Իմ առաջին տատուն ես արել եմ բավականին հասուն տարիքում՝ 27 տարեկանում։ Ի՞նչն ինձ ստիպեց այդպես վարվել։ Ինձ միշտ էլ տատուները դուր են եկել, բայց երկար ժամանակ չէի համարձակվում։ Վախենում էի մաշկիս վրա տեսնել այդ կանաչ-մոխրագույն նկարը՝ «վերջերս բանտից ազատված» թեմաների շարքից։ Բայց գայթակղությունը շատ մեծ էր եւ ինքնաբերաբար ես դիմեցի այդ քայլին։ Հին Արբատով զբոսնելու ժամանակ ես որոշեցի մտնել ամենամոտ տատու սրահը եւ մտածեցի՝ թող պատահի այն, ինչ պետք է լինի։ Փառք աստծո ի տարբերություն իր տատիկի ապրած ժամանակաշրջանի՝ այժմ տատուների մասին մարդկանց կարծիքը փոխվել է։ Այժմ մարդիկ մարմնի տատուները չեն համարում ցուցանիշ այն բանի, որ նա եղել է «արգելված եւ փակ տեղերում»։ Չնայած պետք է խոստովանեմ, որ տատիկս, տեսնելով իմ տատուն, երկար ժամանակ գոռում-գոչում էր, որ ես «այլանդակել եմ» իմ մարմինը։
Իմ առաջին տատուն ես արել եմ ոտքիս վրա։ Ես ընտրեցի կնոջ եւ տղամարդու պատկերով մի կրքոտ նկար։ Պատասխանեմ բոլորին այդքան շատ հուզող հարցին, թե որքան ցավոտ է տատու անելը։ Միանգամից ասեմ, որ այնքան էլ հաճելի գործընթաց չէ, բայց կարելի է դիմանալ։ Ամեն ինչ կախված է տատուի տեղից. որքան քիչ նյարդային հանգույցներ լինեն այդ հատվածում, այնքան ավելի քիչ ցավոտ կլինի։ Օրինակ, երբ իմ ոտքին տատու էին անում դա նույնքան էր ցավոտ, ինչպես առաջին անգամ ոտքերը էպիլյատորով մաքրելու ժամանակ (աղջիկները ինձ կհասկանան)։ Իսկ երբ արդեն երկու տարի անց ես որոշեցի իմ երկրորդ տատուն անել գոտկատեղի հատվածում, ասեմ, որ հազիվ էի ցավին դիմանում եւ զսպում ինձ։ Անգամ պահ եկավ, որ ուզում էի դուրս գայի եւ փաչել։ Այնպես որ, եթե Դուք այնքան էլ ցավադիմացկուն չեք, ապա խորհուրդ չեմ տալիս տատու անել։
Իսկ ինչ վերաբերում է ցավազրկողներին, ապա ասեմ, որ տատու անելիս, ոչ մի վարպետ այն չի օգտագործում։ Երբեմն երբ շատ անտանելի է դառնում, կարող են մի փոքր լիդոկաին ցանել, բայց ազդեցությունը այնքան էլ երկար չի տեւում, եւ ցավը դրանից էապես չի նվազում։ Անզգայացումից մաշկը փոխում է իր հատկությունները, վարպետը այն չի զգում, եւ նկարը հետո կարող է դեֆորմացված ստացվել։ Հետեւաբար, պետք է զսպեք ցավը՝ սեղմելով ատամները...
Նկարի որակը առաջին հերթին կախված է վարպետի մասնագիտական հմտություններից, բայց պակաս կարեւորություն չունի նաեւ ներկանյութը։ Կարծիք կա, որ ամենալավը ամերիկյան արտադրության ներկանյութերն են, եւ դրանց գույնը երկար ժամանակ վառ եւ պայծառ է մնում։ Բայց նույնիսկ ամենալավ տատուի վրա ժամանակի ընթացքում պետք է ուղղումներ անել։ Ժամկետները կախված են ինչպես ներկանյութի որակից, այնպես էլ մաշկի յուրահատկությունից։ Սովորաբար առաջին շտկումները խորհուրդ է տրվում անել երկու տարի անց։
Տատու անելուց հետո մոտ երկու շաբաթ չի կարելի գնալ լողավազան, սաունա կամ երկար ժամանակ մնալ արեւի ուղիղ ճառագայթների տակ։ Որոշ վարպետներ անգամ խորհուրդ են տալիս լոգանք ընդունելիս տոպրակով փակել տատու արված հատվածը, բայց այս կարծիքը ոչ բոլոր մասնագետներն են կիսում։ Ի դեպ, արեւային լոգանքներ ընդունելիս անհրաժեշտ է տատու արված հատվածում արեւապաշտպան քսուք օգտագործել...
Իսկ ինչ վերաբերում է գներին, ապա ասեմ, որ ես իմ տատուն արել եմ Հայաստանի սահմաններից դուրս, սակայն վերջին ժամանակներում Երեւանում բավականին շատ սրահներ են բացվել։ Որակի մասին չեմ կարող խոսել։ Օրինակ, իմ ընկերներից մեկը ցանկանում էր իր ուսին սեւ գայլի տատու անել, արդյունքում ստացվել էր կանաչ մուտանտ, որն արջի եւ հովվաշան մեջտեղում մի բան էր ստացվել. եւ նա այս սարսափելի տատուի համար վճարել էր 30000 դրամ։ Իհարկե, հետո նա արտասահմանում տատուն փոփոխել եւ շտկել էր։ Բայց իմ ընկերուհիներից մյուսը ավելի լավ բախտի էր արժանացնել՝ այցելելով երեւանյան տատու սրահներից մեկը։ Նրա ձեռքին մի գեղեցիկ գրառում էին արել։Հետեւաբար, Երեւանյան տատու սրահներից օգտվելուց առաջ պետք է մի լավ մոնիթորինգ անցկացնել։
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
10:35, 28 ապրիլի
Փերիս Հիլթոնը մերկացել է Flaunt ամսագրի շապիկի համար09:00, 28 ապրիլի
ԱՊՐԻԼԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները