Հնդկական կինոն 100 տարեկան է: Այդ կապակցությամբ Հայաստանում Հնդկաստանի դեսպանատան նախաձեռնությամբ սեպտեմբերի 16-ին մեկնարկել է «Հնդկական ֆիլմերի շաբաթը»: Միջոցառմանը ներկա էին ՀՀ մշակույթի նախարար Հասմիկ Պողոսյանը, Հայաստանում Հնդկաստանի արտակարգ եւ լիազոր դեսպան Սուրեշ Բաբուն, Ուկրաինայի դեսպան Իվան Կուխտանը, Չինաստանի դեսպան Թիան Չանչունը եւ այլք:
Հայաստանում Հնդկաստանի արտակարգ եւ լիազոր դեսպան Սուրեշ Բաբունը NEWS.am STYLE-ի հետ զրույցում ասաց, որ հնդկական կինոյի շաբաթը ավանդույթ է դառնում. այն արդեն երկրորդ անգամ է անցկացվում Երեւանում:
«Հնդկական կինոն կամ, ինչպես ասում են, Բոլիվուդը, այս տարի դառնում է 100 տարեկան, եւ այդ կապակցությամբ որոշեցինք նախաձեռնել այս միջոցառումը: Հնդկական կինոն նորություն չէ Հայաստանի համար: Շաբաթվա ընթացքում ցուցադրվելու է վերջին շրջանում նկարահանված չորս ֆիլմ, որոնց գլխավոր նպատակն է ժամանցը, ժամանցը եւ կրկին ժամանցը»,- նշեց դեսպանը՝ հավելելով, որ իր սիրելի հնդկական ֆիլմերից է «Բոբին»:
Ինչպես նշեցինք, միջոցառմանը ներկա էր նաեւ ՀՀ մշակույթի նախարար Հասմիկ Պողոսյանը, ով NEWS. am STYLE-ի հետ զրույցում ասաց, որ իրեն հետաքրքիր է տեսնել, թե ինչ է փոխվել այս տարիների ընթացքում հնդկական կինոյում, որից նախարարը միայն բարի եւ դրական հուշեր ունի:
«Խորհդրային տարիներին հնդկական ֆիլմերը միշտ բարություն, դրական միջավայր եւ տրամադրություն էին բերում: Ժամանակին դրանք լուրջ դերակատություն ունեցան, քանի որ մարդիկ երեւի ուզում էին իրական կյանքում ստանալ իրենց երազածը, որոնք, ըստ էության, տեսնում էին հնդկական ֆիլմերում: Այսօր ինձ հետաքրքիր է հասկանալ, թե հարյուր տարի անց ինչպես է ձեւափոխվել հնդկական կինոն, ինչ է փոխվել կամ իր ավանդույթները ինչպես է պահպանել: Այս կինոշաբաթը հենց դրան է ուղղված, որպեսզի մենք ծանոթանանք ժամանակակից ֆիլմերին եւ հասկանանք, թե ինչ է կատարվել տարիների ընթացքում»:
«Հնդկական ֆիլմերի շաբաթ» ծրագրի շրջանակներում ցուցադրված առաջին ֆիլմը «Վիր եւ Զառա. սիրո պատմություն» ժապավենն էր, որը նկարահանվել է 2004 թվականին: Ֆիլմը պատմում է պակիստանցի քաղաքական գործչի աղջկա եւ հնդիկ օդաչուի սիրո մասին: Հնդկական եւս երեք ֆիլմ կշարունակեն իրենց հաղթարշավը «Մոսկվա» կինոթատրոնում:
Տեքստը եւ լուսանկարները՝ Շուշան Շատիկյանի
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»