• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

• Ռաֆայել Երանոսյանը նոր մոնոներկայացում ունի` «Ծանր ու թեթև»

  Ռաֆայել Երանոսյանն իր հանդիսատեսին շուտով պատրաստվում է ներկայանալ նոր մոնոներկայացմամբ՝ «Ծանր ու թեթև»…

• Էվելինայի ու Անիի նախահարսանեկան խնջույքները, Արմինկայի 53-ամյակը, Ֆլորա Բիչախչյանը՝ «Նոր ալիք 2026»-ում․ Instagram-ը՝ այս շաբաթ

  Այս շաբաթը հայ հայտնիների համար լի էր գեղեցիկ առիթներով, անակնկալներով ու տոնական տրամադրությամբ...

• Մարդուն փնտրելով. «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին

  «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին...

• Հայկական ոճ. տոսկանական շքեղությունից մինչև համարձակ լողափային տրամադրություն

  Ամառը դեռ եռում է, իսկ հայ նորաձևության սիրահարները գիտեն, թե ինչպես գրավել ափամերձ տարածքների ուշադրությունը․․․

• «Ես փնտրել եմ քեզ»․ Nemra-ն թողարկել է արդեն հիթային դարձած հայերեն երգի տեսահոլովակը

  Հայկական Nemra ռոք խմբի «Ես փնտրել եմ քեզ» երգի տեսահոլովակն արդեն հասանելի է YouTube-ում․․․

«Խազեր» երաժշտական մրցանակաբաշխությունը երեկ հայտարարեց իր բոլոր անվանակարգերն ու ներկայացված արտիստներին, սակայն նրանցից ոչ բոլորն են, կարծես, համաձայն մրցանակաբաշխությանն իրենց ընդգրկվածությանը։

Ինչո՞ւ են արտիստները «բոյկոտում» «Խազերը» և ի՞նչ է պարզաբանում Հայկական ազգային երաժշտական ակադեմիան։ 

Բրյունետ․ «Իմ անունը հայտնվել է թեկնածուների շարքում առանց իմ թույլտվության»

Երգչուհի Բրյունետն ընդգրկված է մրցանակաբաշխության երեք անվանակարգում՝ «Լավագույն փոփ երգչուհի», «Լավագույն ալբոմ», «Լավագույն հիփ-հոփ և R&B արտիստ կամ խումբ»։ Սակայն ինքը՝ երգչուհին, հաղորդագրություն է տարածել՝ իր լսարանին տեղեկացնելով, որ իր անունն այդ անվանակարգերում հայտնվել է առանց իր թույլտվության։ 

«Բարև բոլորին, ուզում եմ հստակեցնել։ Ես այս տարի և այսուհետ չեմ մասնակցում ոչ մի մրցանակաբաշխության։ Իմ անունը հայտնվել է թեկնածուների շարքում առանց իմ թույլտվության։ Միակ ճանաչումը, որը ինձ համար, իսկապես, կարևոր է, դա դուք եք՝ մարդիկ, ովքեր լսում են իմ երաժշտությունը, երգում այն, ու պահում իրենց սրտերում։ Դուք եք իմ իրական մրցանակը»,-նշում է երգչուհին, որը նախորդ տարի ոչ միայն ելույթ էր ունեցել մրցանակաբաշխությանը, այլև ներկայացված էր «Լավագույն երգչուհի», «Լավագույն տեսահոլովակ» անվանակարգերում։

Իվետա Մուկուչյան․ «Հստակեցրել եմ և պահանջել, որ իմ անուն-ազգանունը չօգտագործվի որևէ անվանակարգում»

Նույն անվանակարգերում նախորդ տարի ներկայացված էր նաև Իվետա Մուկուչյանը, սակայն երգչուհին չէր ներկայացել մրցանակաբաշխությանը, և, ինչպես պարզ է դառնում նրա հաղորդագրությունից, այս տարի ևս չի մասնակցելու․ ավելին՝ դեմ է ակադեմիայի կողմից իր թկնածությունը առաջադրելուն (Իվետան այս տարի ներկայացված է «Լավագույն փոփ երգչուհի», «Լավագույն երգ», «Լավագույն տեսահոլովակ» անվանակարգերում)։

«Ես «Խազեր» մրցանակաբաշխությանը չմասնակցելու հստակ որոշում ունեմ, որի մասին ես և իմ թիմը բազմիցս հայտնել ենք կազմակերպիչներին՝ թե բանավոր, թե գրավոր ձևով։ Ավելին՝ հստակեցրել եմ և պահանջել, որ իմ անուն-ազգանունը չօգտագործվի որևէ անվանակարգում կամ դրան վերաբերող արշավներին։ Շարունակելու եմ աշխատել՝ նվիրված ժողովրդին, իսկ գնահատականը ստանում եմ իմ լսարանից և երկրպագուներից, որոնց հետ հարաբերություններն ամենաամուրն ու առողջն են՝ արդեն տարիներ շարունակ։ Հույս ունեի, որ կազմակերպիչները նույն հարգանքով կմոտենային իմ որոշմանը, որը, ցավոք, անտեսվել է»,-ինստագրամյան իր էջում գրել է երգչուհին։ 

Երգչուհի Սյուզաննա Մելքոնյանը ևս անդրադարձել է մրցանակաբաշխությանը․ նա շնորհավորել է իր գործընկերներին, ովքեր ընդգրկված են մրցանակաբաշխության անվանակարգերում, սակայն ցանկացել է բարձրաձայնել մի փաստի մասին․ 

«Որևէ պարտություն ինձ երբեք չի կոտրել, հնարավորինս հաղթահարել, պատվով ընդունել ու անցել եմ առաջ։ Շնորհավորում եմ կոլեգաներիս «Խազեր» մրցանակաբշխության short-list-ում ընդգրկվելու կապակցությամբ։ Էստեղ հարցը ԱՅԼ է․ հաշվի առնելով շատ նրբություններ՝ ինքս իմ նկատմամբ գտնվեցի ազնիվ և անցած տարի չներկայացրի հայտ։ Այս տարի շատերի հորդորով և կատարածս փոքրիկ աշխատանքով 2 անվանակարգում ներկայացնելով հայտ (որից միայն մեկինը ունեի շանսեր ընդգրկվելու՝ իմ պատկերացմամբ) չանցա և ոչ մեկին։ Անշուշտ, այս ամենը գեղեցիկ է, լավ է, մոտիվացնող է։ Բայց դուք եք իմ ամենամեծ ուժը, սերը ու մոտիվացիան, ՇԱՏ ՍԻՐԵԼԻ հանդիսատես ու հեռուստադիտող։ Գուցե չունեմ շատ երգեր, ներեցեք, դեռևս այս է հնարավորությունս, բայց դրանք ապրում են մարդկանց սրտերում, որը և ամենամեծ ՄՐՑԱՆԱԿՆ է։ Ես պաշտոնապես դուրս եմ գալիս Հայաստանի ազգային երաժշտական ակադեմիայի կազմից։ Խաղաղություն բոլորիդ»,-գրել է նա։

Սոնա Ռուբենյանը, որը դարձել է նախորդ տարվա «Լավագույն երգչուհի» անվանակարգի տիտղոսակիրը, խոսելով մրցանակաբաշխության անվանակարգերում իր ընդրկվածության մասին՝ հստակեցրել է․

«Երգում եմ 5 տարեկանից՝ իմ երկրում և իմ ժողովրդի համար, ում գնահատականն ու սերն ինձ համար ամենաարժեքավորն ու կարևորն են։ Ձեր սերն անգին է․ ասել եմ ու կրկին կասեմ։ Եվ պատրաստ եմ նույն նվիրումով շարունակել իմ ճանապարհը։ Ի գիտություն բոլորի՝ ոչ անցյալ տարի, ոչ էլ այս տարի ես էլ ինքս ինձ չեմ նոմինացրել «Տարվա լավագույն երգչուհի» անվանակարգում։ Ինչպես անցյալ տարի, այնպես էլ այս տարի ես գիտեմ, որ դա արել են քվեարկության միջոցով՝ լսողները, սիրողները և այն մարդիկ, ովքեր գնահատում են նշված շորթ լիսթ անցած արտիստների աշխատանքը»,-ինստագրամյան «սթորի» բաժնում գրել է նա։

Ի՞նչ է պարզաբանում Հայկական ազգային երաժշտական ակադեմիան

Համացանցային քննարկումներին պատասխանելու համար՝ Հայկական ազգային երաժշտական ակադեմիան որոշել է պարզաբանել, թե ինչպես են կազմվել «Խազեր» մրցանակաբաշխության անվանակարգերն ու թեկնածուները։ Ակադեմիան Instagram-ում հաղորդագրություն է տարածել, որում ասվում է։ 

««Խազեր հայկական երաժշտայան մրցանակաբաշխության» առաջադրված արտիստների ցանկը կազմվում է ինչպես արտիստների սեփական դիմումի համաձայն, այնպես էլ երկրպագուների քվեարկությամբ։ Այդպիսով, երկրպագուների 100-ից ավելի ձայներ հավաքելու պարագայում, արտիստները, խմբերը և նախագծերը ավտոմատ կերպով դառնում են մասնակից։ Սա խոսում է տվյալ արտիստների ստեղծագործական ակտիվության և երկրպագուների համակրանքի մասին։

Իսկ ՀԱԵԱ խորհրդի անդամների քվեարկության արդյունքում կազմվում է առաջադրված արտիստների ցանկը, որն էլ պաշտոնապես հրապարակվում է ՀԱԵԱ բոլոր պաշտոնական հարթակներում։ Հաղթողները որոշվում են Ակադեմիայի անդամների քվեարկության արդյունքում։

Ակադեմիայի առաքելությունն է ստեղծել մրցունակ դաշտ, որտեղ կգնահատվեն լավագույն արտիստները՝ միևնույն ժամանակ ոգևորելով նրանց ներկայացնել նոր ստեղծագործություններ և նախագծեր։

Հաջողություն ենք մաղթում բոլոր արտիստներին»։

Посмотреть эту публикацию в Instagram

Публикация от @armenianmusicacademy

Մրցանակաբաշխության անվանակարգերին ու թեկնածուներին կարող եք ծանոթանալ հետևյալ հղումով։ 

«Խազեր» մրցանակաբաշխությունը կկայանա մարտի 29-ին՝ Կարեն Դեմիրճյանի անվան մարզահամերգային համալիրում։ 

Հետևեք NEWS.am STYLE-ին Facebook-ում, Twitter-ում և Instagram-ում