• Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը

  Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը․․․

• «Դաունթոնի աբբայության» հիման վրա երրորդ ֆիլմը կնկարահանվի

  «Դաունթոնի աբբայության» հիման վրա կնկարահանվի երրորդ ֆիլմը․․․

• Հոգեթերապիա Netflix-ի ձևով. Baby Reindeer հայտնի սերիալը

  Այսօր ինքնահայեցումը և տրավմատիկ փորձը ապրելու և այն սերիալի օգնությամբ թողնելը թրենդում են: Netflix-ի նոր «Fawn» սերիալը մեծ աղմուկ է բարձրացրել։ Հետապնդման մասին պատմությունը գրավեց քննադատների և հեռուստադիտողների սրտերը, ինչը զարմանալի չէ. կինոյի հոգեբանական ֆոնն այժմ թրենդում է...

• Ջոն Մալկովիչը կհամալրի Marvel-ի կինոտիեզերքը՝ հանդես գալով «Ֆանտաստիկ քառյակի» նոր ֆիլմում

  Ջոն Մալկովիչը համալրում է Marvel-ի կինոտիեզերքի շարքերը՝ «Ֆանտաստիկ քառյակը» առաջիկա ֆիլմով…

• Էնդի Սերկիսը վերադառնում է «Մատանիների տիրակալի» տիեզերք

  Բրիտանահայ դերասան Էնդի Սերկիսը վերադառնում է «Մատանիների տիրակալ»-ի տիեզերք…

• Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ

  «Արագություն» մարտաֆիլմի պրեմիերայից 30 տարի անց Կիանու Ռիվզը ցանկանում է նկարահանել ֆրանշիզայի երրորդ մասը…

• Հիսուս Քրիստոսի մանկության մասին սարսափ ֆիլմ կնկարահանվի

  Հիսուս Քրիստոսի մանկության մասին սարսափ ֆիլմ կնկարահանվի։ Ըստ Hypabeast-ի՝ «Հյուսնի որդին» ֆիլմում գլխավոր դերերը կխաղան Նիկոլաս Քեյջը եւ բրիտանացի դերասանուհի FKA Twigs-ը, ոքեր կմարմնավորեն Հիսուսի ծնողներին․․․

• «Ուենսդեյ» սերիալի երկրորդ եթերաշրջանի նկարահանումները սկսվել են

  «Ուենսդեյ» սերիալի երկրորդ եթերաշրջանի նկարահանումները սկսվել են։ Երբ սերիալն առաջին անգամ հայտնվեց Netflix-ում, այն ռեկորդներ գրանցեց․․․

«Անկման անատոմիան» ֆիլմ է, որը Կաննի կինոփառատոնում արժանացել է արմավենու ճյուղի, իսկ ռեժիսորը ֆրանսիացի Ժաստին Տրիեն է։ Ֆիլմը արժանացել է կինոքննադատների հիացական արձագանքներին, ինչպես նաեւ գրավել է հանդիսատեսի ուշադրությունն ամբողջ աշխարհում:

«Անկման անատոմիան» դատական ​​դրամա է գրողի ամուսնու մահվան հետաքննության մասին, որը դառնում է գլխավոր եւ միակ կասկածյալը։ Ամբողջ ֆիլմի ընթացքում, դատական ​​գործընթացների միջոցով, հեռուստադիտողին պատմվում է ընտանեկան հարաբերությունների մասին՝ ներկայացված տարբեր անձնական խնդիրների դրսեւորմամբ: Երկուսուկես ժամ ձգձգված, միապաղաղ պատմությունը դանդաղ զարգացող սյուժեի պատճառով, գուցե, տանջանք լինի, եթե ավելի աշխույժ սցենարի սիրահար եք: Այնուամենայնիվ, եթե դուք ի սկզբանե միապաղաղ ֆիլմի տրամադրություն ունեք, ապա ավելի մեծ հնարավորություն կա, որ այն առանց տանջվելու կդիտեք, բայց նույնիսկ այս դեպքում դուք կհիասթափվեք:

Ֆիլմի գլխավոր թերությունը գլխավոր հերոսի ամուսնու մահվան պատճառի մասին վարկածների եւ տեսությունների մանրակրկիտ դասավորումն է։ Այստեղ գրողները հնարավորինս մանրամասնորեն են մոտեցել հարցին։ Որոշ հեռուստադիտողներ կվրդովվեն դրանից, քանի որ սա ինքնատիպ գեղարվեստական ​​ֆիլմ է, այլ ոչ թե դատաբժշկական վավերագրական ֆիլմ: Հանդիսատեսի մեկ այլ հատված ուրախ կլինի սա անվանել սյուժեի մեջ ընկղմվելու գործիք: Բոլորին գոհացնել հնարավոր չի լինի։

Սյուժեն կապված է դատական հետաքննության հետ, որը մեզ պետք է հիշեցնի այս ժանրի լավագույն ֆիլմերը, սակայն ֆիլմը չի հասնում «Տասներկու զայրացած տղամարդկանց»՝ ո՛չ սցենարի, ո՛չ սյուժեի, ո՛չ դերասանական, ո՛չ էլ նույնիսկ կինեմատոգրաֆիայի առումով։ Հերոսներն անընդհատ շփոթվում են իրենց ցուցմունքներում, չեն խոսում եւ ակնհայտ փաստեր չեն հիշում, հետաքննությունն իրականացվում է չափազանց դանդաղ, տասնյակ վարկածներ են փորձարկվում, իսկ իրավաբանները դիմում են գեղարվեստական ​​լուծումների եւ գուշակությունների, ինչպես նաեւ խայթում են միմյանց։ Ամբողջ գործընթացը նման է մեկ մեծ ֆարսի։ Անատոմիան ճշգրիտ գիտություն է, բայց այստեղ մենք չտեսանք որեւէ փաստ՝ խեղդվելով վարկածների շփոթության մեջ։

Ֆիլմը բաց ավարտ ունի, համենայնդեպս մենք չենք կարող լիովին վստահ լինել, թե կոնկրետ ինչպես է մահացել գլխավոր հերոսի ամուսինը, քանի որ ամբողջ ֆիլմի ընթացքում հեռուստադիտողը բախվում է ընտանեկան հարաբերությունների հակասական մանրամասներին, ինչպես նաեւ հերոսների անհատականությանը: Մի կողմից գրողը չափազանց ուրախ է դատարանում իր արդարացումից, ինչը հանգեցնում է մտքերի՝ եթե նա ոչինչ չի թաքցնում եւ ոչ մի բանում մեղավոր չէ, ինչո՞ւ է զարմանում նման արդյունքից։ Մյուս կողմից, գրողի 11-ամյա կույր որդին չափազանց կապված էր իր շան հետ, սակայն դա չխանգարեց նրան դաժան փորձարկման ենթարկել ընկերոջը՝ վտանգի տակ դնելով շան կյանքը, որպեսզի պարզեր հոր սպանության հետ կապված իր կասկածները։ Վերջին կադրերից մեկը մեզ ցույց է տալիս, թե ինչպես է դատավարությունից եւ արդարացման դատավճռից վերադառնալուն պես մայրը խոսում որդու հետ՝ վերջում գրկելով նրան: Այստեղ հետաքրքիր է գրկախառնվելու պահը, որտեղ որդին գրկում է մորը, համբուրում նրա գլուխն ու մխիթարում։ Տեսարանը ոչ միայն տարօրինակ է թվում դերերի շրջադարձի պատճառով, այլեւ դրա տեւողության շնորհիվ։ Այն ուշադրություն է գրավում տագնապալի մեղեդիով եւ դեռահասի՝ դեպի դատարկություն ուղղված չափազանց գիտակցված հայացքով։

Այսպիսով, հեռուստադիտողը մենակ է մնում իր գուշակությունների հետ՝ փորձելով կռահել հերոսի մահվան երեք տարբեր վարկածները՝ կնոջ կողմից սպանություն՝ վրեժխնդրության պատճառով, դժբախտ պատահար եւ ինքնասպանություն:

Ֆիլմը դիտելու ընթացքում, երբ փորձում եք հասկանալ, թե ինչպես է տղամարդն ընկնում պատշգամբից, գլխավորը, որ ինքներդ էլ չցանկանաք պատուհանից դուրս գալ։

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում