NEWS.am STYLE-ն արդեն տեղեկացրել է, որ օրերս Մոսկվայում կայացած «Նոր ալիք 2014» մրցույթի կիսաեզրափակիչ փուլում Հայաստանը ներկայացնող հինգ մասնակիցներից եզրափակիչ փուլ է անցել եւ մրցույթում մեր երկիրը ներկայացնելու իրավունք ձեռք բերել երգչուհի Սոնա Ռուբենյանը: Սոնան երեկ գիշերը վերադարձել է Երեւան եւ NEWS.am STYLE-ին պատմել մրցույթից ստացած իր տպավորությունների եւ հետագա անելիքների մասին:
Մեզ հետ զրույցում Սոնան նշեց, որ ելույթ է ունեցել երկու օր: «Առաջին օրը կատարել եմ Ռիհանայի «Man Down» եւ հեղինակային «Իրական պատրանք» երգերը: Առաջին փուլից հետո պարզ դարձավ, որ երկրորդ փուլ ենք անցել ես, Լենա Ղազարյանը եւ Վալերա Մայրումյանը: Երկրորդ օրը կատարեցի Փինկի «Try», Յուլիա Սավիչեւայի «Прости за любовь » եւ Անուշիկ Ալավերդյանի «Երեւի սիրում եմ քեզ» երգերը»,- նշեց երգչուհին՝ հավելելով, որ ժյուրիի կազմում էին Ֆիլիպ Կիրկորովը, Իգոր Կրուտոյը, Իրինա Դուբցովան եւ այլք:
Երգչուհու խոսքով՝ Մոսկվա չէր մեկնել պարզապես մրցույթին մասնակցելու համար, սակայն ամեն արդյունքի պատրաստ էր: «Քանի որ մրցույթ է, բացի այդ, մյուս մասնակիցներն էլ հզոր էին: Ամեն դեպքում՝ գնացել էի լավ ելույթի համար ու, կարծում եմ, ստացվեց: Երգելիս չեմ մտածել ոչ մի բանի մասին, մտածել եմ ուղղակի լավ երգելու, լավ ներկայանալու մասին»,- ասաց երգչուհին:
Սոնա Ռուբենյանը չի կարող ասել, թե ինչ զգացողություններ ունեցավ, երբ հայտարարեցին, որ ինքն է անցնում մրցույթի եզրափակիչ փուլ. «Չեմ կարող բացատրել, թե դրանք ինչ զգացողություններ են, չէի հավատում: Երբ եզրափակչի մասնակիցներին հրավիրեցին բեմ, անգամ չեմ տեսել, թե ինձ հետ ովքեր են անցել»:
«Նոր ալիք 2014»-ի հայաստանյան մասնակիցը երկու շաբաթ ունի, որպեսզի մրցույթում կատարելիք երգերը վերջնական ներկայացնի:
«Այսօրվանից սկսելու եմ աշխատել երգերի եւ ծրագրի ուղղությամբ: Շատ մարդիկ են ինձ օգնում, կարող եմ նշել Անդրեի անունը, ով միշտ պատրաստակամ է նման հարցերում: Շատ շնորհակալ եմ նրան: Փորձելու ենք այնպես անել, որ մեր ծրագիրն ամենալավը լինի»,- եզրափակեց Սոնան:
Հիշեցնենք, որ «Նոր ալիք 2014»-ը տեղի կունենա հուլիսի 22-27-ը, Յուրմալայում:
Զրուցեց՝ Շուշան Շատիկյանը
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով