• Միշլենի երկու աստղ ունեցող շեֆ-խոհարար Ֆլորենս Դալիանի գաստրո շոուն «Հայրիկ» Seven Visions Hotels, The Dvin ռեստորանում (ֆոտո/վիդեո)

  42 տարեկանում նա աշխատել է Հոնկոնգի, Շանհայի եւ Լատինական Ամերիկայի լավագույն ռեստորաններում․․․

• Քորթնի Քարդաշյանն իր ընտանիքի համար հայկական ավանդական ընթրիք է կազմակերպել (ֆոտո/վիդեո)

  Ընտանեկան ընթրիք, հայկական ուտեստներ․․․

• Պատրաստում ենք սուրբծննդյան սեղանի գլխավոր կերակրատեսակները

  Հունվարի 6-ին Հայ Առաքելական Սբ. Եկեղեցին տոնում է Հիսուս Քրիստոսի ծնունդը...

• «Ֆանտաստիկ քառյակ». առողջության համար առավել օգտակար խոտաբույսեր եւ համեմունքներ

  Այս խոտաբույսերը եւ համեմունքներն ունեն հակաբորբոքային, հակաքաղցկեղային, հակամանրէային, հակաշաքարախտային ազդեցություն․․․

• Որոնք են սուրբծննդյան սեղանի գլխավոր կերակրատեսակները

  Հունվարի 6-ին Հայ Առաքելական Սբ. Եկեղեցին տոնում է Հիսուս Քրիստոսի ծնունդը․․․

• Վանիլաբույր ամառային համտես-երեկո` ԶԼՄ ներկայացուցիչների ու բլոգերների համար (ֆոտո)

  Ֆրանսիական ամենահայտնի դեսերտներից «Փարիզ բրեստ»-ի հեղինակը ֆրանսիացի հրուշակագործ Լուի Դյուրանդն է...

• Երեւանի ամենաքաղցր խորհրդանիշի հետքերով. «Գրանատուս» (ֆոտոռեպորտաժ)

  Գրանատուսի համն ու որակը գայթակղել են ոչ միայն մեր համաքաղաքացիներին, այլեւ քաղցրասեր զբոսաշրջիկներին...

• Ինչպես պատրաստել մրգային ժելե

  Տորթ ժելեի պատրաստման եղանակը․․․

Կիտրոնով ջեմ կարելի է պատրաստել տարվա ցանկացած եղանակին, քանի որ այն շատ հեշտ եւ շատ ժամանակ ու ջանք չպահանջող մի գործընթաց է։ Չնայած այս ուտեստը բնորոշ է պորտուգալական խոհանոցին, բայց այն նաեւ պատրաստվում է մեզ մոտ։

Ներկայացնում ենք կիտրոնի ջեմի պատրաստման փորձված բաղադրատոմսեր եւ հավաստիացնում, որ արդյունքում շատ համեղ եւ սննդարար ջեմ եք ստանալու։

Կիտրոնի ջեմը մի յուրահատուկ հաճույք կարող է պարգեւել Ձեզ։ Այն կարելի է մատուցել եւ թեյի հետ, եւ որպես առանձին աղանդեր, անգամ օգտագործել կարկանդակներ պատրաստելիս։

Կիտրոնի ջեմի պատրաստման դասական բաղադրատոմս N1

Այս առաջին բաղադրատոսմի համար Ձեզ անհրաժեշտ է 10 կիտրոն (միջին չափսի), 1.8կգ. շաքար, 30գր. վանիլի շաքար, 1.5 լ. ջուր՝ եռացնելու եւ զովացնելու համար։
Սկզբում լվանում եք կիտրոնը, դնում եռացող ջրի մեջ։ 5 րոպե անց ջուրը քամում եք եւ սկսում շերտատել կիտրոնը։

Այնուհետեւ կիտրոնի շերտերը լցնում եք կաթսայի մեջ եւ ավելացնում 1.5 լ. ջուրն ու դնում կրակին։ 45-50 րոպե անց կարելի է ավելացնել շաքարը (եւ սովորական, եւ վանիլի)։ Կրակը ցածրացնում եք եւ թողնում եւս մեկ ժամ։

Հաջորդ քայլի համար Ձեզ քափքաշ է հարկավոր, որի օգնությամբ պետք է հեռացնել կիտրոնի կեղեւները։ Արդեն կարելի է ջեմը լցնել ապակե տարաների մեջ, պահածոյացնել կամ դնել սառնարան։

Ահա տեսնում եք՝ ամեն ինչ շատ պարզ ու հեշտ է։ ի դեպ, այս նույն սկզբունքով կարող եք նաեւ նարնջով կամ թուրինջով ջեմ պատրաստել. միայն շաքարը պետք է ավելի քիչ վերցնել, քանի որ նարինջն ու թուրինջն այնքան էլ թթու չեն, ինչպես կիտրոնը։

Կիտրոնի ջեմի պատրաստման դասական բաղադրատոմս N 2

Փաստացի այս բաղադրատոմսն այնքան էլ շատ չի տարբերվում առաջինից, բայց այն ունի որոշ յուրահատկություններ։ Առաջին հերթին համամասնություններն են տարբեր. 1կգ կիտրոնի համար պետք է վերցնել 2 լ. ջուր եւ 3կգ. շաքար։ Կիտրոնը պետք է մանր-մանր շերտերով կտրատել, որոնք անհրաժեշտ է լցնել էմալե կաթսայի մեջ, ջուր ավելացնել եւ մեկ օր թողնել ջրի մեջ։

Այնուհետեւ կիտրոնը պետք է եռացնել այնքան, մինչեւ հեշտությամբ կարողանաք մատներով կեղեւը առանձնացնել միջուկից։ Այս գործընթացից հետո կիտրոնը  պետք է եփել եւս 20 րոպե։

Վերջին քայլը. ջեմը լցնում եք ապակե տարաների մեջ եւ դնում տաք ջրի մեջ՝ մինչեւ սառչելը։

Կիտրոնի ջեմի պատրաստման պորտուգալական բաղադրատոմսը

Ջեմի համար անհրաժեշտ է վերցնել 10 դեղին, անուշաբույր, հասած կիտրոն (մոտ 1.5կգ.)։ Կիտրոնը պետք է լվանալ, չորացնել եւ դանակի օգնությամբ հեռացնել կեղեւը (բայց պետք չէ դեն նետել)։ Կիտրոնների կեսից պետք է հյութը քամել։ Կիտրոնի հյութը անհրաժեշտ է խառնել ջրով եւ առանձնացրած կեղեւների հետ միասին լցնել կաթսայի մեջ։

Կիտրոնի հյութն առանձնացնելիս կիտրոնի կեղեւն ու կաշին պետք է որ մնացած լինի, հետեւաբար անհրաժեշտ է դրանք լցնել մարլայից կամ նեյլոնից պատրաստված պարկի մեջ եւ դնել կաթսայի մեջ։ Հարց է առաջանում՝ ինչու՞։

Գաղտնիքը հետեւյալն է. կիտրոնի կեղեւը հարուստ է պեկտինով, որը ջեմին ժելեի տեսք է հաղորդում։

Կաթսան պետք է կրակի վրա թողնել 1-3 ժամ, մինչեւ ստացված զանգվածի կեսը գոլորշիանա։

Երբ կիտրոնն արդեն կեռա, պետք է պարկը զգուշորեն հանել կաթսայի միջից եւ դրել քամիչի մեջ, որպեսզի ամբողջ հյութը կրկին լցվի կաթսա։ Երբ պարկի պարունակությունը մի փոքր կսառչի, պետք է այն քամել եւ գդալի օգնությամբ հավաքել առանձնացված պեկտինը. կիտրոնի կեղեւներն արդեն կարելի է դեն նետել։

Ստացված զանգվածը կրկին դնում եք մարմանդ կրակի վրա եւ եռացնում՝ չմոռանալով խառնելու մասին։ Պատրաստելուց հետո պետք է ստացված ջեմը թողնել, որ մի փոքր սառչի, ինչից հետո արդեն կարելի է լցնել ապակե տարաների մեջ։ Այս բոլոր գործողություններից հետո Դուք կստանաք երեք լիտր ջեմ։
Ջեմն ավելի համեղ դարձնելու համար կարելի է կաթսայի մեջ ավելացնել խորդենուն տերեւներ։

Աղբյուրը՝1000.menu

Հետևեք NEWS.am STYLE-ին Facebook-ում, Twitter-ում և Instagram-ում