Թավշյա սեզոնին ընդառաջ՝ նորաձեւության մեջ փոխվում են միտումներն ու պահանջները, եւ առավել արդիական է դառնում տաք հագուստն իր համապատասխան աքսեսուարներով։ Եթե ոչ հիմա, ապա մի քանի շաբաթից անձրեւաշատ աշունն իրեն զգացնել կտա, ուստի պետք է այսօրվանից արդեն պատրաստել զգեստապահարանը աշնանային եղանակի համար։ Առաջարկում ենք մի քանի «must have»-ներ, որոնք յուրաքանչյուր նորաձեւ աղջիկ աշնանը պետք է ունենա իր զգեստապահարանում։
Եվ այսպես, աշնան սկսվելուն պես՝ ձեզ համար անպայման կաշվե բաճկոն գնեք։ Նախ, կաշին երբեք դուրս չի գալիս նորաձեւությունից, իսկ հետո այն համադրելի է ե'ւ դասական, ե'ւ ազատ ոճի հագուստի հետ։ Հատկապես սեւ գույնի կաշվե բաճկոնը կարելի է կրել ինչպես շրջազգեստների եւ բարձրակրունկների, այնպես էլ՝ կեդերի եւ ջինսերի հետ։
Վերարկու։ Վերարկուն ձեզ պետք կգա խորը աշնան համար, ինչպես նաեւ ձմռանը։ Սակայն աշնան համար կարող եք ընտրել փոքր-ինչ բարակ կտորից վերարկուներ։ Նուրբ քաշմիրը, օրինակ, շատ տեղին կլինի։ Այս աշնան համար նախապատվությունը տվեք մինչեւ ծնկները հասնող վերակուներին։
Փակ կոշիկներ։ Բնականաբար, հաշվի առնելով անձրեւները եւ սառը եղանակը, անպայման պետք է փակ կոշիկ ունենալ։ «Բալետկան» միշտ նորաձեւ է, սակայն խորը աշնան համար այն այնքան էլ հարմար չէ։ Նախ, որովհետեւ այնքան փակ չէ, որ պաշտպանի ոտքը ցրտից, իսկ հետո դրա տակացուն այնքան բարակ է, որ անձրեւաջրերից չեք խուսափի։
Աշնան համար ավելի լավ է ընտրեք բոտիլիոններ, որոնք, ի դեպ, այս տարի անչափ նորաձեւ են։
Երկարաճիտ կոշիկներ։ Թեեւ երակարաճիտ կոշիկները անփոխարինելի են համարվում ձմռանը, այնուամենայնիվ, աշնանը դրանք նույնպես հարմար են։ Չգիտեմ, թե որքանով երեւանյան՝ ոչ այդքան ցուրտ աշնան համար տեղին կլինեն բոտֆորտները, սակայն այս տարի դրանք անչափ նորաձեւ են։
Գործված բլուզ։ Արդեն մի քանի սեզոն է խոշոր գործվածքներով բլուզներն ու զգեստները ցուրտ եղանակների ամենաարդիական հագուստն են։ Այնպես որ, այս աշնան համար համարձակորեն նման մի բլուզ ընտրեք։
Շարֆ։ Շարֆը իդեալական աքսեսուար է ոչ միայն աշնան եւ ձմռան, այլեւ գարնան եւ նույնիսկ շոգ ամռան համար։ Շարֆը նորաձեւ է միշտ եւ համադրելի՝ գրեթե ցանկացած հագուստի հետ։ Այն լրացուցիչ շքեղություն է հաղորդում հագուստին։ Ուստի աշնան համար անպայման շարֆ ունեցեք ձեր զգեստապահարանում, որպեսզի լրացնեք ձեր սուպերնորաձեւ կերպարները։
Շուշան Շատիկյան
Հետևեք NEWS.am STYLE-ին Facebook-ում, Twitter-ում և Instagram-ում
18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր11:17, 28 մարտի
Քիմ Քարդաշյանին դատի են տվել կահույքի համար10:29, 28 մարտի
Բրիթնի Սփիրսը նիհարում և շարունակում է հրապարակել իր մերկ լուսանկարները10:03, 28 մարտի
«Ինկած բերդի իշխանուհին»՝ Լավագույն ներկայացում, Տիգրան Գաբոյանն ու Արաքսյա Մելիքյանը՝ լավագույն դերասաններ. կայացավ «Արտավազդ» մրցանակաբաշխությունը09:00, 28 մարտի
ՄԱՐՏԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ