• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Օրգազմը նպաստում է սեռական զուգընկերների միջեւ երկարատեւ կապի հաստատմանը

  Օրգազմը միայն հաճույքի կամ բազմացման համար չէ: Օրգազմը նպաստում է սեռական զուգընկերների միջեւ երկարատեւ կապի հաստատմանը․․․

• Տղամարդիկ ամուսնությունից հետո ավելի շատ քաշ են հավաքում, քան կանայք

  Տղամարդիկ ամուսնությունից հետո ավելի շատ քաշ են հավաքում, քան կանայք․․․

• Ինչպե՞ս է տղամարդու փորն ազդում սեքսի որակի վրա

  30 տարեկանից հետո տղամարդու օրգանիզմում տեստոստերոնի մակարդակը սկսում է նվազել․․․

Օրեր առաջ մթերային խանութում սպասում էի իմ հերթին. իմ առջեւ կանգնած էր մի երիտասարդ, իսկ նրա դիմաց մի փոքրամարմին, թխամաշկ կին։ Կինը հագել էր պարկի կտորից կարված, բավականին մաշված սվիտեր, ջինսե հնամաշ տաբատ (որոնք ասես կախված լինեին նրա մարմնից եւ ամեն վայրկյան «պատրաստ էին» աննկատ ընկնել), ինչպես նաեւ սեւ հաստ գուլպաներ եւ սպիտակ սաբո։ Նա խճճված ու յուղոտ մազեր ուներ (որոնք հավաքված ու կապված էին), կրծքին փայտե փոքրիկ խաչ եւ ձեռնափայտ։ Կինը բավականին երիտասարդ էր, սակայն նրա դժբախտությունները «արել էին իրենց սեւ գործը» եւ դժվար էր հստակ գուշակել նրա տարիքը։ Կնոջ դեմքին «դաջված» էր մի շատ տարօրինակ, գրեթե երանելի ժպիտ։ Նա տաշեղի պես նիհար էր եւ իր ողջ տեսքը հուշում էր, որ կինը մուրացկան է։

Դրամարկղին մոտենալով, շփոթվելով ու երկմտելով՝ կինը խնդրեց, որ մի բանան կշռեն իր համար։

Բանանի արժեքը կազմեց 190 դրամ եւ մոտ հինգ րոպե նա հաշվում էր իր մետաղադրամները՝ հիմնականում 10 եւ 20 դրամանոցներ։ Հետո խորը շնչեց՝ դրամարկղի աշխատակցի առաջ բացելով կեղտոտ ձեռքի ափը, եւ անհանգստացած հարցրեց. «ամեն ինչ ճի՞շտ է»։ Դրական պատասխան ստանալով՝ հանգիստ շունչ քաշեց, պտտվեց եւ ներողամիտ հայացքով նայեց իրենց հերթին սպասող մարդկանց, ժպտաց իր երջանիկ ժպիտով եւ մոտեցավ դեպի դռանը։ Իմ առջեւ կանգնած երիտասարդը, հավանաբար 24 տարեկան կլիներ, այս ամենը տեսնելով, զարմանքից քարացել էր։

Նա մտախոհ նայում էր այն կնոջ ետեւից, սակայն հետո «հավաքեց իրեն» եւ աշխատակցից մի կապ բանան խնդրեց։ Արագ վճարելով բանանի գումարը՝ երիտասարդը դուրս վազեց խանութից։ Ես տեսա, թե ինչպես տղան մոտեցավ մուրացկանին եւ նրան տվեց բանանի կապոցը. տեսա նաեւ այդ կնոջ երախտապարտ ժպիտը եւ նրա ամաչկոտ ու խոնարհ հայացքը։ Ես նայեցի դրամարկղի աշխատակցին, եւ մենք ժպտացինք միմյանց այդ նույն երանելի ժպիտով, ինչպիսին մուրացկանինն էր...

Ինչու՞ որոշեցի գրել այս մասին։ Վերջերս ընթերցողներից մեկը մի երկարաշունչ մեկնաբանություն էր գրել այն մասին, որ Հայաստանում «նորմալ հայ» չի մնացել, իբրեւ թե, բոլոր «նորմալ հայերը» գնացել են Մոսկվա. ենթադրում եմ, որ առաջին հերթին նա հենց իրեն էլ ի նկատի ուներ։ Ասեմ, որ երբեմն ինձ մոտ էլ են զայրույթի եւ վհատության նոպաներ լինում. ես էլ եմ բարկանում ինձ, անցորդների, այս «անողնաշար» ազգի վրա, որի համբերության բաժակը ոչ մի կերպ չի լցվում։

Եվ ես էլ, ինչպես մեզանից շատերը, ուզում եմ թողնել ամեն ինչ եւ հեռանալ։ Խոստովանում եմ՝ մի քանի անգամ հենց այդպես էլ պատահել է։ Սակայն այդ երիտասարդն ու մուրացկանը Մոսկվայում ապրող հազար «նորմալ մարդ» արժեն։ Ես բնավ մտադիր չեմ վիրավորել մեր արտագաղթացած հայրենակիցներին, քանի որ նրանից յուրաքանչյուրն իր պատճառներն ու պատմությունն ունի, բայց ինձ բարկացնում են այն կատեգորիայի մարդիկ, ովքեր ձգտում են խրատել ու քննադատել իրենց հայրենիքում մնացած «ողորմելի» հայրենակիցներին։

Միգուցե ոմանց համար իմ նկարագրած տեսարանը շատ փոքր եւ աննշան մի բան թվա, բայց համաձայնեք, որ հաճախ ամենակարեւորն ու գլխավորը թաքնված է հենց մանրուքների մեջ։ Այդ փոքրիկ արարքը, այդ կնոջ երանելի ժպիտը, երիտասարդի շփոթված հայացքը պաթոսով լի հազարավոր ու միլիոնավոր խոսքերից եւ կեղծ հայրենասիրությունից առավել են։ Հենց այս երիտասարդն է ուժ տալիս ինձ նման մարդկանց՝ դիմադրել ճամպրուկները հավաքելու գայթակղությանը։ Հենց այդ, առաջին հայացքից աննշան էսքիզը, հոգուդ խորքում վերածնում է վաղուց իր վեր մոռացված Երեւանի շունչը եւ օգնում հիշել, թե ինչու եմ ես՝ չնայած ամեն ինչի, այդքան շատ սիրում այս քաղաքը...

Էմմա Օ.

Հետևեք NEWS.am STYLE-ին Facebook-ում, Twitter-ում և Instagram-ում