• Օպտիկական պատրանքը կարող է ցույց տալ՝ որքան «փակ մարդ եք» դուք

  Օպտիկական պատրանքը կարող է բացահայտել՝ արդյոք դուք «փա՞կ» մարդ եք, թե՞ չափազանց «շփվող»…

• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Մարկ Ցուկերբերգն ապացուցում է, որ մորուքով տղամարդիկ ավելի գրավիչ են

  Մորուքով տղամարդիկ ավելի գրավիչ են։ Մարկ Ցուկերբերգի խմբագրված լուսանկարը․․․

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

Հաճախ կինը հայտնվում է մի իրավիճակում, երբ տղամարդն իրեն դուր է գալիս, սակայն վերջինն այդ չի նկատում: Ինչպե՞ս տղամարդուն ցույց տալ, որ նա ձեզ դուր է գալիս: Ինչպե՞ս սկսել առաջինը գործել: Երկու սեռերի հարաբերությունների հոգեբանությունն անակնկալներով լի է, քանի որ երբեք չես կարող իմանալ, թե մարդը, ով ձեզ դուր է գալիս, իրեն ինչպես կդրսեւորի, երբ առաջին քայլը դուք կատարեք: Իսկ եթե անկեղծ, ապա կորցնելու ոչինչ չունեք: Գործե՛ք: Եթե ստացվի՝ լավ է, եթե ոչ՝ սատանան նրա հետ: Գլխավորը ժամանակ չկորցնելն ու գործելն է:

Պարզեք տղամարդու վերաբերմունքը ձեր նկատմամբ

Մոտեցեք տղամարդուն (մինչեւ 1-1.5 մետր) եւ գնահատեք նրա վարքագիծը: Եթե տղամարդը չի հեռանում, այլ իրեն պահում է, կարծես ոչինչ էլ չի եղել, ապա համակրանքն ակնհայտ է:

Տղամարդուն մոտենալուն պես գնահատեք նրա շարժումները: Նայեք, թե նրա կեցվածքն ինչպես է փոխվում: Եթե նա ուղղում է ուսերը, ներս քաշում փորը, շտկում փոխկապն ու վերնաշապիկը, այդ լավ տեսք ունենալու գիտակցված շարժում է: Տղամարդն ուզում է ձեզ ավելի գրավիչ երեւալ:

Ձեզ հետ զրույցի ընթացքում նրա ձեռքերը չպետք է թիկունքի հետեւում թաքնված լինեն: Եթե նա բթամատները դնում է գրպանը կամ գոտու արանքում, նշանակում է՝ հետաքրքրված է ձեզանով եւ ուզում է սիրահետել:

Գնահատեք տղամարդու հայացքը: Փախչող աչքերը, դեմքի տխուր ու մոլորված արտահայտությունը, փոքր-ինչ փակ կոպերը վկայում են այն մասին, որ տղամարդուն այնքան էլ հարմար չէ, նա պատրաստ չէ կապի եւ չգիտի, թե ինչպես ավելի սիրալիր հեռանա ձեզանից: Եվ հակառակը, «մերկացնող», ուշադիր հայացքը խոսում է մեծ հետաքրքության մասին:

Օգտագործեք շփման անխոս միջոցներ

Կեցվածքներ: Շատ աղջիկներ, նույնիսկ ակնհայտորեն հավանելու դեպքում, փակվում են զուգընկերոջ առջեւ, ձեռքերը գրպանն են դնում, ծածկվում պայուսակով: Հասկանալի է, ձեր առջեւ անծանոթ մարդ է եւ լարվածություն է առաջանում: Բայց պատկերացրեք միայն, թե որքան դժվար է խոսել մի մարդու հետ, ով պատնեշներ է ստեղծում: Այդպիսի մարդկանց մենք ենթագիտակցորեն անվստահելի, ագրեսիվ ու անվստահ ենք համարում: Այդ պատճառով, որքան էլ դժվար է, եթե ցանկանում եք գրավել տղամարդուն, ապա հրաժարվեք փակ շարժումներից: Տղամարդը պետք է զգա ձեր դրական էներգիան:

Հպումներ: Տղամարդուն հպվելու առիթներ գտեք: Ափսե փոխանցեք՝ հանկարծակի դիպչելով նրա ձեռքին, սեղանի տակից դիպեք ծնկներին, երբ միասին ինչ-որ կատակի առիթով ծիծաղում եք՝ թեթեւակի հարվածեք ուսին: Կան նաեւ դիպչելու ավելի բաց միջոցներ: Օրինակ` նրա հագուստի վրա, կրծքի հատվածից վերեւ, ինչ-որ բան շտկելու տարբերակը: Նման հպումները պետք է թեթեւ ու կարճ լինեն:

Հարդարվելու շարժումներ: Մի մոռացեք նաեւ լավ տեսք ունենալու համար կանացի շարժումների մասին. դեմքից մազերը հեռացնելը, սանրվածքը շտկելը, քայլելիս կոնքերի շարժումը: Մազերը, ձեռքերը, եղունգներն ու հագուստը պետք է անթերի լինեն: Քչերին կարող է գրավել աղջկա փափուկ քայվածքը, եթե նրա կիսաշրջազգեստն արդուկված չէ:

Աչքերով ժպտալը: Տղամարդու հետ հանդիպելիս ժպտացեք, եթե նույնիսկ շփոթված եք կամ ենթագիտակցորեն ուզում եք քողարկել ձեր համակրանքը: Իմացեք, թե ինչով է տարբերվում անկեղծ ժպիտը շինծուից: Անկեղծ ժպիտն ուղեկցվում է աչքերի փայլով: Փորձեք նաեւ աչքերով ժպտալ: Տանը փորձեր կատարեք, այդ շատ դյուրին է: Այդ դեպքում տղամարդն անպայման կզգա ձեզանից ճառագող դրական էներգիան:

Ծիկրակում: Տղամարդուն նայեք ոչ երկար, բայց ուշադիր հայացքով: Երբ նա ձեզ է ուղղում հայացքը, անմիջապես թեքեք ձեր հայացքն ու շփոթված ժպտացեք: Տղամարդու հոգեվիճակին անմիջապես ազդակ կգնա. «Ինձ հետեւում են, պետք է իմանալ, թե ինչ է կատարվում»:

Բայց դրանով մի տարվեք, որպեսզի հիմար տեսք չունենաք: Բացի այդ, սեւեռուն հայացքները տղամարդու կողմից կարող են ընկալվել որպես ագրեսիվություն կամ հասանելիություն: Նայեք թեթեւ ու ոչ սեւեռուն:

Հաճոյախոսեք: Այս մասին ավելի մանրամասն խոսել ենք «Ինչպե՞ս տղամարդուն հաճոյախոսել» հոդվածում: Ձեր պաշտամունքի առարկային ուղղված հաճոյախոսությունը պետք է իրական, կոնկրետ եւ անկեղծ լինի: Եթե ձեր տղամարդն ամաչկոտ է, ուղիղ հաճոյախոսությունը կարող է նրան շփոթեցնել: Այդ պատճառով, իմիջայլոց հաճոյախոսեք. «Դու նույնպե՞ս այդ հավանում ես»: «Սիրում եմ ճաշակով մարդկանց», «Ասա, խնդրում եմ, որտեղի՞ց ես գնել այդ նորաոճ ակնոցը»:

Մենք կարծում ենք, դուք առանց դժվարության կարող եք տղամարդուն գովաբանելու այլ միջոցնել գտնել: Գլխավորը՝ այդ անել հմտորեն եւ առանց չափն անցնելու: Հակառակ դեպքում տղամարդը կարող է մտածել, որ ծաղրում եք իրեն:

Նյութը՝ passion.ru կայքի

Հետևեք NEWS.am STYLE-ին Facebook-ում, Twitter-ում և Instagram-ում