Տիհանա Vibes. Dasein-ը սիրո եւ տարբերվող մարդկանց մասին է

«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը

16:17, 29 ապրիլի

Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs պատկերասրահում բացվեց քանդակագործ Մկրտիչ Մազմանյանի հայաստանյան առաջին ցուցահանդեսը։

Ցուցահանդեսին ներկայացված են վարպետի՝ Ազնավուրին պատկերող դիմաքանդակները, կոմպոզիցիոն աշխատանքներն ու գծանկարները։

2-3.jpg (37 KB)

Մազմանյանական Ազնավուրը ուղիղ վերարտադրություններ չեն, այլ էմոցիոնալ պատկերներ են՝ վերաբերմունք ու հարգանքի տուրք մեծ շանսոնյեին։

Միջոցառման մասնակիցները շրջեցին ցուցասրահով, ծանոթացան հեղինակի աշխատանքներին ու  ներկա գտնվեցին իր տեսակով եզակի ինտերակտիվ ցուցահանդեսին՝ Ազնավուրի երաժշտության ու դիմաքանդակների համադրմամբ։

3-7.jpg (35 KB)

«Նման հավաքածու ունենալու մասին նախապես չեմ մտածել, ամեն բան ինքնաբերաբար ստացվեց»,- բացման ընթացքում Ազնավուր քանդակելու շարժառիթների ու ցուցահանդեսի մասին խոսելիս ասաց Մկրտիչ Մազմանյանը՝ շարունակելով․ «Երիտասարդ տարիներին շատ էի լսում նրան, սկզբում հրապուրվում էի նրանով որպես մեծ հայ, հետագայում սկսեցի հասկանալ, որ ինքը ոչ միայն մեծ հայ է, այլև մեծ ու տիեզերական մարդ։ Ոչ միայն կատարում է լավագույն ձևով, այլև գրում է լավագույն ձևով և որ իր յուրաքանչյուր երգ պոեզիա է ու դրամատուրգիա։ Եվ ես ցանկացա նրա երաժշտությունը թարգմանել ձևի»։

4-7.jpg (48 KB)

Միջոցառմանը մասնակցում էին «Ազնավուր» հիմնադրամի համահիմնադիր և հոգաբարձուների խորհրդի նախագահ Նիկոլա Ազնավուրը և նրա կինը՝ «Ազնավուր» հիմնադրամի գործադիր տնօրեն Քրիստինա Ազնավուրը։

5-5.jpg (31 KB)

«Շառլ Ազնավուրի կյանքն ու անցած ուղին մշտապես ոգեշնչել են բազմաթիվ արվեստագետների ոչ միայն երաժշտության բնագավառից, այլև արվեստի այլ ձևերից։ Մկրտիչ Մազմանյանի աշխատանքներում մենք տեսնում ենք քանդակագործության հանդեպ նրա ունեցած սերը և արվեստի փոխակերպող ուժը։ Ցանկանում ենք «Ազնավուր» հիմնադրամի անունից շնորհակալություն հայտնել պարոն Մազմանյանին Շառլ Ազնավուրին նվիրված ստեղծագործությունների վրա աշխատելու և արտիստի հարյուրամյակի առթիվ դրանք ցուցադրելու համար»,- նշում է Նիկոլա Ազնավուրը։

Ցուցահանդեսի բացմանը տեղի ունեցավ նաև Մկրտիչ Մազմանյանի պատկերագրքի շնորհանդեսը։ Ցուցահանդեսի համադրող և գրքի գաղափարի հեղինակ Զառա Մազմանյանի խոսքով այս գիրքը Մկրտիչ Մազմանյանի տարիների աշխատանքի տրամաբանական շարունակությունն է․ «Գրքում ամփոփված են վարպետի աշխատանքները՝ ուսանողությունից մինչ օրս»։

6-5.jpg (23 KB)

Ցուցահանդեսի բացման միջոցառմանը ներկա էին կառավարության անդամներ, մշակույթի նշանավոր գործիչներ և արվեստը գնահատող բազմաթիվ հյուրեր։ Ցուցահանդեսը կգործի մինչև մայիսի 10-ը։

Մազմանյանը Հայաստանի ամենահայտնի կերպարային (ֆիգուրատիվ) քանդակագործներից է։ Արվեստագետի աշխատանքներում արտացոլվում են մարդկային փառասիրությունը, զարթոնքը և էվոլյուցիան։ Մազմանյանի քանդակագործության յուրօրինակ ոճը ձևավորվել է բազմաթիվ մշակույթների և գեղարվեստական ոճերի միախառնումից, չնայած նա ամենաշատը սովորել ու ոգեշնչվել է բնությունից և մարդկանցից։

7-5.jpg (41 KB)

Մազմանյանի ստեղծագործությունների մեծ մասը նվիրված է մարդուն՝ իր ողջ գեղեցկությամբ:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել