• Սերժ Թանկյանը կիսվել է «Տեր ողորմեա» երգի իր կատարմամբ (VIDEO)

  Սերժ Թանկյանը կիսվել է «Տեր Ողորմեա» երգի իր մեկնաբանությամբ, որը նա կատարել է այս տարվա ապրիլի 29-ին՝ Լոս Անջելեսի «Սորայա» թատրոնում...

• Ակուստիկ Nemra. ռոք բենդը բարեգործական համերգ կունենա՝ ի աջակցություն արցախցիների

  Տոմսերի վաճառքից գոյացած հասույթը կուղղվի բռնի տեղահանված արցախցիների կարիքները հոգալուն․․․

• Նորաձեւությունը եւ ռոքը․ Nemra խմբի Look at Birds տեսահոլովակը՝ Ֆաինա Հարությունյանի Alternative Collection արշավի շրջանակում

  Երեկ՝ հուլիսի 2-ին, Yerevan Fashion Week-ի շրջանակում կայացել է դիզայներ Ֆաինա Հարությունյանի ցուցադրությունը...

• Բորիս Գրեբեշնիկովը համերգ կունենա Երեւանում

  Լեգենդար ռուս երաժիշտ Բորիս Գրեբենշչիկովը համերգով հանդես կգա Երեւանում․․․

• Շավո Օդաջյանը՝ ծնողներին դեմ գնալով երաժիշտ դառնալու, SOAD-ի դժվարությունների ու մարիխուանայի արտադրությամբ զբաղվող իր ընկերության մասին

  Here Weed Go! փոթքասթի հոբելյանական թողարկման շրջանակում հաղորդավար Էդդի Սելայան հյուրընկալել էր Շավո Օդաջյանին...

• SYSTEM OF A DOWN-ի բաս կիթառահար Շավո Օդաջյանը հայտարարել է՝ ավարտին են մոտենում իր դեբյուտային սոլո ալբոմի աշխատանքները

  Շատ շուտով կունենամ սոլո ալբոմ․․․

• Լեգենդար KISS ռոք խումբը մեկնում է վերջին համերգային շրջագայությունը

  Հրաժեշտի համերգները նախատեսված են դեկտեմբերի սկզբին․․․

• 1969 թվականի հունվարին աշխարհահռչակ The Beatles խումբը տվել է իր վերջին համերգը

  1964-ին նրանց արդեն անվանում էին հրաշալի քառյակ, իսկ հաջորդ տարի նրանք համաշխարհային հռչա ձեռք բերեցին...

Ինչպես արդեն տեղեկացրել ենք՝ աշխարհահռչակ System of a Down խումբը մեկնարկում է իր Wake Up The Souls Tour համերգային շրջագայությունը, որը նվիրված է Հայոց ցեղասպանության 100-րդ տարելիցին։

System of a Down-ը ելույթ կունենա Անգլիայում, Ֆրանսիայում, Հոլանդիայում, Բելգիայում։ Համերգային շրջագայությունը կավարտվի Երեւանում։ Համերգը կկայանա ապրիլի 23-ին Հանրապետության հրապարակում։

Խմբի մենակատար Սերժ Թանկյանը հարցազրույց է տվել Rockfm.ru պորտալին. ներկայացնում ենք ամենակարեւոր հարցերն ու հայտնի երգչի պատասխանները։

Բացի երգելուց, Դուք հայտնի եք նաեւ ձեր հասարակական ակտիվ գործունեությամբ։ Ձեր կարծիքով սոցիալական ո՞ր խնդիրներն են առավել արդիական մեր օրերում։

Վերջերս ես մասնակցել եմ «100 years» երգի ստեղծման աշխատանքներին, որը նվիրված է Հայոց ցեղասպանության 100-ամյա տարելիցին։ Սա շատ կարեւոր թեմա է, եւ այն պետք է բարձրացնել աշխարհում կատարված մյուս ցեղասպանությունների հետ. ցավոք, բացառված չէ, որ նման երեւույթներ կլինեն նաեւ ապագայում։ Հայոց ցեղասպանությունը 20-րդ դարի առաջին ողբերգությունն էր, ինչի մասին շատ հաճախ մոռացվում է։ Ինձ համար շատ կարեւոր է մարդկանց տեղեկացնել, որ նման ողբերգություններ կատարվում են ամբողջ աշխարհում եւ չի կարելի դրանք արհամարել։ Մարդիկ պետք է արձագանքեն՝ կանխելով նման դեպքերի կրկնությունը, իսկ այսօր դա տեղի չի ունենում։ Օրինակ, Սուդանի ցեղասպանությունը (2006թ)։ Այս երկիրը բավականին լավ առեւտրա-տնտեսական հարաբերություններ ուներ Չինաստանի հետ, եւ բնականաբար, Չինաստանը դեմ էր, որ այլ երկրներ քայլեր ձեռնարկեին այս հարցում։ Ես կարծում եմ, որ պետք է միջազգային մի կանոն հաստատել, համաձայն որի՝ եթե աշխարհում ինչ-որ տեղ ցեղասպանություն է կատարվում, ապա բոլորը պետք է մտածեն դրա մասին, միասին լուծեն այդ հարցը՝ մի կողմ դնելով սեփական շահը։ Գիտեմ, որ մի փոքր ուտոպիական է հնչում, բայց սա միակ ելքն է, որի շնորհիվ մարդը կշարունակի ապրել որպես տեսակ։

Ի՞նչ ազդեցություն է ունեցել երաժշտությունը ձեր կյանքում։ Ո՞ր երաժիշտներն են իրենց հետքը թողել ձեր ստեղծագործական կյանքի վրա։

Առաջին հերթին երաժշտությունը ինձ հոգեկան հավասարակշռություն, խաղաղություն եւ հանգստություն է պարգեւել։ Ես դեռ քոլեջում սովորելու տարիներից եմ սկսել զբաղվել երաժշտությամբ, եւ այն ինձ համար, ասես, մեդիտացիայի մի յուրօրինակ տեսակ լիներ, որի շնորհիվ ես կարողանում էի կտրվել իմ առօրյա խնդիրներից եւ դասերից։ Երաժշտությունը նաեւ յուրահատուկ շփման միջոց է։ Երաժշտության կախարդական ուժը մինչ այժմ զարմացնում է ինձ։ Բայց առաջին հերթին ինձ համար հանգստությունն է։ Իսկ ինչ վերաբերում է երաժիշտներին, ապա կասեմ, որ նրանք շատ են։ Հավանաբար չպատասխանեմ այդ հարցին, որովհետեւ նրանք իսկապես շատ են։

Արդեն երկար տարիներ են անցել System Of A Down-ի՝ այս պահի դրությամբ վերջին Hypnotize ալբոմի թողարկումից հետո (2005թ.)։ Կարելի՞ է ակնկալել, որ շուտով System Of A Down խումբը նոր ձայնապնակ կթողարկի։

Մենք մտածում ենք, նոր երգեր ձայնագրելու մասին, բայց դեռ գործի չենք անցել։ Հետեւաբար, ես այս մասին ոչ մի մեկնաբանություն չեմ տա։

Հետևեք NEWS.am STYLE-ին Facebook-ում, Twitter-ում և Instagram-ում