• Բանջարեղենային դիետան կօգնի կանանց հաղթահարել նախադաշտանային սինդրոմը

  Գիտնականները պարզել են․․․

• Ատամների խնամք. լնդերի մերսում

  Գեղեցիկ ժպիտը շատ դեպքերում ունակ է թեթեւացնել մեր կյանքը. ժպտացող մարդիկ վստահություն են ներշնչում…

• Դիմակ «հինգրորդ կետի» խնամքի համար

  Գոյություն ունեն կանացի մարմնի տարբեր մասերի խնամքի բազմաթիվ միջոցներ…

• Մեղրով դիետա

  Տվյալ դիետայի հիմնական առանձնահատկությունն այն է, որ օրական երեք անգամ (նախաճաշ, ճաշ ու ընթրիք) անհրաժեշտ է մեկական գդալ մեղր ուտել...

• 8 beauty-խորհուրդ. շքեղ տեսք՝ առանց ավելորդ գնումների

  Կոկոսի յուղը ոչ միայն հրաշալիորեն խոնավեցնում է մաշկը, այլեւ գերմիջոց է ճյուղավորվող մազերի դեմ…

• Որոնք են ամենավնասակար ալկոհոլային խմիչքները

  Ամերիկյան գիտնականները նշել են ամենավնասակար 5 ալկոհոլային խմիչքները, որոնց օգտագործումը վատ հետեւանքներ է առաջացնում…

• Զարմանալի երեւույթներ, որոնք տեղի է ունենում մարդու հետ քնած ժամանակ

  Տեղեկությունների ծավալը, որ ուղեղն ամեն օր կլանում է, անսպառ է...

• Ինչպես պատրաստվել տնային ձեռնասունին ընդունելուն

  Տնային կենդանիները ընդհանրապես աշխարհի եւ մասնավորապես քո կացարանի սեփական ընկալում ունեն…

Ուշադիր նայեք այս նկարին։ Տարբերություն տեսնու՞մ եք աղջիկների միջեւ...

Այս լուսանկարը վերցված է համացանցից, լուսանկարում հայ աղջիկներ չեն, սակայն բավական է շրջել մեր մայրաքաղաքով, այցելել ցանկացած բուհ, սրճարան կամ փաբ, եւ նման՝ «copy paste» արտաքինով հայուհիների կհանդիպես ամեն քայլափոխի։

Հաստ հոնքեր, արհեստականորեն մեծացրած շրթունքներ, ներկված վարսեր եւ գերշպարված դեմք. ահա մերօրյա գեղեցկության նոր չափանիշները։ Մի ժամանակ «բրեւժնեւյան» հաստ հոնքերով աղջիկների վրա ծիծաղում էին։ Նման կերպ ինչ-որ տեղ գնալն ուղղակի ամոթ էր։ Հաստ հոնքերը համարվում էին փնթիության եւ անխնամ լինելու նշան։ Հիմա այդ երեւույթի վրա ծիծաղող նույն այդ աղջիկները Բրեժնեւից էլ հաստ հոնքերով են շրջում քաղաքում։ Գուցե շատերը ասեն, որ դա նորաձեւ է, որ արտերկրում էլ է այդպես, բայց այստեղ կա մեկ բայց։ Հաստ, բայց բնական հաստության հոնքերով, աղջիկնե'ր, ոչ թե մատիտով ներկված, որ մատի մեկ անզգույշ շարժումից կարող են լղոզվել ու անհարմար վիճակի մեջ գցել ձեզ...

Անցնենք վարսերին։ Բնական երանգի վարսերով աղջիկների այսօր հազվադեպ կհանդիպես։ Մերոնք ծայրահեղ են այս հարցում՝ վարսերը կամ պետք է շեկ լինեն կամ մուգ սեւ։ Ընդհանրապես, ամոթ է ունենալ բնական գեղեցկություն այս քաղաքում։ Մաշկի բնական գույնը պետք է ծածկել երանգաքսուքի հաստ շերտով, անպայման փոխել աչքերի գույնը լինզաների օգնությամբ եւ մեծացնել շրթունքների եզրերն այնքան, որ ամբողջ դեմքի վրա միայն շրթունքները երեւան։ Եթե թուխ մաշկ ունես, ապա անպայման պետք է բացացնել այն, եթե մաշկդ արդեն իսկ բաց է, ապա միմիայն մգացնել։ Եթե վարսերն ուղիղ են, անպայման պետք է գանգրացնել, եւ ճիշտ հակառակը։

Մեր աղջիկները, կարծես, լսել են, որ կինը միշտ պետք է խնամված լինի, սակայն չեն հասկանում, թե որն է իրականում խնամված կինը։ Կոկո Շանելն ասում էր՝ «Ընդհանրապես չշպարվող կանայք չափից շատ մեծ կարծիք ունեն իրենց մասին»։ Միգուցե այդպես է, բայց այդ աղջիկներն արժանի են հարգանքի, քանի որ չեն վազում նորաձեւության արհեստածին տենդենցների հետեւից, չեն կորցնում իրենց դիմագիծն ու չեն նմանվում ուրիշներին, ինչպես վերեւի լուսանկարում է։

Հիմա քաղաքում ամենուր միեւնույն շպարով, վարսերի միեւնույն գույնով ու անգամ միեւնույն հագուկապով աղջիկների կարելի է տեսնել։ Բոլորն այնքան նման են միմյանց իրենց արտաքինով, խոսելաձեւով, պահվածքով... Ոչ մի անհատականություն։ Միայն ներկված դեմքեր, որոնք անվերջ «անմահանում են» թանկարժեք հեռախոսներում։

Մի ասացվածք էլ կա՝ «Որքան շատ են զարդարված կնոջ եղունգները, այնքան անիմաստ է նրա կյանքը»։ Չէ, իհարկե, եղունգները պետք է հարդարել միշտ, դեմքը, վարսերն ու աչքերը՝ նույնպես, սակայն ամեն ինչ պետք է չափի մեջ լինի, եւ, հավատացեք, աղջիկնե'ր, այդ չափը նորաձեւությունը չի որոշում, այլ ամեն մեկն իր համար՝ ելնելով իր արտաքինի առանձնահատկություններից եւ, անշուշտ, իր անհատականությունից, որն այդքան պակասում է ժամանակակից աղջիկներից շատերին...

Սիրեք ձեզ այնպիսին, ինչպիսին կաք՝ բարակ հոնքերով, փոքր շրթունքներով եւ շագանակագույն վարսերով, այլապես կդառնաք ինչ-որ մեկի անհաջող «copy paste»-ը։

 Աշա

Հետևեք NEWS.am STYLE-ին Facebook-ում, Twitter-ում և Instagram-ում