• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

  Սեքսի դեպքում գեղեցկությունը հաճախ կենտրոնական տեղ է զբաղեցնում․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Միջնադարյան առեղծվածային ձեռագիրը կարող է լինել սեքսի հնագույն ձեռնարկ

  Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը․․․

• Forbes. Սեքսը՝ գեներատիվ արհեստական ​​ինտելեկտի դարում

  Սեքսը եւ տեխնոլոգիաները վաղուց փոխկապակցված են. միլիոնավոր մարդիկ օգտագործում են ծանոթությունների հավելվածներ՝ զուգընկերներ գտնելու համար․․․

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Թուրքիան մոլորակի ամենաանառակ երկիրն է

  Համաշխարհային սեռական սովորությունների վերլուծության համաձայն՝ Թուրքիան մոլորակի ամենաանառակ երկիրն է․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

Սեռական անկարողությունը կամ իմպոտենցիան տղամարդկանց շրջանում կարեւորագույն խնդիրներից մեկն է: Մեր օրերին բնորոշ սթրեսային եւ էկոլոգիապես ոչ նպաստավոր պայմաններում այդ ցավալի երեւույթը հանդիպում է ոչ միայն տարեց, այլ նաեւ միջին, եւ նույնիսկ երիտասարդ տղամարդկանց շրջանում:

Իմպոտենցիայի բուժման տարբեր միջոցներ գոյություն ունեն, սակայն այսօր NEWS.am STYLE-ը տեղեկացել է հենց սեռական անկարողության ժողովրդական դեղաբուժության մասին Սեքսոպաթոլոգիայի կլինիկայի ղեկավար, Երեւանի պետական բժշկական համալսարանի սեքսոպաթոլոգիայի ամբիոնի ղեկավար Սեւադա Հակոբյանից:

Պարոն Հակոբյան, որքա՞ն արդյունավետ են սեռական խանգարումների, մասնավորապես, իմպոտենցիայի բուժման ժողովրդական միջոցները: 

Մարդու սեռական խանգարումների ամբողջ ծավալը նախկինում մեկ անվանումով նկարագրվում էր որպես իմպոտենցիա, այսինքն, սեռական ուժի բացակայություն: Իսկ կանացի սեքսուալ խանգարումները առաջ մեկ տերմինով նշում էին որպես ֆրիգիդություն: Իհարկե, այս տերմինները ներկայումս ձեւափոխվեցին, եւ յուրաքանչյուր սեքսուալ խանգարման դեպքում արդեն նշվում է վերջինիս կոնկրետ տեսակը, ինչը ավելի հեշտացնում է տվյալ խնդրի ախտորոշումն ու բուժումը: Ընդհանուր առմամբ, իմպոտենցիայի կամ սեռական անկարողության բուժման բազմաթիվ մեթոդներ գոյություն ունեն, որոնց շարքում են նաեւ ժողովրդական միջոցները: Պետք է ասել, որ երբեմն այդ խորհուրդները եղել են շատ արդյունավետ, եթե անհատը իրականում պահպանել է այդ դեղաբույսերի կամ բնաբուժության միջոցների կիրառումը: Իհարկե, բոլոր ժողովրդական բժշկության դեղատոմսերում առաջին հերթին սահմանափակվում է ալկոհոլի չարաշահումը: Օրինակ՝ քառասուն գրամ մաքուր սպիրտը օրեկան օգտագործելը արդեն համարվում է չարաշահում, որը գրեթե համարժեք է մեկ լիտր գարեջրին: Կա մի լավ թեւավոր խոսք այն մասին, որ ալկոհոլը բարձրացնում է սեռական ցանկությունը, սակայն սահմանափակվում է սեռական կարողությունը: 

Որո՞նք են առավել արդյունավետ ժողովրդական միջոցները: Այստեղ բազմաթիվ միջոցներ գոյություն ունեն: 

Առաջինը, իհարկե, մեղրն է, որը շատ ու շատ ժողովրդական դեղատոմսերի բաղկացուցիչ մասն է կազմում: Իհարկե, պետք է նշել, որ մեղրի մեջ գոյություն ունեն բազմաթիվ օգտակար նյութեր, որոնք արժեքավոր են սեռական գործունեության կարգավորման իմաստով: Շատ կարեւոր դերակատարություն ունի նաեւ ժենշենը: Շատ հայտնի է լոշտակ բույսը: Դրա կիրառությունը կա բազմաթիվ երկրների ժողովրդական դեղաբուժության բնագավառում: իհարկե, շատ կարեւոր դերակատարություն ունի գազարը, որը պարունակելով նախ վիտամին Ա-ն, նպաստում է նյութափոխանակության, ինչպես նաեւ արյան շրջանառության կարգավորմանը սեռական օրգաններում: Կարեւոր նշանակություն ունի ճարպաթթուների, ծովամթերքների եւ ձկնեղենի կիրառումը սննդակարգում: Նրանք պարունակում են չհագեցած ճարպաթթուներ, ինչից տղամարդու օրգանիզմում սինթեզվում են արական սեռական հորմոնները: Ժողովրդական բժշկության մեջ քիչ չեն նաեւ այն դեղատոմսերը, որոնց մեջ մտնում են նյարդային համակարգը հանդարտեցնող եւ սթրեսը վերացնող դեղաբույսեր, օրինակ՝ լորենու բույսի տերեւները, վալերիանան, էլեուտերոկոկ բույսը, որը հանդիսանում է որպես սեռական համակարգի եւ օրգանիմի ընդհանուր դիմադրողականության խթանիչ: Այն ինչպես մաքուր պրեպարատի, այնպես էլ դեղաբույսի տեսքով մտնում է տարբեր դեղատոմսերի բաղադրության մեջ: Իհարկե, այդ ամենը, ինչպես նաեւ դեղորայքային բուժումը, կարելի է համատեղել, կոմբինացնել: Առողջ ապրելակերպի պահպանումը պետք է դառնա այն հուսալի հիմքը, որի օգնությամբ հնարավոր կլինի վերականգնել նրա սեռական գործունեությունը: Խոսքը ակտիվ կենսակերպի, սպորտի, ինչպես նաեւ վնասակար սովորույթներից՝ ալկոհոլից եւ ծխելուց խուսափելու մասին է: Ապացուցված է, որ վերջիններս մեծ բացասական ազդեցություն են գործում ինչպես ողջ օրգանիզմի, այնպես էլ սեռական եւ վերարտադրողական համակարգի վրա: Եվ, իհարկե, ամենակարեւորը, որ մարդուն դարձնում է ավելի երջանիկ, սիրելիի հետ միջանձնային ներդաշնակ հարաբերություններն են, որը կարեւորագույն հիմքն է սեռական ներդաշնակության ստեղծման համար եւ կազդուրիչ նշանակություն են ունենում ողջ սեռական համակարգի գործունեության համար: 

Բայց չէ՞ որ հաճախ մարդիկ, նույնիսկ լուրջ խնդիրնր ունենալու դեպքում, բժշկի չեն հաճախում եւ ինքնաբուժությամբ են զբաղվում... 

Իհարկե, սրանք չպետք է դնել իրար հակասության մեջ եւ կարելի է համատեղել, կոմբինացնել սեքսոլոգիայի դասական միջոցները եւ ժողովրդական մեթոդները: Իհարկե, ժողովրդական դեղաբուժության այդ մեթոդները ունեն ընդհանուր կազդուրիչ նշանակություն եւ խարհուրդ չի տրվում վերջիններս միայնակ կիրառել: Այն ընդամենը խորհուրդ է տրվում համատեղել սեքսոլոգիական բուժման հետ որպես բուժումը հարստացնող մեթոդներ:

Հետևեք NEWS.am STYLE-ին Facebook-ում, Twitter-ում և Instagram-ում