Հայաստանում ապրիլի 7-ը նշվում է որպես մայրության եւ գեղեցկության օր: Գարնանային այս հիանալի տոնը լավագույն առիթն է՝ գնահատելու գեղեցիկը, կարեւորելու կնոջ դերը հասարակության մեջ եւ ամենաջերմ մաղթանքները սփռելու համար:
Կնոջ երջանկության գաղտնիքի, կանանց միամսյակի եւ այլ հարցերի շուրջ NEWS.am STYLE-ը զրուցել է 2001 թվականին «Միսս Հայաստան» դարձած գեղեցկուհի Իրինա Թովմասյանի հետ:
«Իմ կարծիքով՝ կնոջ երջանկության գաղտնիքը լիարժեք ընտանիքի մեջ է, այսինքն՝ ամուսինը, երեխաները, կնոջ եւ ամուսնու ծնողնորը, քույրը, եղբայրը: Յուրաքանչյուրը կնոջ կյանքում իր ուրույն տեղն ունի»,- ասաց Իրինան:
Գեղեցկուհին չի ընդունում, որ երբեմն կանայք առաջին տեղում իրենց աշխատանքն են դասում:
«Ես ինձ չեմ կարող պատկերացնել առանց աշխատանքի: Սակայն երբեք առաջնային ինձ համար չի եղել աշխատանքս: Առաջնայինն իմ ընտանիքն է, իսկ աշխատանքը երկրորդական է»,- նշեց Իրինան:
Խոսելով կանանց միամսյակի մասին՝ նա նշեց. «Ինձ համար ամբողջ տարին է տոն եւ ամբողջ տարվա ընթացքում շատ հետաքրքիր եւ անմոռանալի պահեր եմ ապրում: Չնայած կանանց միամսյակը փոքր-ինչ առանձնանում է նրանով, որ դու այդ օրերին սպասում ես անակնկալների, իսկ մնացած օրերին այդ անսպասելի է լինում: Այս տարի միամսյակը շատ լավ անցավ: Արդեն հասցրել եմ թե՛ նվերներ ստանալ, թե՛ նվիրել»:
Բազմաթիվ հետաքրքիր եւ յուրօրինակ նվերներ ստացած գեղեցկուհու համար ապրիլի 7-ի ամենամեծ նվերն այն էր, որ տեղեկացել է երրորդ դստեր մասին:
«Կանանց միամսյակին ամենանվիրական պարգեւն այն էր, երբ իմացա, որ բալիկի եմ սպասում: Երրորդն էլ է աղջիկ (ժպտում է), որի համար թե՛ ես, թե՛ ամուսինս շատ ուրախ ենք: Շատ եմ սիրում աղջիկ եեախա, իհարկե, տղա էլ, բայց աղջիկներին արդեն սովորել եմ»,- նշեց Իրինան՝ ավելացնելով. «Այս տարիներին ամենանշանավոր նվերն ինձ համար եղել է մեծ աղջկաս՝ Մեգիի նվերները: Մեգին դեռ փոքրուց սիրում էր նվիրել իր նկարած նկարները: Մինչ օրս պահում եմ անգամ այն խզբզանքը, որ արել է: Ամուսնուս կողմից էլ շատ նվերներ եմ ստացել եւ ստանում եմ: Ինչ-որ ցանկացել եմ ունենալ, ամուսինս այդ մասին իմանալով, նվիրել է»:
Նշենք, որ Իրինայի երրորդ աղջիկը լույս աշխարհ կգա սեպտեմբերին: NEWS.am STYLE-ը գեղեցկուհի մայրիկին շնորհավորում է ե՛ւ մայրության ու գեղեցկության տոնի, ե՛ւ կրկին մայրանալու առթիվ՝ ցանկանալով գարնանային վառ եւ գունազարդ օրեր:
Պատրաստեց՝ Մելինե Տոնոյանը
Հետևեք NEWS.am STYLE-ին Facebook-ում, Twitter-ում և Instagram-ում
16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները