• Forbes. Սեքսը՝ գեներատիվ արհեստական ​​ինտելեկտի դարում

  Սեքսը եւ տեխնոլոգիաները վաղուց փոխկապակցված են. միլիոնավոր մարդիկ օգտագործում են ծանոթությունների հավելվածներ՝ զուգընկերներ գտնելու համար․․․

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Թուրքիան մոլորակի ամենաանառակ երկիրն է

  Համաշխարհային սեռական սովորությունների վերլուծության համաձայն՝ Թուրքիան մոլորակի ամենաանառակ երկիրն է․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Միսոգին տղամարդիկ հետաքրքրված են ռոբոտների հետ սեքսով զբաղվել

  Տղամարդիկ, ովքեր ունեն կատաղի միասեռական հայացքներ, ավելի հավանական է, որ հետաքրքրվեն ռոբոտների հետ սեքսով, ինչը շատ հարցեր է առաջացնում մտերմության ապագայի վերաբերյալ, քանի որ ռոբոտներն առաջին քայլերն են անում մեր առօրյա կյանքում...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• «Վատ» սիրեկանների հինգ նշան

  Սեքս և հարաբերությունների թերապևտ Միրանդա Քրիստոֆերսը, որը բրիտանական Therapy Yard խորհրդատվական ծառայության հիմնադիրն է, կիսվել է հինգ նշաններով, թե որքան վատ եք անկողնում...

Վիրտուալ սեքսը մեր առօրյա իրականության մասն է դարձել։ Ուրիշ որտե՞ղ է հնարավոր, եթե ոչ վիրտուալ աշխարհում, իրականացնել ամենահամարձակ ու ոչ միշտ պարկեշտ երեւակայությունները։ Այդ տեսանկյունից «վիրտուալուհին» հայերի համար պարզապես սեքսուալ դրախտ է։ Ուրիշ որտե՞ղ կարելի է ցուցադրել հայկական լեգենդար խառնվածքի ամբողջ հզորությունն ու ուժը՝ չամաչելով ու չվախենալով, որ կարող է «բռնվել»։ Վիրտուալ աշխարհը հայկական «ադաթների» համար չէ, այստեղ կարելի է չհամոզել եւ անմիջապես անցնել ծանոթության բուն նպատակին։ Այստեղ ընդամենը կարող են «ջնջել» կամ «սեւ ցուցակի» մեջ գցել։ Ինչի հետ կապված էլ մեր հայ հերոս-սիրեկանները պերճախոսում են իրենց վիրտուոզ հնարավորությունների ու Կամասուտրայի իրենց գիտելիքների մասին, բայց դաժան իրականությունը երբեմն անողոքաբար բացահայտում է հայ մաչոների «անխոնջ» լեգենդները։

«Որքան շատ է տղամարդը խոսում սեքսի մասին, այնքան նա քիչ բան է կարողանում անկողնում»,- փորձով կիսվում է 25-ամյա Անուշը։ «Երբեմն ինձ մոտ տպավորություն է ստեղծվում, որ մեր տղամարդիկ ամենից չբավարարվածն են աշխարհում։ Վիրտուալ ծանոթությունից 10 րոպե անց, նրանք անմիջապես գործի են անցնում։

«Պատկերացրու որ ես կրծքերի արանքում եմ…» կամ «Ի՞նչ ես հագել… Ինձ այնպես է գրգռում կարմիր գույնը… Ի՞նչ ներքնազգեստ ես հագել»։ Իսկ հետո՝ ով ինչ կարողանում է։ Բայց պետք է խոստովանել, որ երեւակայության թռիչք առանձնապես չի նկատվում։ Տղամարդկանց մեծ մասը համոզված է, որ հստակ գիտի, թե անկողնում ինչ է ցանկանում կինը եւ վստահ է, որ հազիվ դիպչելով՝ կարող է կնոջն օրգազմի հասցնել։ Ես այնպիսի տպավորություն ունեմ, որ զրույցները նրանց ավելի շատ են գրգռում, քան գործընթացը։ Դեպքեր են եղել, երբ հերոս-սիրեկանը հրաժարվել է իրական հանդիպումից, հանուն վիրտուալ ինքնաբավարարման»,- նշում է նա։ Միաժամանակ, եթե կինը հավուր պատշաճի չի արձագանքում, նրան անմիջապես մեղադրում են հետամնացության, պահպանողական լինելու մեջ։ «Հայ տղամարդիկ լի են պարադոքսներով։ Նրանք մե՛կ կույս կին են փնտրում, մե՛կ դու նրանց համար սառնարյուն հիմար ես, եթե չես ցանկանում տրվել։ Գուցե ժամանակն է կողմնորոշվե՞լ»,- ասում է Անուշը։

«Խոստովանեմ, որ մի անգամ ինձ մի վիրտուալ մաչո էր գրավել,- ասում է 30-ամյա Մարիամը։ - Ամեն ինչ շատ գեղեցիկ սկսվեց, կատակներ ու «հավանություններ» փոխանակելով։ Հետո անցանք սուր թեմաների։ Այդ շրջանում ես գրեթե համացանցում էի քնում՝ իմ սեքսուալ արքայազնին սպասելով։ Մեր մեջ վիրտուալ սիրավեպ սկսվեց, կիրքն ինձ խելքահան էր անում, եւ ես շատ էի ցանկանում իմ ցանկության օբյեկտին իրականում տեսնել, որպեսզի վերջապես վայելեմ նրան։ Նա ժամանակ էր ձգում՝ ասելով, որ դիտմամբ է բարկացնում ինձ, որպեսզի ուժեղացնի ցանկությունը։ Իրական հանդիպումը, մեղմ ասած, հիասթափություն էր։ Մանրամասներին չտրվելով՝ ասեմ, որ խոստացված սեքսուալ մարաթոնն ընդամենը 5 րոպե տեւեց։ Իսկ որոշ ժամանակ անց ես նրա էջին տեսա բավական բաց լուսանկարներ, որոնք նա ստիպված եղավ հեռացնել այն բանից հետո, երբ ինչ-որ մեկը նրա հետ «տղամարդավարի» խոսեց։ Դրանից հետո իմ վիրտուալ շփումը սահմանափակվում է գործնական նամակագրությամբ»,- նշեց մեր զրուցակիցը։

Ակնհայտ է, որ առաքինությունը վաղուց հայ տղամարդկանց լքել է ինչպես վիրտուալ աշխարհում, այնպես էլ իրական կյանքում։ Իրենց «հաղթանակների» մասին, թեկուզ վիրտուալ, նրանցից շատերը պատրաստ են բոլոր անկյուններում բարձրաձայնել՝ առանց «ապացույցների» մասին մտածելու։ Ինչի հետ կապված էլ լավ կլինի չտրվել «հեքիաթային օրգազմի» խոստումներին, քանի որ իսկական հերոս-սիրեկանը միշտ գործը գերադասում է խոսքից։

(հերոսների անունները փոփոխված են)

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում