Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ի պաշտպանություն Կոնչիտա Վյուրստի

21:09, 16 ապրիլի

Եվ այսպես, տիկնայք եւ պարոնայք, սկսեք: Հուսով եմ՝ պահուստավորել եք անհրաժեշտ քանակությամբ քարեր ու ջահեր, որպեսզի դրանք նետեք հեղինակի վրա, իսկ հետո այրեք նրան: Կամ էլ առաջարկում եմ մասնատել ինձ, հետո գլուխս կտրել եւ դնել Հանրապետության հրապարակում: Հենց այսպես պետք է վարվի բարեկիրթ հայ քրիստոնյան բոլոր նրանց հետ, ովքեր առանձնանում են ամբոխից, ովքեր չեն տեղավորվում նրանց քաղքենի աշխարհում, ովքեր նման չեն հնագույն ազգին, որն առաջինն է քրիստոնեություն ընդունել: Ամեն դեպքում, այսպիսի տպավորություն է ստեղծվում, երբ կարդում ենք հայ օգտատերերի մեկնաբանությունները՝ յուրաքանչյուր սուր եւ ոչ այնքան սուր թեմաների վերաբերյալ: 

Հեռավոր Ավստրիայում ապրող Կոնչիտա Վյուրստը չի էլ կասկածում, թե ինչ բուռն զգացմունքներ է արթնացրել հայկական համացանցային դաշտում եւ թե ինչ են պատրաստվում նրա հետ անել մեր հայ մաչոները, ի դեպ, ոչ միայն նրանք: Միայն չեմ հասկանում, թե ինչու: Տղամարդը կնոջ նման է հագնվում, հետո՞ ինչ: Չէ՞ որ նա գիշերները նորածնի արյուն չի խմում ու չի հավակնում Հայաստանի նախագահ դառնալ: Ի՞նչ գործ ունեն հայերը ավստրիացի տրանսգենդերի հետ: Եթե դուր չի գալիս՝ մի՛ կարդա, մի՛ դիտիր, ինչո՞ւ լայն զանգվածներին ցույց տալ սեփական խավարամտությունը, սպառնալ այրելով եւ այլն: Երբեմն տպավորություն է ստեղծվում, որ մենք՝ հայերս, ամենից արնախում ազգն ենք:

Ռազմատենչ վայրենիներ, ովքեր ձգտում են ամբողջ աշխարհին ցուցադրել իրենց ագրեսիվ հետերոսեքսուալությունը, քանի որ, դատելով ամեն ինչ, այլ բան չունենք ցուցադրելու:

Եվ խոսքը միայն հայ հասարակության որոշ հատվածի արձագանքի մասին չէ: Այրելու, կոտրելու, սպանելու, ծեծելու ցանկություն հայերը բոլոր դեպքերում են ցուցադրում, երբ խոսքն ինչ-որ արտասովոր, միջին վիճակագրական սահմաններից դուրս եկող երեւույթի մասին է: Մի անգամ Երեւանում զբոսնելիս երկար մազերով, մորուքով, պատռված ջինսով երկու տղայի նկատեցի, ովքեր ոչ այն է՝ ռոքեր էին, ոչ այն է՝ փանկ. ես այնքան էլ չեմ հասկանում այդ մշակույթից: Միանգամից նշեմ, որ հայ էին: Իհարկե, նրանց արտաքին տեսքը չէր համապատասխանում մայրաքաղաքային «ախպերության» այն պատկերացումներին, թե ինչպիսի տեսք պետք է ունենա «իսկական հայ տղամարդը»: Դատելով անցորդների արձագանքից՝ նրանք այդ որպես մարտահրավեր էին դիտարկում, նրանց աչքերում կայծակ էր ճայթում, բերանները բացվել էին՝ անխնա կլանելով օդը: Եվս մի քիչ եւ նրանք կուրծք կծեծեին եւ Տարզանի ճչոցներով կհարձակվեին այդ դժբախտների վրա:

Այդ պահին արյունահեղություն տեղի չունեցավ, բայց մտավախություն ունեմ, որ այդ երկու համարձակներն այդպես էլ չեն կարողացել առանց արկածների նպատակակետին հասնել: Եվ սա ընդամենը մի փոքրիկ օրինակ է: Ցանկացած թեմա՝ լինի համասեռամոլության, «կարմիր խնձորի», էմո-անչափահասների մասին, յուրաքանչյուր առանձնահատկության դրսեւորում, որը, ըստ ռաբիսների պատկերացումների, չի համապատասխանում «հայկական արժեքներին», պետք է հիմնովին վերացնել:

Որտեղի՞ց մեր մեջ այսքան անհանդուրժողականություն: Չէ՞ որ դա մարդկային հարաբերությունների մաս է, եւ դրանք ամենուրեք նույնն են, եւ մենք՝ հայերս, բացառություն չենք: Գուցե ժամանակն է ընդունել, որ մենք էլ կարող ենք ազատ ապրել:

Մի իմաստուն մարդ, ցավոք՝ չեմ հիշում անունը, մի անգամ ասել է. «Ձեր անձնական կյանքն իմ քթի ծայրի մոտ է ավարտվում»: Թեեւ հայկական քիթը մեծ չափսեր ունի, այնուամենայնիվ, գուցե դադարենք այն մտցնել այնտեղ, որտեղ պետք չէ եւ սկսենք լիաթոք շնչել: Քանի որ անհանդուրժողականությունը, խավարամտությունն ու անբարյացկամությունը դեպի ինքնաոչնչացում ու ֆաշիզմ տանող ուղիղ ճանապարհն է:

Ալեքս Ալիխանյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել