Սառցե մերսումը հատկապես օգտակար է լոգանքից հետո: Սառցե խորանարդիկների օգնությամբ մերսումը մաշկին տոնուս հաղորդող հաճելի եւ փորձված միջոցներից մեկն է: Այն նաեւ մաշկին առողջ ու գեղեցիկ գույն է հաղորդում:
Առաջարկում ենք 6 արտասովոր բաղադրատոմս, որոնք գործողությունը բազմազան կդարձնեն: Մաշկը չսառեցնելու համար այն պետք է մերսել, խորանարդն անընդհատ շարժելով՝ առանց նույն հատվածի վրա պահելու: Մերսման համար բավական է 2-3 սառցե խորանարդը: Մերսումից հետո ցանկալի է երեսը ցողել սառը ջրով եւ սրբիչով չորացնել: Հետո պետք է դեմքին խոնավեցնող կրեմ քսել:
Սառցե խորանարդները կարելի է օգտագործել ոչ միայն մերսման համար, այլ նաեւ մաքրել դեմքը՝ օգտագործելով որպես տոնիկ: Կախված սառեցման համար նախատեսված հեղուկի բաղադրատոմսից՝ կարելի է վերացնել մաշկի ցանկացած խնդիր:
Անանուխի
Այդպիսի սառույցը հիանալի թարմացնում է մաշկը ու նույնիսկ փոքր-ինչ սպիտակեցնում այն: Անանուխի թուրմով պատրաստված սառցե խորանարդներն օգնում են բշտիկների հակում ունեցող մաշկին եւ նույնիսկ հարթում են փոքր կնճիռները:
1 բաժակ անանուխի տերեւների վրա 1 բաժակ եռացրած ջուր լցնել: Փակ տարայի մեջ թրմել 40 րոպե, որից հետո քամել ու սառեցնել:
Սրոհունդի սառույց
Օգտակար է ցանի դեպքում եւ լավ է ազդում լայնացած անոթների վրա:
2 ճ/գ խոտաբույսերի եւ սրոհունդի ծաղիկների վրա 1 բաժակ եռացրած ջուր լցնել: Ապակե փակ տարայի մեջ թրմել մեկ օր եւ սառեցնել:
Եղեսպակի սառույց
Եղեսպակի բույսը եթերային յուղեր է պարունակում, որոնք կարգավորում են արյան շրջանառությունը:
1 բաժակ եղեսպակի տերեւների ու ծաղիկների վրա 1/2 լիտր եռացրած ջուր լցնել: Փակ տարայի մեջ թրմել 40 րոպե, որից հետո քամել ու սառեցնել:
Ցիտրուսային
Մաշկին տոնուս է հաղորդում եւ հանում հոգնածությունը: Ցիտրուսային սառույցը սնուցում է մաշկը՝ այն դարձնելով հարթ ու առաձգական:
1 նարնջի եւ մեկ մանդարինի կեղեւի վրա 1/2 լիտր եռացրած ջուր լցնել: Ապակե տարայի մեջ թրմել մեկ օր, որից հետո քամել ու սառեցնել:
Մրգային
Հատապտուղներից պատրաստված սառույցը վնասազերծում է մաշկը: Մրգային հյութը նեղացնում է ծակոտիներն ու հարթում փոքր կնճիռները:
Պատրաստման համար անհրաժեշտ է 200 գրամ դեղձ, ձմերուկ, սեխ կամ սալոր: Օգտագործել այս մրգերի հյութից պատրաստված սառույցը:
Խատուտիկով սառույց
Ինչպես երիտասարդության էլիքսիր՝ սնուցում ու վերականգնում է թոշնած մաշկը: Խատուտիկի սառույցը հիանալի միջոց է առաջին կնճիռների դեմ: 500 գրամ երիտասարդ տերեւներից ու կիսաբացված ծաղիկներից հյութ քամել, ավելացնել 1 ճ/գ ձիթապտղի յուղ ու սառեցնել:
Աղբյուրը՝ hochu.ua
Հետևեք NEWS.am STYLE-ին Facebook-ում, Twitter-ում և Instagram-ում
11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին