Այսօր` հունվարի 28-ին, Հայոց բանակի կազմավորման 23-րդ տարեդարձն է: Այդ կապակցությամբ NEWS.am STYLE-ը զրուցել է հեռուստահաղորդավար Վահե Խանամիրյանի հետ, ով տարիներ առաջ կատարել է իր պարտքը Հայրենիքի առաջ:
Վահեն ցավով նշում է, որ ծառայությունը դիրքերում չի անցել: «Քանի որ բարձրագույն կրթությունս ավարտելուց հետո եմ զորակոչվել բանակ։ Այդ ժամանակ ես արդեն հեռուստատեսության աշխատակից էի, ու ծառայությունս անցավ լրագրողի աշխատանքը շարունակելով»,-պարզաբանում է հաղորդավարը:
Իսկ ի՞նչ հիշողություններ ունի Վահե Խանամիրյանը ծառայության տարիներից.
«Ծառայաթյան տարիները սիրով եմ հիշում ընկերներիս հետ: Գլխավոր ձեռքբերումս համարում եմ ծառայակից ընկերներիս։ Չնայած, Հայրենիքի սահմանը պաշտպանելու մեծ պարտականության պատասխանատվությունն ու դժվարությունը չեմ զգացել ուսերիս, սակայն երկու տարին էլ անչափ հետաքրքիր ու պատասխանատու են եղել, որոնք կոնկրետ դեր են ունեցել իմ հետագա կայացման գործում։ Ու իմ կարծիքն է, որ յուրաքանչյուր տղամարդ պարտադիր պետք է անցնի զինվորական ծառայություն»,-ասում է նա, ապա առանձնացնում, թե ինչն է բանակում զինվորի համար ամենակարեւորը:
«Զինվորի առօրյայում ամենակարևորը ներզինվորական ջերմ հարաբերություններն են ու սպայական անձնակազմի հետ շփման մեջ ոչ կանոնադրական հարաբերությունների բացակայությունը։ Ծառայությունը, անկախ նրանից, թե որտեղ է անցնում, շատ դժվարությունների հետ է կապված: Մեր օրերում այդ դժվարություններից առաջինը ստեղծում են ծնողներն ու բարեկամները, ովքեր տղային ճանապարհելուց լցնում են նորակոչիկի հոգին վախով, իհարկե, ոչ բոլորը։ Վերջերս մի դեպք լսեցի. երբ կենտրոնական հավաքակայանում նորակոչիկը իր ձեռքով ընտրում է ապագա ծառայության վայրը՝ Արցախ, նրա մայրը անմիջապես բացականչում է` «վայ, տունս քանդվեց...»:
Ես, բնականաբար, հասկանում եմ յուրաքանչյուր ծնողի աննկարագրելի վախը իր զավակի համար, մանավանդ մեր ոչ հանգիստ օրերում, սակայն խնդրում եմ, որ իրենք ուժ տան զավակներին, այլ ոչ թե վախով լցնեն նրանց սրտերն ու ուղեղները, չէ՞ որ մեզ համար ամենաթանկ բարի ու սիրելի մարդիկ հենց մայրերն են....»:
Վահե Խանամիրյանը նորակոչիկներին խորհուրդ չկարողացավ տալ, բայց նշեց.
«Գոյություն ունի զինվորական կանոնակարգ, ըստ որի պետք է անցնի ծառայությունը, և յուրաքանչյուրին տրված է մտածելու ու ճիշտը սխալից տարբերելու ունակություն, թող նրանք ճիշտ օգտագործեն այս երկու հնարավորությունները ու հիշեն, որ կյանքը թանկ է, իսկ ճիշտ որոշումներն էլ ընդունվում են միայն սառը գլխով ու պարզ դատողությամբ։ Աստված իրենց հետ...
Շնորհավորում եմ մեր զինվորներին իրենց տոնի առթիվ եւ ուզում եմ, որ ամեն պահի` լինի գիշեր, թե ցերեկ, նրանք զգան իրենց գործի կարևորությունը և վստահ լինեն, որ թիկունքում մարդիկ աղոթում են իրենց բարօրության համար ու շնորհակալություն հայտնում»։
Զրուցեց` Շուշան Շատիկյանը
Հետևեք NEWS.am STYLE-ին Facebook-ում, Twitter-ում և Instagram-ում
09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան