• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

«Forpostart» ընկերությունն արդեն 20 տարի է՝ ռուսական շոու-բիզնեսի հայտնի դեմքեր է բերում Հայաստան։ Մարտ ամսին Երեւանում իր մենահամերգը կունենա Իրինա Ալեգրովան։ NEWS.am STYLE-ն արդեն ներկայացրել է «Forpostart»–ի եւ Ալեգրովայի առաջիկա համերգի վերաբերյալ զրույցը ընկերության հիմնադիր Զառա Մխեյանի հետ։ Վերջինս մեզ հետ զրույցում խոսել է նաեւ հայկական շոու-բիզնեսում տիրող իրավիճակի մասին։

Երբեւէ մտածե՞լ եք հայ երգիչների համերգները կազմակերպել դրսում։

Մենք ունենք տաղանդավոր երգիչներ, բայց մի խնդիր կա՝ մեր երգիչները ստեղծագործում են նեղ շրջանակի համար՝ հայկական սփյուռքի։ Սակայն երգը պետք է գրվի բոլորի համար, եւ լեզուն  այստեղ կապ չունի։ Ֆլորա Մարտիրոսյանի համերգին նստած էին չինացիներ, ռուսներ եւ արտասվում էին։  Մեզանից շատերը անգլալեզու երգերը լսելիս հուզում են՝ առանց բառերը հասկանալու։ Այդպես էլ մեր աստղերը պետք է երգեն, բայց այսօր չունենք նմանատիպ երգիչներ։

Դե, մեր երգիչներին երբ ասում ես այդ մասին, անմիջապես նշում են, թե ժողովուրդն ինչ պահանջում է, դա էլ երգում են։

Այդ ամենը սկսվում է ռադիոներից եւ հեռուսատեսությունից։ Արտասահմանում, այդ թվում եւ՝ Ռուսաստանում, կա ֆորմատ հասկացություն։ Ես չեմ հասկանում, թե Հայաստանում այդ ֆորմատը որն է։ Օրինակ՝  Մոսկվայում հատուկ խորհուրդ կա՝ կազմված ոլորտի անկախ մասնագետներից, հեղինակություններից, եւ եթե երգ է գրվում կամ հոլովակ է նկարահանվում, ուղարկվում է այնտեղ։ Եթե խորհուրդը չի ընդունում, ապա դա երբեք եթեր չի գնա։ Եթե պնդում են, որ ժողովուրդը 6­/8 երաժշտություն է պահանջում, ապա այդ 6­/8-ն էլ կարելի է որակով անել։ Ռուսաստանում ներկայումս առաջին տեղում շանսոնն է, բայց դուք կարո՞ղ եք ասել, որ Լեպսը կամ Ստաս Միխայլովն անճաշակություն են։

Նորաձեւության ոլորտում մեծ փորձ ունենալով՝ ի՞նչ կասեք մեր արտիստների արտաքինի մասին։

Արտիստը չպետք է լինի «անտիսեքս», հակահիգիենիկ, իսկ այսօր ես դա եմ տեսնում հայ արտիստներից շատերի մոտ։ Մեզ մոտ մեկ անգամ բեմ են բարձրանում, իրենց թվում է՝ իրենք արդեն աստղ են, ամեն ինչ գիտեն, գիտեն, թե ինչպես պետք է հագնվեն, ինչպես երգեն։ Սա գալիս է նրանից, որ չկան համապատասխան մասնագետներ։ Այսօր այնպիսի տեսահոլովակներ են նկարահանում, որոնք ոչ միայն էրոտիկայից են հեռու, այլեւ դրանցից որոշները պոռնոգրաֆիա են, եւ դրանց ցուցադրությունը պետք է արգելել։

Էրոտիկան գեղեցիկ արվեստ է, եւ եթե չես կարող այն գեղեցիկ մատուցել, ապա գռեհկություն եւ անճաշակություն մի թելադրիր։ Օրինակ, մեզ մոտ ծնողները իրենց երեխաներին տանում են լատիանամերիկյան կամ արաբական պարերի, եւ երբ նայում ես այդ երեխաների շարժումներին, խայտառակություն է։ Ինձ այնքան հետաքրքիր է, թե այդ պարուսույցները որտե՞ղ են սովորել այդ պարերը, որ դասավանդում են։ Մենք չունենք անգամ այդ դպրոցը։ Պետք է փակել այդ խմբերն ու ստեղծել մերը՝ հայկականը։ Մենք անգամ հայկական ժողովրդական լավագույն խումբ չունենք, որն ամբողջ աշխարհում հայտնի լինի։

Իսկ ի՞նչ կասեք հայաստանյան նորաձեւության մասին։

Ես գտնում եմ, որ մենք ունենք շատ տաղանդավոր մոդելավորողներ, բայց իրենց չեն ճանաչում։ Եթե նկատել եք, Հայաստանում ճանաչում ունեն հիմնականում այն մոդելավորողները, ովքեր դրսում են սովորել կամ աշխատել։ Չի կարելի, որ դիզայները ե’ւ հագուստ ստեղծի, ե’ւ լինի մենեջեր կամ պրոդյուսեր։ Ես տեսել եմ մի քանի ցուցադրություններ եւ մի բան կարող եմ ասել՝ չի կարելի կրկնօրինակել։ Նորություն է պետք։

Այդ առումով շատ դիզյաներների մոտ գործում է ստանդարտ պատասխան՝ դժվար է նորույթ ներկայացնել, քանի որ քեզանից առաջ աշխարհում ինչ-որ մեկն արդեն արել է նմանատիպ բան։

Իսկ ինչո­՞ւ մեր հայկականը չստեղծվի։ Նույն տեխնոլոգիա՞ն ես անում, նախշերը հայկական արա, որոնք շատ գեղեցիկ են ու հայտնի չեն աշխարհին։  Մենք այնպիսի մշակույթ ենք ունեցել։ Դա ծիծաղելի է, ի՞նչ պարտադիր է  Dolce&Gabbana-ն մի բան անի, որպեսզի անմիջապես կրկնօրինակեք։ 

Խոսենք Ձեր առաջիկա ծրագրերի մասին։ Բացի Իրինա Ալեգրովայի մենահամերգից, այլ համերգներ նախատեսու՞մ եք Երեւանում։

Այո’, մայիսի 2-ին այստեղ նախատեսում ենք Սոսո Պավլիաշվիլիի համերգը Անչոկի եւ Նարի Հարությունյանի հետ։

Իսկ ինչու՞ հենց այս երկու հայ կատարողների հետ։

Որովհետեւ ինձ համար կարեւոր է, որ ես հաճույք ստանամ նրանից, ինչ անում եմ։ Անչոկին ես գիտեմ 13 տարեկանից։ Նրա նման ջազային երգչուհիներ քիչ կան։ Նա այն երգչուհին է, ով կարող է բազմաթիվ ժանրերում հանդես գալ։ Այն կրթությունը, որ նա ունի, շատ քչերն ունեն։ Շուրջ 15 տարի նա վոկալի ոճ է դասավանդել։ Իսկ ինչ վերաբերում է  Նարի Հարությունյանին, ապա ես զարմացած եմ, որովհետեւ նման հեղինակ-կատարող չունենք։ Ի դեպ, նա Մոսկվայում շատ հայտնի է որպես հեղինակ։ Չգիտես ինչու՝ Անչոկն ու Նարին առանձնացել են, ստեղծել են իրենց ակումբն ու ելույթ են ունենում այնտեղ։ Ես համարում եմ, որ իրենք ոլորտի լավագույններից են։ Բացի վերոնշյալ համերգը, առաջիկայում Հայկոյի հետ ծրագրում ենք Մոսկվայում համերգ կազմակերպել, որն իր ֆորմատով շատ է տարբերվելու։

  Զրուցեց՝ Շուշան Շատիկյանը

Հետևեք NEWS.am STYLE-ին Facebook-ում, Twitter-ում և Instagram-ում