Դա դաժան փորձառություն է երեխաների եւ դեռահասների համար»,-ասում է դերասանուհին։

Հոլիվուդում շատ բան է խոսվում նրա, հատկապես նրա տարիքի՝ ավելի ճիշտ՝ չծերանալու մասին։  Որքան էլ թեման հոգնեցուցիչ լինի, կան որոշ հայտնիներ, որոնց մեդիան, կարծես, թույլ չի տալիս ծերանալ:

«Բայց գիտե՞ք, թե ինչու ես դրա մասին չեմ անհանգստանում։ Որովհետեւ մարդիկ ինձ հարցնում էին տարիքի մասին, երբ ես  դեռ քսան տարեկան էի: Այն ժամանակ ավելի շատ էի անհանգստանում, քան հիմա։ Այժմ ավելի իմաստալից է քննարկել 50 տարեկան դառնալը: Դա գեղեցիկ բան է, եւ ես, իսկապես, ուրախ եմ իմ տարիներով: Դա նշանակում է, որ ես այստեղ եմ, առողջ եմ, ինչը լավ առիթ է խնջույք կազմակերպելու»:

Լուսանկարները՝ Զոեյ Գրոսման
Ոճաբան՝ Ալեքս Ուայթ

Հետևեք NEWS.am STYLE-ին Facebook-ում, Twitter-ում և Instagram-ում