• Բանջարեղենային դիետան կօգնի կանանց հաղթահարել նախադաշտանային սինդրոմը

  Գիտնականները պարզել են․․․

• Ատամների խնամք. լնդերի մերսում

  Գեղեցիկ ժպիտը շատ դեպքերում ունակ է թեթեւացնել մեր կյանքը. ժպտացող մարդիկ վստահություն են ներշնչում…

• Դիմակ «հինգրորդ կետի» խնամքի համար

  Գոյություն ունեն կանացի մարմնի տարբեր մասերի խնամքի բազմաթիվ միջոցներ…

• Մեղրով դիետա

  Տվյալ դիետայի հիմնական առանձնահատկությունն այն է, որ օրական երեք անգամ (նախաճաշ, ճաշ ու ընթրիք) անհրաժեշտ է մեկական գդալ մեղր ուտել...

• 8 beauty-խորհուրդ. շքեղ տեսք՝ առանց ավելորդ գնումների

  Կոկոսի յուղը ոչ միայն հրաշալիորեն խոնավեցնում է մաշկը, այլեւ գերմիջոց է ճյուղավորվող մազերի դեմ…

• Որոնք են ամենավնասակար ալկոհոլային խմիչքները

  Ամերիկյան գիտնականները նշել են ամենավնասակար 5 ալկոհոլային խմիչքները, որոնց օգտագործումը վատ հետեւանքներ է առաջացնում…

• Զարմանալի երեւույթներ, որոնք տեղի է ունենում մարդու հետ քնած ժամանակ

  Տեղեկությունների ծավալը, որ ուղեղն ամեն օր կլանում է, անսպառ է...

• Ինչպես պատրաստվել տնային ձեռնասունին ընդունելուն

  Տնային կենդանիները ընդհանրապես աշխարհի եւ մասնավորապես քո կացարանի սեփական ընկալում ունեն…

Երբ նոր եք աշխատանքի ընդունվում, դեռեւս չգիտեք, թե աշխատավայրում ով՝ ով է եւ ինչպես պետք է պահեք ձեզ: Սակայն մի բան պարզ է. տնօրենն այն մարդն է, ում դուք հաշվետու եք ձեր աշխատանքի եւ քայլերի համար, ուստի աշխատանքի անցնելու առաջին օրերից շահել տնօրենի վստահությունը, նշանակում է` գործի կեսն անել: Ստորեւ ներկայացնում ենք մի քանի խորհուրդ տնօրենի վստահությունն արագորեն շահելու համար:

Միշտ ճիշտ ժամանակին գնացեք աշխատանքի, իսկ եթե հնարավոր է` մի քիչ էլ շուտ, այնպես, որ երբ ամեն անգամ տնօրենն անցնի ձեր աշխատասենյակի կողքով, ձեզ այնտեղ աշխատելիս տեսնի: Այդպես դուք պարտաճանաչ մարդու տպավորություն կթողնեք:

Երբ նա ձեզ որեւէ հանձնարարություն է տալիս եւ հարցնում` «կարո՞ղ եք կատարել», մի ասեք, թե չգիտեք: Դուք պետք է հստակ իմանաք ձեր կարողությունները, այլապես ինչո՞ւ եք անցել աշխատանքի: Կարիք չկա նաեւ չափից դուրս ինքնավստահ արտահայտություններ անել, ինչպես, օրինակ, «այդ ի՞նչ է, որ չանեմ» կամ «դրանից էլ հեշտ բա՞ն»: 

Ի դեպ, լավ կանեք տնօրենի մոտ մտնել նոթատետրով եւ գրիչով, եւ երբ նա ձեզ առաջադրանք տա, անմիջապես գրի առեք դրանք: Գուցե մտածեք, թե այդ կերպ կարող եք մոռացկոտ մարդու տպավորություն թողնել տնօրենի մոտ, բայց իզուր: Տնօրենն անպայման կգնահատի այդ քայլը` համոզված լինելով, որ դուք չեք մոռանա իր հանձնարարությունը կամ դրա կատարման ժամկետը:

Երբեք տնօրենի մոտ մի չարախոսեք գործընկերների հասցեին եւ մի քննարկեք նրանց անձնական կյանքը՝ անկախ այն հանգամանքից, տնօրենը նման խոսակցություն սիրո՞ւմ է, թե՞ ոչ: Հնարավոր է` նա ձեզ փորձում է: Կարիք չկա ասելու, որ չպետք է աշխատակիցների հետ բամբասել նաեւ տնօրենից: Երբեք չեք իմանա, թե ինչ տեսակի մարդկանց հետ գործ ունեք:

Ամենարդյունավետ միջոցը տնօրենին դուր գալու եւ նրա վստահությունը ձեռք բերելու հարցում, իհարկե, աշխատանքը ճիշտ եւ ժամանակին կատարելն է: Նույնիսկ եթե նրան դուր չի գալիս ձեր վարսերի գույնը կամ օծանելիքի բույրը, դա աննշան հանգամանք է դառնում, երբ դուք գերազանց եք կատարում նրա հանձնարարությունները:

Հետևեք NEWS.am STYLE-ին Facebook-ում, Twitter-ում և Instagram-ում