Մայիսի 7-ին «Մոսկվա» կինոթատրոնում կայացավ «Վայ քու… կամ փարթամ կակտուսը» ֆիլմի պրեմիերան, որի բեմադրող ռեժիսորը Նառա Ղուկասյանն է:
Ֆիլմը պատմում է հիմնական 6 կերպարների մասին, ովքեր բախտի բերմամբ հանդիպում են հիվանդանոցում: Կարծեցյալ վիրուսի պատճառով փակվում են հիվանդասենյակում եւ, ինչպես բնորոշ է մարդուն, ծայրահեղ իրավիճակները բացահայտում են նրանց իրական դեմքերը:
Նկարիչ Վարդանը փնտրում է Վերնիսաժում մեկ անգամ տեսած Նարեին: Նրա քեռի Հովհաննեսը կակտուսի պատճառով ընկնում է հիվանդանոց եւ մեկ օրվա ընթացքում կորցնում ու գտնում է իր կյանքի հավատարիմ էակին: Առեւտրական Սլավիկի համար ամեն ինչ առուծախի ապրանք է: Վարսիկի համար բարոյական է հավատարիմ, հայրենասեր մարդը: Իսկ թավջութակահար Իզոլդային սեփական շահից բացի ոչինչ չի հետաքրքրում:
Ֆիլմի առանցքային կերպարներին մարմնավորում են Արա Դեղտրիկյանը (Հովհաննես), Ալբերտ Սաֆարյանը (Սլավիկ), Վաչե Երիցյանը (Վարդան), Արսինե Նավասարդյանը (Վարսիկ), Սոֆիա Սողոմոնյանը (Անահիտ), Ալիսա Մելիքսեթյանը (Իզոլդա) եւ Անուշ Քալաշյանը (Նարե):
«Սկզբում պատմությունը գրվել է, որպես պիես, հետո երբ այն կարդաց պրոդյուսեր Ռուբեն Թումանյանը, առաջարկեց այն դարձնենք ֆիլմ, ավելացրեցինք կերպարներ, տեսարաններ, սիրային գիծ, ու այդպես այն ստեղծվեց»,-պատմում է ֆիլմի սցենարիստ Նաիրա Ահարոնյանը:
Նրա խոսքով՝ Ֆիլմը «մեր մասին է»: «Գլխավոր հերոսը մի մարդ է, որի կյանքը մեկ ժամվա ընթացքում կտրուկ փոխվում է. նա հարստանում է, բայց շատ արագ էլ դառնում աշխարհի ամենաաղքատ մարդը ու հասկանում է, որ կյանքում ամենակարեւորը փողը չէ, այլ սերը, հավատարմությունը ու ընկերությունը»:
Ֆիլմի պրոդյուսեր Ռուբեն Թումանյանի խոսքով՝ ֆիլմում յուրաքանչյուրն իր համար կգտնի ասելիք.
«Ֆիլմն ինձ գրավեց հասարակ լինելով, շատ հողային սցենար է՝ մեր կյանքի մասին, մարդկային հարաբերությունների մասին, այն ամենի մասին, ինչ մեզ այսօր պակասում է: Ինձ նաեւ գրավեց հերոսի տրանսֆորմացիան. սկզբից մենք մի մարդու ենք տեսնում, իսկ ֆիլմի ավարտին՝ բոլորովին ուրիշ մարդու: Յուրաքանչյուրն այս ֆիլմում կգտնի իր համար ասելիք, բայց ամենակարեւոր ասելիքն այն է, որ մարդը մարդ մնա, որ պետք է սիրել Հայաստանը ու յուրաքանչյուրը փորձի իր ուժերի սահմանում կանգնել այս հողի համար»,-ասում է նա:
Պրոդյուսերը հավելեց, որ ֆիլմը կցուցադրվի նաեւ մարզերում եւ արտերկրում:
Հետևեք NEWS.am STYLE-ին Facebook-ում, Twitter-ում և Instagram-ում
12:18, 20 մայիսի
Քեւին Քոսթների ֆիլմը Կաննում 10 րոպեանոց հոտնկայս ծափահարությունների է արժանացել11:08, 20 մայիսի
«Ես, իսկապես, զղջում եմ»․ Շոն «Դիդի» Քոմբսն առաջին անգամ խոսել է համացանցում տարածված տեսանյութի մասին, որում նա ծեծում է նախկին ընկերուհուն10:17, 20 մայիսի
Նիկոլայ Նոսկովի առողջական վիճակը կտրուկ վատացել է09:00, 20 մայիսի
ՄԱՅԻՍԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)