Ապրիլի 17-ին SOMMELIER Wine Gallery-ում տեղի ունեցավ ֆրանսահայ սոմելյե, «Gault Millau» հանդեսի վարկածով 2008 թվականին Ֆրանսիայի լավագույն սոմելյե ճանաչված Սերժ Ղուկասյանի վարպետության դասը:
Աշխարհահռչակ սոմելյեն Հայաստան այցի շրջանակում վարպետության դաս անցկացրեց գինու սիրահարների եւ լրատվամիջոցների ներկայացուցիչների համար: Սերժ Ղուկասյանը հանդիպման ընթացքում ներկայացրեց գինու եւ ուտեստների համադրման գաղտնիքները, հատուկ անդրադարձ կատարեց սեւ տրյուֆել սնկերին:
Սերժ Ղուկասյանը Հայաստանում է SOMMELIER Wine Gallery-ի հատուկ հրավերով:
Խոսելով հայկական գինեգործության մասին՝ նա նշեց, որ վերջին հինգ տարիների ընթացքում հայկական գինու որակն անհամեմատ բարձրացել է, ինչի շնորհիվ հայկական գինիները եւս կարող են մրցակցել այլ երկրների հետ՝ գինու արտադրության միջազգային շուկայում զբաղեցնելով իրենց ուրույն տեղը: Սոմելյեի կարծիքով՝ Հայաստանի կլիման եւ հողը բարենպաստ պայմաններ են ստեղծում խաղողի լավագույն տեսակների աճեցման համար: Սերժ Ղուկասյանը հավելեց, որ շատ կցանկանար, որպեսզի մեր երկրում զարգանար նաեւ գինի խմելու մշակույթը, եւ այն ընկալվեր ոչ միայն պարզապես ալկոհոլ:
«Հայկական գինին յուրահատուկ համ ունի: Այդ Հայաստանի կլիմայական պայմաններից է: Ինչպես գիտենք, Ֆրանսիան համարվում է գինու երկիր, սակայն, ցավոք, այնտեղ հայկական գինին այդքան էլ ճանաչում չունի: Իսկ այն ֆրանսիացիները, ովքեր խմել են հայկական գինին, շատ են հավանել: Հուսով եմ, որ մի օր շատ երկրներում հայկական գինին ճանաչում ձեռք կբերի»,- NEWS.am STYLE-ի հետ զրույցում ասաց Սերժ Ղուկասյանը:
Անդրադառնալով գինիների տեսակներին՝ սոմելյեն նշեց. «Սպիտակ գինին հաճելի է խմել ամռանը, քանի որ այն թեթեւ եւ զովացուցիչ համ ունի: Իսկ վարդագույն գինին՝ հակառակը, ջերմացնելու հատկություն ունի: Բացի այդ, գինի խմելիս պետք է ընտրել ճիշտ ճաշատեսակ: Այդ շատ կարեւոր է»:
Ֆրանսահայ մասնագետը ներկաներին ցուցադրեց, թե ինչպես կարելի է բաժակը պտտելով ստուգել գինու որակը:
«Պետք է բաժակի պատի վրա գինու կաթիլները դանդաղ ծորեն: Այդ նշանակում է, որ գինին բարձր որակի է»,- հավելեց Ղուկասյանը:
Գինու համտեսմանը հրավիրված էին ինչպես մի շարք հայտնիներ, այնպես էլ գինու երկրպագուներ:
Նշենք, որ Սերժ Ղուկասյանն առաջին անգամ չէ Հայաստանում: Նա շատ ուրախ էր, որ այսօր նույնպես այստեղ է եւ կարոտն է առնում Հայրենիքից:
Պատրաստեց՝ Մելինե Տոնոյանը
Հետևեք NEWS.am STYLE-ին Facebook-ում, Twitter-ում և Instagram-ում
13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ19:56, 22 ապրիլի
Համշենական «Մելուսես» խումբը մայիսին համերգ կունենա Երեւանում19:22, 22 ապրիլի
Ասիայի ամենահարուստ մարդու էքստրավագանտ նվերներն իր ընտանիքին և ընկերներին17:12, 22 ապրիլի
Գեւորգ Մկրտչյանը և Քրիստինա Հովհաննիսյանը պսակադրվեցին