Որքան էլ գրենք, որ առանց մասնագետի հետ խորհրդակցելու, ընդհանուր հետազոտություն անցնելու եւ, առհասարակ, առանց հասկանալու, թե նիհարելու ընթացքում օրգանիզմում ինչ է տեղի ունենում, չի կարելի է դիետա սկսել, միեւնույնն է, թույլ սեռի շատ ներկայացուցիչներ նախընտրում են ինքնուրույն դիետա ընտրել։ Եվ ընդամենը դրանք համացանցում փնտրելով։
Նախ պետք է հասկանալ, որ դիետան նորմալ սննդից հրաժարվելը չէ։ Դիետան ընդամենը ենթադրում է սննդակարգից մի քանի մթերքի բացառումը եւ նորի ավելացումը։ Այդ նաեւ չի նշանակում, որ պետք է կրճատել սնունդ ընդունելու քանակությունը, հակառակը, այն պետք է դարձնել օրական 5-6 անգամ: Յուրաքանչյուր մասնագետ ձեզ կասի, որ արդյունավետ նիհարելու համար պետք է ավեի շատ էներգիա ծախսել, քան ընդունում եք։ Դիետայի ընթացքում, երբ օրգանիզմը չի ստանում ինչ-որ կարեւոր նյութեր, այն սկսում է աշխատել «պահուստի հաշվին»: Այդ կերպ ածխաջրերը ճարպային բջիջների են վերածվում։
Եվ գոտկատեղը փոքրացնելու փոխարեն դուք նրա վրա ավելորդ սանտիմետրեր եք կուտակում։ Որոշել եք նիհարե՞լ: Ձեզ սովահար մի արեք։ Սննդակարգում անպայման պետք է լինեն սպիտակուցներ, ճարպեր, ածխաջրեր, օգտակար միկրոտարրեր եւ վիտամիններ։ Թե ինչ քանակությամբ եւ հարաբերակցությամբ, կարող է ասել միայն դիետոլոգը՝ լրացուցիչ զրույցից եւ հետազոտությունից հետո։ Իսկ եթե հնարավորություն չունեք դիմել մասնագետի, ապա հետեւյալ խորհուրդները ձեզ համար են։
Մոնոդիետաները երբեմն իսկապես հիանալի արդյունք են ապահովում. մեկ ամսվա ընթացքում՝ մի քանի կիլոգրամի կորուստ։ Բայց պատկերացրեք, թե ինչ վիճակում է գտնվում մարսողական համակարգը, որն ամեն օր նույն քանակությամբ միեւնույն սնունդն է ստանում։ Մոնոդիետաներն ու սպիտակուցային դիետաներն ամենավտանգավորն են օրգանիզմի համար։ Այլ սննդից հոժարակամ հրաժարվելը իմունային համակարգի վրա կործանարար ազդեցություն է ունենում, որի նվազման հետեւանքով սրվում են բոլոր խրոնիկ հիվանդությունները։ Սպիտակուցային դիետայի դեպքում տուժում են լյարդն ու աղիները, հնարավոր են փորկապություն, փքվածություն, գազերի առաջացում։ Որպեսզի խուսափեք այս ամենից, անպայման վիտամինների եւ հանքանյութերի լրացուցիչ կուրս ընդունեք։ Շատ հեղուկ օգտագործեք. ջուր եւ բուսական թեյեր։ Դրանք օրգանիզմից հանում են խարանները, թունավոր նյութերն ու թերապեւտիկ ազդեցություն են ունենում (օրինակ՝ նանա կամ երիցուկ)։ Քչացրեք չափաբաժինը, որպեսզի սնունդը հեշտությամբ մարսվի։
Ի՞նչ անել թուլության դեպքում
Եթե դիետան սխալ է ընտրված (ինքնուրույն ընտրելու դեպքում այդ միանգամայն հնարավոր է), նվազում է օրգանիզմի տոնուսը։ Դուք կարող եք թուլություն զգալ, հոգնածություն, մկանների թուլություն, անբավարարվածություն, լարվածություն։ Եվ դարձյալ. լավ պոլիվիտամիններն առանց դեղատոմսի են վաճառվում, իսկ նման իրավիճակում դրանք ձեզ շատ են հարկավոր։
Եթե դուք խիստ դիետա եք ընտրել, հավանաբար, ձեզ զրկում եք ածխաջրերից, որի հետեւանքով ընկնում է ճնշումը, գլխապտույտ է առաջանում, իսկ երբեմն էլ այդ ուշաթափությամբ է ավարտվում։ Բարձրացրեք հեմոգլոբինը, կանաչ խնձոր կերեք, կարմիր ձկնկիթ, նռան հյութ խմեք (այս մթերքները ձեր գոտկատեղի վրա վատ ազդեցություն չեն ունենա)։ Սեւ քաղցր թեյը կօգնի կարգավորել ճնշումը։
Կոտրվող եղունգներ, մազեր, մաշկի անառողջ գույն
Իսկ ահա սրանք ուղեկցում են գրեթե բոլոր դիետաների ընթացքում։ Վիտամինների մասին արդեն չենք խոսում, դրանք պետք է առաջնահերթ ընդունել։ Ամբողջական խմբեր կան, որոնց տուփերին այդպես էլ գրված է. «ամուր եղունգների ու մազերի համար»։ Սնուցման, խոնավեցման համար պատասխանատու է Е վիտամինը, В խմբի վիտամինները մասնակցում են կոլագենի եւ կերատինի սինթեզմանը (որոնք եղունգների եւ մազերի ամրացման գործընթացում, գլխավոր նյութն են համարվում, պատասխանատու են ամրության համար եւ խթանում են աճը)։
С վիտամինը մեր մաշկի բարի ընկերն է։ Նա պայքարում է ազատ ռադիկալների հետ, որոնք կանխում են ծերությունը, խթանում է մաշկի վերականգնումը եւ բարելավում դրա գույնը։ Այս բոլոր տարրերը պոլիվիտամիններ են պարունակում։
Սնվելու հետ մեկտեղ, պետք է դրսից հագեցնել մազերը, եղունգներն ու մաշկը։ Այդ առաջին հերթին կարելի է անել բնական յուղերի օգնությամբ: Մազերը հիանալի սնուցում են յուղոտ կոսմետիկ կակաոյի, կոկոսի, ավոկադոյի յուղերը: Մաշկի համար հիանալի միջոց են խաղողի, դեղձի կորիզի եւ նուշի յուղերը։ Դրանք փափկեցնում են մաշկը, բարելավում դրա գույնը, պահպանում առաձգականությունը, հակաբորբոքային, խոնավեցնող, փափկեցնող, սպիտակեցնող եւ երիտասարդացնող ազդեցություն են ունենում։
Մի մոռացեք նաեւ բուսական թուրմերի մասին, որոնք կարելի է ե՛ւ խմել, ե՛ւ դրանցով խնամել մաշկը։ Հիշեք երիցուկի, վաղենակի, վարդի օշարակով ջրի, սովորական կանաչ թեյի մասին:
Աղբյուրը՝ hochu.ua
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ