Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Rolling Stone. Սերժ Թանկյանը՝ Ցեղասպանության, Երեւանում կայանալիք համերգի եւ Քիմ Քարդաշյանի մասին

13:01, 9 հունվարի

Ինչպես արդեն տեղեկացրել ենք՝ System of a Down խմբի պաշտոնական կայքը հայտնել է, որ աշխարհահռչակ այս խումբը մեկնարկում է իր Wake Up The Souls Tour համերգային շրջագայությունը, որը նվիրված է Հայոց Ցեղասպանության 100-րդ տարելիցին։ Խումբը ելույթ կունենա Անգլիայում, Ֆրանսիայում, Հոլանդիայում, Բելգիայում։ Համերգային շրջագայությունը կավարտվի Երեւանում։ Համերգը, որը կանցկացվի livestream ռեժիմով(այսինքն՝ այն առցանց կարող են դիտել աշխարհի բոլոր երկրներում), կկայանա ապրիլի 23-ին Հանրապետության հրապարակում:

Wake Up The Souls Tour շրջագայության առթիվ աշխարհահռչակ Rolling Stone ամսագիրը հրապարակել է Սերժ Թանկյանի հետ անցկացրած հարցազրույցը: Նշենք, որ Սերժ Թանկյանը System of a Down խմբի ստեղծման առաջին օրից բարձրացնում է Հայոց Ցեղասպանության հարցը, եւ հենց նրա շնորհիվ քաղաքական եւ մշակութային շատ գործիչներ սկսեցին ուշադրություն դարձնել այս թեմային: Ի դեպ, System of a Down-ի պաշտոնական կայքում կարելի է տեսնել հատուկ մի քարտեզ, որտեղ նշված են Հայոց Ցեղասպանությունը ճանաչած բոլոր երկրները: Խումբը կոչ է անում իր բոլոր երկրապագուներին «ստիպել» Թուրքիայի խորհրդարանին ճանաչել կատարված հանցանքը:

«Խնդիրն այն է, որ մարդիկ դեռ շարունակում են Ցեղասպանություն կատարել եւ կարեւոր չէ, արդյոք այսօր դուք «ցեղասպանություն», «հոլոքոստ» կամ «մարդասիրական աղետ» եզրերը օգտագործում եք, թե ոչ. արդյունքում իմաստը չի փոխվում: Խումբը ցանկանում է, որ փոփոխություններ տեղի ունենան, եւ մենք ցանկանում ենք լինել այդ փոփոխությունների մի մասնիկը: Մենք ցանկանում ենք, որ ճանաչեն 20-րդ դարի առաջին Ցեղասպանությունը: Սա հնարավորություն է տալիս հավատալ նրան, որ մարդկությունը, ի վերջո, կդադարի սպանել ինքն իրեն:

Խմբի բոլոր անդամները Ցեղասպանությունը վերապրած մարդկանց ժառանգներն են: Շատ տրամաբանական կլիներ, որ մեր՝ այս հարցի լուծմանն ուղղված ամբողջ աշխատանքը վերջապես իր արդյուքն ունենար: Թուրքիան պետք է լուրջ մոտեցում ցուցաբերի իր պատմությանը: Հարցը միայն հայերի, հույների եւ ասորիների մասին չէ, այլ թե ինչ է այժմ կատարվում ամբողջ աշխարհում: Ոչ ՄԱԿ-ի, ոչ էլ ԱՄՆ-ի հովանու տակ գտնվող միջազգային կազմակերպությունները կամ մեկ այլ պետություն չի կարող միջոցներ, բանաձեւեր կիրառել, որոնք հնարավորություն կտան դադարեցնել ու կանխել, ինչպես նաեւ դատապարտել նման ոճրագործությունները:Սիրիայի  Դեր Զորում ISIS-ի զինվորները սպանել են հազարավոր անմեղ մարդկանց եւ դրանից արդեն անցել է 100 տարի, խորհրդանշական է, այնպես չէ՞:

Իմ հանգուցյալ պապիկը, ով վերապրել է այդ բոլոր սարսափները եւ անցել այդ թոհ ու բոհի միջով, մի շարք պատմություններ է պատմել, որոնք մենք նկարահանել ենք «Screamers» ֆիլմում, քանի որ այս ոճրագործության վկաները, հասկանալի պատճառներով, ժամանակին զուգընթաց ավելի ու ավելի նվազում են:

Իսկ ինչ վերաբերում է Երեւան գնալուն, ապա նշեմ, որ խումբն ամբողջ կազմով մեկնելու է  Հայաստան: Նախկինում ես այնտեղ ելույթ եմ ունեցել որպես մենակատար, եւ դա մեծ փորձ էր ինձ համար: Կարծում եմ հիանալի համերգ է լինելու:

Մենք մտադիր էինք նաեւ երգել Թուրքիայում, բայց մեզ այնտեղ թույլ չտվեցին ելույթ ունենալ. կարծում եմ, որ պատճառը մեր մեծ հետաքրքրությունն էր Ցեղասպանության թեմայով: Մենք շատ երկրպագուներ ունենք Թուրքիայում եւ կցանկանայինք նաեւ նրանց համար ելույթ ունենալ: Մեզ վրա սկսեցին ցեխ շպրտել, մամուլում մեր մասին Աստված գիտի, թե ինչեր էին գրում, որոնք բնականաբար չէիր համապատասխանում իրականությանը: Մեր պաշտոնական կայքում մենք իհարկե հերքեցինք այդ ամենը: Դրանից հետո Թուրքիայում ապրող մեր երկրպագուները քննադատել էին տեղի լրագրողներին ու խմբագիրներին՝ մեղադրելով նրանց ապատեղեկատվություն տարածելու մեջ: Մենք շատ զարմացել էինք, բայց Թուրքիայում ապրող մեր երկրպագուները պաշտպանեցին մեզ: Հետեւբար կարելի է հանգել այն եզրակացության, որ միաբեւեռ հասարակություն գոյություն չունի:

Կարծում եմ, որ Թուրքիան կճանաչի Ցեղասպանությունը: Այս պահին խորհրդարանում քննարկում են Ցեղասպանության մասին բանաձեւը (որը նաեւ ներառում է Հայոց Ցեղասպանությունը): Այն ներկայացրել է քուրդ պատգամավոր Սեբահաթ Թունջելը: Վստահ չեմ, որ բանաձեւը կընդունվի, բայց սա արդեն լուրջ քայլ է: Ի դեպ, ես Լոս Անջելեսում զբաղված եմ Ցեղասպանության մասին ֆիլմի նկարահանման աշխատանքներով:

Ես նաեւ ցանկանում եմ խոսել աշխարհի բոլոր ծայրերում ապրող այն հայերի մասին, ովքեր ինչ-որ կերպ փորձում են օգնել այս հարցի ճանաչման գործում: Որքան էլ մարդիկ քննադատում են Քիմ Քարդաշյանին, բայց նա ամեն տարի ապրիլի 24-ին բարձրաձայնում է այս թեմայի մասին եւ հարգանքի տուրք մատուցում զոհվածների հիշատակին: Իսկ սա շատ կարեւոր է. չէ՞ որ նրա Twitter-յան էջում ավելի շատ բաժանորդագրվածներ կան, քան իմ էջում»:

 

 

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել