«Դիետա» բառը լսելիս շատերի մոտ հաճելի զգացողություններ չեն առաջանում: Սովորաբար «դիետա» հասկացությունն առաջին հերթին ասոցացվում է քաղցի զգացողության, ինչպես նաեւ ինչ-որ անհամ, անհրապույր ուտելիքի հետ: Սակայն ուտելու սիրահարները, ովքեր դրա հետ մեկտեղ նաեւ նիհարում են, պարզվում է՝ արարող են եւ բազմաթիվ համեղ դիետաներ են ստեղծել, որոնք ոչ միայն նպաստում են նիհարելուն, այլեւ հաճելի են: Իհարկե, այս դիետաները հաճախ այնքան էլ օգտակար չեն օրգանիզմի համար, սակայն կիրառողների պնդմամբ, բավական արդյունավետ են:
Համեղ դիետաների վարկանիշային աղյուսակի առաջին հորիզոնականում «շոկոլադե դիետան է»: Քաղցրակերները կարող են ուրախանալ, պետք չէ տանջել ձեզ եւ զոհողությունների գնալ:
Այս մոնոդիետայի հիմքում դառը շոկոլադն է: Ցանկության դեպքում այն կարելի է կաթնայինով փոխարինել, խիստ պահպանելու դեպքում արդյունքը նույնն է: Տեւողությունը 7 օր է: Այդ ընթացքում, ինչպես վստահեցնում են, կարելի է 6 կգ կորցնել: Շաբաթվա ընթացքում անհրաժեշտ է օրական 100 գրամ դառը շոկոլադ ուտել, խմել առանց շաքարավազի սուրճ, թեյ կամ ջուր: Ինչպես յուրաքանչյուր դիետայի դեպքում, հեղուկը պետք է 2 լիտրից պակաս չլինի: Անհրաժեշտ է մնացած բոլոր մթերքները բացառել, այդ թվում՝ մրգերը, բանջարեղենը, ինչպես նաեւ շաքարավազն ու աղը: Սեւ դառը շոկոլադի մեջ կալորիան քիչ է, սակայն շատ օգտակար նյութեր կան, օրինակ՝ հակաօքսիդանտներ ու ֆլավինոիդներ (հոգ են տանում մազանոթների համար եւ հանգստացնող ազդեցություն ունեն), կալցիում, սպիտակուցներ, երկաթ, մագնեզիում եւ վիտամիններ: Բացի այդ, այն հիանալի ճնշում է քաղցի զգացողությունը:
Այս դիետան հակացուցված է բոլոր նրանց, ովքեր շաքարախտ ունեն, լյարդի հիվանդություն, զարկերակային հիպերտոնիա, ինչպես նաեւ շոկոլադից ալերգիա:
Ցանկում հաջորդը «ձմերուկի դիետան է»: Հիմքում շատերի կողմից սիրված պտուղն է: Ձմերուկի դիետայի գլխավոր առավելությունը նրա թեթեւությունն է՝ առանց սովի զգացողության: Սակայն ձմերուկի դիետան ծանր է համարվում: Դրանով է պայմանավորված նրա կարճ տեւողությունը՝ 5 օրից ոչ ավելի: Կերակրացանկի հիմնական պահանջը հետեւյալն է. 10 կգ մարմնի քաշին, մեկ կգ ձմերուկ (եթե ձեր քաշը 80 կգ է, ապա կարելի է մեկ օրում 8 կգ ձմերուկ ուտել): Բոլոր մյուս մթերքներն արգելվում են: Դիետայի մյուս տարբերակում, յուրաքանչյուր անգամ սնունդ ընդունելիս կարելի է 2 կտոր տարեկանի հաց ուտել: Այս դեպքում, դիետայի տեւողությունը կարելի է երկարացնել մինչեւ 10 օր:
Այս դիետայի դրական կողմը համարվում է կարճ ժամանակահատվածում բարձր արդյունավետությունը (ավելորդ հեղուկի կորստի հետ, ինչպես նաեւ նյութափոխանակության կարգավորման, օրգանիզմը մաքրվում է տոքսիններից, խարաններից ու ճարպից):
Այս դիետան հակացուցված է այն մարդկանց, ովքեր տառապում են երիկամների, միզասեռական օրգանների հիվանդությամբ, երիկամների քար, պիելոնեֆրիտ, շաքարային խանգարում ունեն եւ այլն: Երիկամների վրա է ընկնում դիետայի ընթացքում օրգանիզմը խարաններից մաքրելու ամբողջ ծանրությունը:
Իտալական մակարոնի դիետան նիհարելու հնարավորություն է տալիս՝ առանց քաղցի զգացողությունից տանջվելու: Այս դիետայի գլխավոր նախապայմանն այն է, որ մակարոնեղենը պետք է լինի բացառապես ցորենի կարծր տեսակից: Այս դիետայի կողմնակիցն է իտալական դերասանուհի Սոֆի Լորենը: Նա հավատացնում է, որ իր կառուցվածքի համար պարտական է «ծնողներին ու սպագետիին»: «Ես իմ կյանքն առանց մակարոնեղենի չեմ պատկերացնում, ուտում եմ ամեն օր եւ ընդհանրապես չեմ գիրանում»,- ասում է դերասանուհին:
Այս դիետայի ընթացքում պետք է հրաժարվել մսից, հացաբուլկեղենից, շաքարավազից եւ կոնսերվանտներ պարունակող մթերքներից (ներառյալ կետչուպ, երշիկեղեն եւ այլն): Սակայն մակարոնեղեն եւ ծովամթերք կարելի է ուտել անսահմանափակ քանակությամբ: Կարծր տեսակի ցորենից պատրաստված մակարոնեղենը պահպանում է հացահատիկի ուժեղ կողմն ու իրենից բարդ ածխաջուր է ներկայացնում (շուրջ 70%): Այս մակարոնը կարելի է դիետիկ մթերք համարել: Մեկ ափսե մակարոնը 200 կկալ է պարունակում, 40 գրամ ածխաջրեր, 1 գրամից պակաս ճարպ եւ 1 գրամ աղ: Մակարոնին կալորիականություն են հաղորդում կարագը, քերած պանիրը, մայոնեզը եւ այլն: Հետազոտությունների համաձայն, ավելի դյուրին է նիհարել բարդ ածխաջրերով հարուստ դիետայով, քանի որ դրանք մարում են քաղցը, էներգիա են հաղորդում եւ հրաշալի այրվում են օրգանիզմում:
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ