• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Առաջիկա կինո-ուրբաթը պրեմիերաների տեսանկյունից բավականին ձանձրալի եւ միապաղաղ կլիներ, եթե չցուցադրվեր Բենեթ Միլերի «Աղվեսի որսորդը» ֆիլմը։ Թրիլլերի էլեմենտներով հոգեբանական այս դրաման, որի հիմքում իրական պատմություն է, հաստատ բարձր կգնահատվի կինոսիրահարների կողմից։ Չնայած այն ներկայացվում է որպես սպորտային դրամա, այս ֆիլմը այն մարդկանց մասին է, ովքեր սեփական սկզբունքների եւ պատվախնդրության պատճառով հայտնվում են թակարդի մեջ։  

Իրադարձությունները տեղի են ունենում 80-ականների ԱՄՆ-ում։ Արտասովոր միլիոնատեր Ջոն Դյուպոնը (Սթիվեն Քարել) առաջարկում է տաղանդավոր մարզիկ Մայք Շուլցին (Չենինգ Տատում) մյուս ըմբշամարտիկների հետ իր կալվածքում պատրաստվել աշխարհի առաջնությանն ու հաջորդ Օլիմպիական խաղերին։

Մայքլը, ով ամեն կերպ փորձում է ազատվել իր հաջողակ եղբոր՝ Դեյվի ստվերից, ընդունում է առաջարկը։ Մարզվելու համար ստեղծված թագավորական միջավայրը, փողը եւ հիանալի պայմանները սկզբում հիացնում են Մայքլին, սակայն աստիճանաբար նա հասկանում է, որ պարզապես զինվոր է Դյուպոնի (մարդ, ով միաժամանակ ունի եւ ամեն ինչ, եւ ոչինչ, ու ճակատագրի հեգնանքով ամբողջ կյանքի ընթացքում փորձել է ընկերություն, սեր եւ երախտագիտություն գնել) խորամանկ խաղում...

Ֆիլմի միակ թերությունը շատ երկարաձգված լինելն է։ Սակայն այն փաստը, որ դա ավելի է մեծացնում հոգեբանական տարրերի ազդեցությունը, եւ դերասանների հիանալի խաղը չեզոքացնում են այս թերությունը։ 

«Կիբեռը» թրիլլերը հաջողություններ չունեցավ ամերիկյան վարձույթում, ինչը բացատրվում է այն հանգամանքով, որ ֆիլմը չափազանց պրիմիտիվ է եւ շատ վատ սցենար ունի։ Ամեն ինչ սկսում է նրանից, որ ինչ-որ անհայտ վիրուսի պատճառով տեխնածին աղետ է տեղի ունենում, որի մասշտաբները սովորական ամերիկացիները դժվար թե կարող են զգալ, քանի որ նրանց շատ քիչ է հետաքրքրում, թե ինչու է Չիկագոյի ֆոնդային բորսայում կտրուկ նվազել սոյայի գինը, սակայն Չինաստանի ատոմային էլեկտրակայանում կատարված աղետը կարող է անհանգստացնել չինացի հեռուստադիտողներին։ Ամերիկյան եւ չինական հատուկ ծառայությունները գալիս են այն եզրակացության, որ այս երկու միջադեպերի հիմքում ընկած է նույն համակարգչային վիրուսը։ Գործակալներին հաջողվում է գտնել այս վիրուսի ստեղծողին, ով բանկային կեղծարարություններ անելու համար բանտում է հայտնվել։ Վերջինս համաձայնում է համագործակցել։ Եվ սկսում են հետապնդել անհայտ մեկին. անիմաստ կրակոցներ, կանխատեսելի սիրավեպ գլխավոր հերոսների միջեւ եւ այլն... 

Նույն զգացողություններ էլ առաջացնում է «Կոնտինում» ֆիլմը։ Երիտասարդների մի խումբ նրանցից մեկի մահացած հոր արհեստանոցում տարօրինակ գծագրեր եւ պահեստամասեր են գտնում, որոնք, պարզվում է, ժամանակի մեքենայի դետալներ են։ Ֆիլմի առաջին 40 րոպեն երիտասարդները մանրամասն հավաքում են այդ մեքենան եւ տեսնելով դրա հնարավորությունները՝ որոշում են մի քանի օրով ժամանակի միջով ճանապարհորդել դեպի անցյալ։ Բայց այս մի քանի օրը բավական է, որ նրանք վիճակահանություն շահեն, որոշ գնահատականներ ուղղեն, փրկեն իրենց ընտանիքը սնանկությունից եւ վայելեն կյանքը։ Սակայն բոլոր առավելություններից զատ, այս սարքն այնքան էլ հեշտ կիրառելի չէ. այստեղ գործում է «թիթեռնիկի էֆեկտը», եւ պարզվում է, որ անցյալում կատարված փոփոխություններն ազդելու են ապագայի վրա։

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում