• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Այս ուրբաթ, ասես, սարսափ ֆիլմերի եւ թրեյլերների օր է։ Եթե ցանկանում եք ստուգել ձեր նյարդերը, ապա NEWS.am STYLE-ը ձեզ համար «սարսափելի ուրբաթ» է պատրաստել:

Այսպիսով, ուրբաթ երեկոյան դիտելու համար առաջարկվող ֆիլմերից առաջինը տաղանդավոր ռեժիսոր, մեծ վարպետ Դեւիդ Ֆինչերի «Կորածը» ֆիլմն է։ Այս ռեժիսորը երկու անգամ նոմինացվել է «Օսկարի» համար եւ հայտնի է իր «Մարտական ակումբ», «Յոթ», «Վիշապի դաջվածքով հրեշը»  եւ «Բենջամին Բաթոնի հանելուկային պատմությունը» ֆիլմերով: «Կորածը» ֆիլմը նկարահանվել է Գիլիան Ֆլինի բեսթ-սելերի հիման վրա. ի դեպ, հենց Գիլիան Ֆլինն էլ կինոնկարի սցենարի հեղինակն է: Ֆիլմի գլխավոր դերերում հանդես են եկել Բեն Աֆլեքն ու Ռոզամունդ Փայքը: Ինչպես գիտեք, Ֆինչերի ֆիլմերը մշտապես առանձնացել են իրենց հետաքրքրաշարժ սյուժեներով, որոնք մշտապես լարվածության մեջ են պահում հանդիսատեսին, ստիպում գամվել բազկաթոռին եւ մեծ հետարքրքությամբ շարունակել դիտել ֆիլմը: Իսկ ֆիլմերի անսպասելի ավարտն ամեն ինչ գլխիվայր է շրջում: Այս առումով «Կորածը» կինոնկարը բացառություն չէ:

Ֆիլմը պատմում է մի զույգի մասին, ովքեր ցանկանում են նշել իրենց ամուսնության հինգ ամյակը: Գլխավոր հերոսը՝ Նիք Դանը, (Բեն Աֆլեք) վերադառնալով տուն, տեսնում է, որ կինը՝ Էմմին (Ռոզամունդ Փայքը) անհետացել է. հյուրասրահում ջարդված ապակի, խոհանոցում արյան հետքեր, իսկ ննջասենյակում հուշումներով լի մի թերթիկ: Իրադարձություններն այնպես են զարգանում, որ ոստիկանները սխալմամբ կնոջ սպանության մեջ մեղադրում են հենց Նիքին, քանի որ սկսում են բացահայտվել, առաջին հայացքից իդեալական թվացող այս զույգի ամուսնական կյանքի որոշ մանրամասներ: Ի դեպ, ռեժիսորը չի սահմանափակվել միայն «ամուսնական կյանքի մասին պատմող» տեսարաններով, այլեւ մանրակրկիտ ուսումնասիրել ու ներկայացրել է ժամանակակից ամերիկյան հասարակության պատասխան ռեակցիան: Ֆիլմը մինչեւ վերջին վայրկյանները հեռուստադիտողին ստիպում է մնալ էկրանների առաջ, քանի որ անհնար է գուշակել, թե ինչպես կավարտվի այս պատմությունը:

«Աննաբելի անեծքը» սարսափը հորոր ժանրի սովորական մի ֆիլմ է, այնուամենայնիվ այն ձեզ կստիպի մինչեւ վերջ գամվել էկարնների առաջ եւ մեծ հետարքրքությամբ դիտել այն: Այս ֆիլմը մեկ այլ սարսափի՝ «Նզովք» ֆիլմի նախապատմություն է: Գլխավոր «սարսափը» ֆիլմի տիկնիկն է: Ընդհանուր առմամբ «Աննաբելի անեծքը» 80-ական թվականներին նկարահանված եւ արդեն դասական դարձած «Պոլթերգեյսթ» եւ «Մանկական խաղեր» ֆիլմերի օրինակով ստեղծված մի կինոնկար է:

Ամեն ինչ սկսվում է նրանից, որ Ջոնին որոշում է իր կնոջը՝ Միին, տիկնիկ նվիրել, որի ոչ այնքան բարի ու սարսափելի դեմքը հուշում է, որ գնելուց առաջ պետք էր մի փոքր երկար մտածել: Որոշ ժամանակ անց նրանց հարեւանուհին, ում անունը կրկին Աննաբել է, իր ընկերոջ հետ սպանում է սեփական ծնողներին, ինչից հետո խելագարված զույգը սկսում են հարձակվել Ջոնի եւ Միի վրա: Ոստիկանները կարողանում են օպերատիվ աշխատել եւ սպանում են Ջոնի եւ Միի անկոչ հյուրերին, բայց մահվանից առաջ Աննաբելը հասցնում է տան պաստառներին գաղտնի նշաններ նկարել եւ արյունոտել տիկնիկը...Այս պահից սկսած Ջոնի եւ Միի կյանքում սկսում են տարօրինակ երեւույթներ կատարվել. զույգը անհասկանալի ձայներ, գոռոցներ ու հառաչանքներ է լսում տանը: Այս ամենը վկայում է այն մասին, որ սատանան դեռ արթուն է...

«Փարիզ՝ մահացածների քաղաք» ֆիլմը պատմում է երիտասարդ գիտնական Սքարլեթի մասին, ով զբաղվում է արվեստի հնագույն նմուշներ փնտրելով եւ հնագիտական որոշ գաղտնիքներ բացահայտելով: Սքարլեթը ցանկանում է գտնել Փիլիսոփայական քարը, որը, համաձայն իր ուսումնասիրությունների, թաքնված է Փարիզի կատակոմբերում՝ ստորերկրյա դամբարաններում: Սքարլեթը կամավորներ է հավաքում, ում հետ միասին գնում է Ֆրանսիայի մայրաքաղաքի ստորգետնյա դամբարաններ: Առաջին հայացքից պարզ թվացող ֆիլմի դեպքերն այնպես են զարգանում, որ պարզվում է՝ Սքարլեթը հայտնվել է ոչ թե Փարիզի ստորգետնյա դամբարանում, այլ դժոխային մի աշխարհում...

  Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում