• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին

  1950-ականների Հոլիվուդի ամենավառ աստղերը, այդ թվում՝ Մերիլին Մոնրոն, Ջեյմս Դինը, Քենեդի եղբայրները, Լանա Թերները եւ Ջուդի Գարլենդը, իրենց գաղտնիքներն ունեն․․․․

• Սելին Դիոնը պատմել է իր հազվագյուտ հիվանդության դեմ պայքարի մասին

  Սելին Դիոնը Vogue France-ին տված բացառիկ հարցազրույցում պատմել է իր հազվագհուտ նյարդային համախտանիշի (SPS) դեմ պայքարի մասին․․․

• Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել

  Քանյե Ուեսթը հայտնել է, թե որ հայտնի մարդո հետ են ինքն ու իր կինը՝ Բիանկա Սենսորին, պատրաստ երեքով սեքսի…

• Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով

  54-ամյա Քեթրին Զետա-Ջոնսի դուստրը նրան շատ նման է։ Քոլեջի ուսանողուհի Կարիսն այս շաբաթավերջին նշել է իր 21-ամյակը…

• Բրիթնի Սփիրսի «կեղտոտ պարը»

  Բրիթնի Սփիրսն իր Instagram-ում հերթական տեսանյութն է հրապարակել, որում նա էրոտիկ պար է կատարում․․․

Հայտնի երգչուհի Վերա Բրեժնեւան Երեւանում է։ Նա օրերս նշանակվել է Արեւելյան Եվրոպայում եւ Կենտրոնական Ասիայում ՄԱԿ-ի ՄԻԱՎ/ՁԻԱՀ-ի հարցերի համատեղ ծրագրի  (ՄԱՁԻԱՀ) բարի կամքի դեսպան, ինչի կապակցությամբ այսօր՝ նոյեմբերի 25-ին, ՄԱՁԻԱՀ-ի Արեւելյան Եվրոպայի եւ Կենտրոնական Ասիայի տարածաշրջանային գրասենյակի տնօրեն Վինեյ Փ. Սալդանայի հետ այցելել է Հայաստան։

Նորանշանակ դեսպան Բրեժնեւան հանդիպել է ՀՀ առողջապահության նախարարի հետ, այցելել ՁԻԱՀ-ի կանխարգելման հանրապետական կենտրոն, հանդիպել ՄԻԱՎ վարակակիր կանանց ու իր տպավորություններով կիսվել լրագրողների հետ հանդիպման ընթացքում։

Ի դեպ, որպես ՄԱԿ-ի բարի կամքի դեսպան, Վերա Բրեժնեւան ցանկություն է հայտնել առաջինը այցելել հենց Հայաստան։

«Ես ընտրեցի Հայաստանը ոչ միայն նրա համար, որ այն ինձ շատ հարազատ է, եւ որ ես այստեղ ինձ լավ եմ զգում, այլեւ վերլուծելով եւ ուսումնասիրելով տարածաշրջանում ՄԻԱՎ վարակի տարածման տենդենցը, հասկացա, որ Հայաստանն առաջատար է ՄԻԱՎ վարակակիրների քիչ թվով եւ խնդրի հանդեպ իշխանությունների առավելագույն ուշադրությամբ»,-ասաց Վերան՝ միեւնույն ժամանակ հավելելով.

«Որքան էլ քիչ տարածված լինի ՄԻԱՎ վարակը Հայաստանում, այնուամենայնիվ այն կա, եւ ես նկատում եմ նաեւ խտրականություն՝ ՄԻԱՎ վարակակիրների հանդեպ։ Իմ կոչն է, որպեսզի մենք վերացնենք այդ խտրականությունը, առավել հանդուրժող եւ բարի լինենք նրանց նկատմամբ»։

Ինչպես արդեն նշեցինք, Բրեժնեւան հանդիպել է ՄԻԱՎ վարակակիր կանանց հետ, ովքեր երգչուհուն եւ բարի կամքի դեսպանին խնդրել են հասարակությանը մի շատ կարեւոր բան փոխանցել.

«Ես հանդիպեցի ՄԻԱՎ վարակակիր կանանց հետ։ Նրանք ակտիվ, գեղեցիկ կանայք են, ովքեր ունեն ընտանիք, երեխաներ, սակայն չեն կարող իրենց խնդրի մասին հայտնել հասարակությանը, քանի որ վախենում են խտրական վերաբերմունքից։ Նրանք ինձ խնդրեցին փոխանցել շատ կարեւոր մի բան, որ ՄԻԱՎ-ը չի անցնում գրկախառնությունների, համբույրների, արցունքների, քրտինքի միջոցով, օդակաթիլային եղանակով»,-նշեց նա՝ ուրախությամբ հայտնելով, որ 2007 թվականից ի վեր՝ Հայաստանում չի արձանագրվել ՄԻԱՎ վարակի՝ մորից երեխային փոխանցվելու որեւէ դեպք։

Ի դեպ, Վերա Բրեժնեւան արդեն ՄԻԱՎ վարակի ստուգման թեստ է անցնել եւ բոլորին կոչ է անում օգտվել այդ անվճար ծառայությունից, որը կարող է եւ անանուն կազմակերպվել։

Շուշան Շատիկյան

Հետևեք NEWS.am STYLE-ին Facebook-ում, Twitter-ում և Instagram-ում