Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Երբ փակում ես աչքերդ ու սպասում երազին. Երեւանում կկայանա «Երկնագույն շան աչքերը» ներկայացման պրեմիերան

13:24, 29 հունվարի

«Միշտ ցանկացել եմ լսել, թե սիրտդ ինչպես է բաբախում»:

«Եթե հանդիպենք արթմնի, ականջդ կրծքիս կհպես ու կլսես»:

Սա հատված է Գաբրիել Գարսիա Մարկեսի` «Երկնագույն շան աչքերը» պատմվածքից, որը փետրվարի 10-ին «կբարձրանա» Հ. Թումանյանի անվան տիկնիկային թատրոնի բեմ: Ներկայացման բեմադրիչը Ֆրիդա Յորքն է, ով նաեւ գլխավոր դերակատարներից է, իսկ նրա խաղընկերը Ավո Խալաթյանն է: NEWS. am STYLE-ը զրուցել է Ֆրիդա Յորքի հետ եւ առաջիկա ներկայացման մասին մանրամասներ պարզել:

 

Սա Ձեր առաջի՞ն ներկայացումն է՝ որպես բեմադրիչ։ Կխնդրեմ մի փոքր պատմել Ձեր նախկին եւ ներկայիս գործունեության մասին:

Եթե չհաշվենք ուսանողական տարիների երկու աշխատանքներս, կարելի է առաջինը համարել: Նախ ասեմ, որ առաջին մասնագիտությամբ ես պարուհի եմ: Աշխատել եմ «Բարեկամություն» անսամբլում` որպես պարուհի: Աշխատելու հետ միաժամանակ սովորում էի Երեւանի թատրոնի եւ կինոյի պետական ինստիտուտի դրամատիկական թատրոնի ռեժիսուրայի  ֆակուլտետում: Դեռ երրորդ կուրսում հեղինակել եմ «Լիալուսնի գիշերը» ներկայացման գրական մասը եւ պլաստիկան: Ներկայացումը 2004 թվականին մասնակցել է «Հայֆեստ» փառատոնին: Հաջորդն արդեն դիպլոմային ներկայացումս էր` Մրոժեկի «Ամառային օր» պիեսի հիման վրա: Այնպես ստացվեց, որ ինստիտուտն ավարտելուց հետո ավելի շատ դերասանական ուղով շարունակեցի: Ի դեպ, ուսանող տարիներին խաղացել եմ նաեւ Վահան Բադալյանի բեմադրություններում:

Ինչու՞ ընտրեցիք հենց այս պատմվածքը եւ, առհասարակ, ինչու՞ Մարկես:

Մարկեսն իմ ամենասիրելի եւ ինձ ամենամոտ հեղինակներից է: Պատմվածքը շատ վաղուց ինձ հետ էր, հաճախ էի մտածում բեմադրելու մասին: Եկար չէի գտնում բեմական ադապտացիայի լուծումը: Պատմվածքն ինքն իրենով փոքր է շատ, չնայած, որ պարունակությամբ անսահման լի է: Մի գիշեր երազիցս արթնացա ու սկսեցի գրել: Երեւի երկու ժամում վերաջացրեցի պիեսն ու պարզ սկսեցի տեսնել ամբողջ ներկայացումը բեմում: Հաջորդ օրն իսկ անցա դերասան փնտրելու գործին:

 

Ասում են՝ Մարկես բեմադրելը շատ դժվար եւ պատասխանատու գործ է։ Ի՞նչ կասեք այդ մասին։ Հե՞շտ տրվեց Ձեզ բեմադրությունը:

Կարծում եմ` այդպես են ասում նրա մեծության առջեւ խոնարհման զգացումից: Պատասխանատու է, որովհետեւ չի կարելի փչացնել: Երազի պես է տրվել: Այնպես, ինչպես իր ստեծագործություններում է:

Ո՞րն է մարկեսյան այս պատմվածքի Ձեր մեկնաբանությունը եւ ասելիքը:

Ես որպես հիմք եմ վերցրել պատմվածքի` երազի եւ իրականության, բախման եւ անհամատեղելիության գաղափարը.  երբ երկու մարդ փնտրում են իրար եւ չեն կարողանում գտնել, հանդիպում են երազներում միայն, եւ չգտնելով իրար` հուսահատվում: Իմ տարբերակում կինը եւ տղամարդը փնտրում են իրար եւ չեն կարողանում գտնել, չնայած որ ապրում են միասին, ինչի մասին կինն իմանում է վերջում:

Կարծում եմ` մեզ երիտասարդներիս համար, շատ անհրաժշետ մեսիջ կա սրանում, որ գուցե մենք չենք փորձում տեսնել մեր կողքին գտնվող մարդկանց, ինչպես նրանք արժանի են, եւ գուցե հենց նա է այն միակը, բայց մենք չենք տեսնում, փոխարենը փակում ենք աչքերը եւ սպասում երազին` կորցնելով երազային իրականությունը իրականում վայելելու հնարավորությունը:

 

Խոսենք Ձեր խաղընկերոջ մասին։ Ինչպե՞ս հասկացաք, որ գլխավոր հերոսին Ավո Խալաթյանը պետք է մարմնավորի, ինչու՞ ընտրեցիք նրան:

Ես փնտրտուքների մեջ էի, երբ իմ ընկերները պատահաբար առաջարկեցին Ավոյին: Մի պահ դադարից հետո, երբ ես նրան կանգնեցրեցի իմ երեւակայության բեմում, հասկացա, որ գտել եմ: Այնուհետ հանդիպեցինք, պատմեցի` ինչ եմ ուզոմ անել, ինչպես եմ պատկերացնում, եւ նա, առանց ստեղծագործությունը կարդալու, անմիջապես համաձայնվեց: Երջանիկ եմ, որ աշխատում են նման պատասխանատու եւ իր գործին նվիրված մարդու հետ:

Իսկ ի՞նչ կասեք Ձեր խաղի մասին։ Հե՞շտ է լինել ներկայացման ե'ւ բեմադրիչ, ե'ւ գլխավոր դերակատար։

Իմ դեպքում դժվար չէ: Ես ամբողջ ներկայացումը նկարել էի ինձ համար, պատկերել միզանսցենները:

Ի՞նչ սպասելիքներ կան ներկայացման հետ կապված։ Ինչպե՞ս եք տեսնում դրա հետագա ուղին։

Մենք շատ ազնվորեն ենք աշխատել, ոչ մի ջանք չենք խնայել: Միակ նպատակս է, որ բեմադրությունը մարդկանց սրտերում եւ հոգիներում գտնի իր փոքրիկ տեղը: Ես չեմ հավատում, որ իմ երեւանցին սկեսուրի եւ չոքանչի մակարդակի ներկայացումների կարիք ունի: Մարդիկ միշտ փնտրել են բարձր արժեքներ եւ գտել են: Այս ներկայացումն իմ սերն է իմ երեւանցիներին, եւ երջանիկ կլինեմ, եթե այն պետք լինի նրանց: 

Զրուցեց` Շուշան Շատիկյանը

«Երազումս մի երիտասարդ եմ տեսնում։ Անվերջ կրկնում է՝ «Երկնագույն շան աչքերը»։ Գուցե ճանաչո՞ւմ եք»...


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել