Հայոց Ցեղասպանության 100-ամյակին ընդառաջ ռեժիսոր Արտ Սեւադայի կողմից իրականացվող «The Genex» ֆիլմի մասին NEWS.am STYLE-ն արդեն գրել է: Նախորդ անգամ մեզ չհաջողվեց ռեժիսորից մանրամասներ իմանալ ֆիլմի ընթացքի մասին, սակայն այսօր մեզ հետ զրույցում Արտ Սեւադան ասաց, որ «The Genex»-ի նկարահանումները կսկվեն այս տարվա հուլիսի 28-ին:
«Ինչպես եւ խոստացել էինք, այն համաշխարհային կինոցանց կիջնի 2015 թվականի ապրիլի 24-ին: Դերասանների անունները, բնականաբար, դեռ կպահենք գաղտնի, քանի որ հայկական լրատվամիջոցները նրանց անունները բարձրաձայնելով, հնարավորություն են ստեղծում թուրքական լոբբինգին բողոքելու ստուդիաներին, ինչը լրջորեն ազդում է ֆիլմի իրականացման վրա: Կարող եմ ուղղակի ասել, որ աշխարհահռչակ դերասաններ են ընդգրկված»,-նշեց Սեւադան՝ հավելելով, որ ֆիլմը նկարահանելը ընկած է միայն իրենց ուսերին. «Ցավում եմ շատ, որ երկու տարի առաջ Կինոկենտրոնի կողմից հայտարարված մրցույթում հաղթելուց հետո Հայաստանի իշխանություններն այդպես էլ մեզ սատար կանգնելու որոշում չկարողացան կայացնել, այնպես որ, ինչպես միշտ, ամեն բան մնում է կրկին մի քանի պրոգրեսիվ մտածող անհատների ուսերին»:
Ֆիլմը դեռ չի նկարահանվել, սակայն արդեն իսկ քննադատություններ են հնչում դրա հասցեին: Ռեժիսորը դիմում է բոլոր քննադատողներին՝ ասելով. «Պետք է խնդրեմ բոլոր այն անձանց, ովքեր շտապում են դիագնոզ դնել ֆիլմի կայացմանը՝ դրանով հանդերձ խոչընդոտելով ֆինանսավորմանը, զբաղվել գործով, քանզի քննադատությունն արվում է ֆիլմը դիտելուց հետո: Թուրքն, ըստ իս, ազգություն չէ, այլ տեսակ եւ, ցավոք սրտի, այդ տեսակից մեզանում էլ կա: Սրճարաններում նստած ինքնահաստատման փորձ անելուց, բամբասելուց եւ քննադատելուց առաջ նրանցից յուրաքանչյուրը պետք է հարց տա իրեն, թե ինքն ինչ է ձեռնարկել մեր ձայնը լսելի դարձնելու գործում կամ ինչքանով է կոմպետենտ միջազգային զարկերակը զգալու համար, որպեսզի առանց վրիպումի (ինչպես արվել են նախորդ նախագծերում) համաշխարհային հանրությանը տեղ հասցնի բոլոր ժամանակների ամենակարեւոր ասելիքը՝ առանց նվնվոցի: Վստահ եմ՝ նրանք կհասկանան, թե ում են վերաբերում այս խոսքերը: Դուք անպայման կլսեք նրանց ձայները այս հոդվածից հետո»,-նշեց Արտ Սեւադան:
«Ես նկարում եմ այս ֆիլմը ինձ համար, իմ երեխաների համար ու գիտեմ՝ ինչ գնով են նման բարդ ու վտանգավոր ծրագրերը իրականացվում: Եթե չեք օգնելու, խնդրում եմ գոնե մի խանգարեք: Օրհնյալ լինի Հայաստան աշխարհը»,-եզրափակեց ռեժիսորը:
Ֆիլմի մասին տեղեկությունների համար այցելեք «The Genex»-ի պաշտոնական կայք:
Պատրաստեց՝ Շուշան Շատիկյանը
Հետևեք NEWS.am STYLE-ին Facebook-ում, Twitter-ում և Instagram-ում
15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ19:56, 22 ապրիլի
Համշենական «Մելուսես» խումբը մայիսին համերգ կունենա Երեւանում