Դերասանուհի Յուլիա Ֆինկին շատերը կհիշեն հեռուստասերիալներից, սակայն նա այժմ չի զբաղվում դերասանական գործունեությամբ։ Ասում է՝ սերիալներում նկարահանվելու առաջարկներ կան, սակայն դրանք իրեն չեն բավարարում։ Այս եւ այլ թեմաների շուրջ NEWS.am STYLE-ը զրուցել է Յուլիայի հետ։
Ողջույն, Յուլիա։ Կպատմե՞ք՝ ներկայումս ինչո՞վ եք զբաղված եւ, որպես դերասանուհի, ի՞նչ նախագծերում եք հանդես գալիս:
Ներկայումս չեմ աշխատում։ Կան առաջարկներ, բայց դրանք ինձ չեն գոհացնում, հատկապես՝ բովանդակային առումով։
Սերիալ-թատրոն «հակամարտության» մասին շատ է խոսվում: Որպես դերասանուհի, ի՞նչ տեսակետ ունեք այս մասին:
Շատ նորմալ եմ համարում, որ սերիալում խաղում են մասնագիտությամբ դերասաններ։ Իսկ ովքե՞ր պետք է խաղան, եթե ոչ նրանք։ Կարծում եմ, որ հենց թատրոնի դերասանների շնորհիվ է, որ սերիալները քիչ թե շատ հաջողված են լինում։ Իրականում սերիալում նկարահանվելն այդքան էլ հեշտ չէ, ինչպես որ շատերը կարծում են, եւ շատ դեպքերում հենց թատրոնի պրոֆեսիոնալներին է հաջողվում որակ ապահովել։ Իհարկե, թատրոնն ունի իր ուրույն տեղը, որտեղ դերասանը մաքսիմալ ինքնաարտահայտվելու հնարավորություն ունի, բայց հեռուստատեսությունն էլ իր հմայքն ունի։
Հե՞շտ է համատեղել ընտանեկան կյանքն ու աշխատանքը, երբ ընտանիքում երկուսն էլ հանրային դեմքեր են:
Մեր դեպքում դժվար չէ, քանի որ երկուսս էլ օգնում եւ լրացնում ենք իրար՝ լավ հասկանալով հանրային մասնագիտության նրբությունները։
Ո՞րն է սիրո Ձեր բանաձեւը:
Ընկերություն + հարգանք + նվիրվածություն + հավատարմություն + կիրք։
Որպես ամուսնացած կին, կարո՞ղ եք ասել, որոնք են այն դժվարությունները, որոնց երիտասարդ աղջիկները կարող են բախվել ամուսնանալուց հետո:
Նախ, խնդիրներից խուսափելու համար պետք է հասկանաս, թե ում հետ ես ճանապարհ ընկնում, թեեւ շատերը մինչեւ ամուսնանալը վարպետորեն քողարկում են իրենց իրական դեմքը։ Բայց, միեւնույն է, խնդիրներ ծագում են, հատկապես՝ համատեղ կյանքի սկզբնական փուլում։ Խորհուրդ եմ տալիս բաց խոսել այդ խնդիրների մասին, գնալ փոխզիջումների եւ, եթե կա անգամ մեկ հնարավորություն՝ հարաբերությունները փրկելու, կառչել այդ հնարավորությունից։
Հե՞շտ եք ներում Ձեզ ցավ պատճառած մարդկանց:
Հեշտ չէ, բայց ներում եմ։
Առհասարակ, Ձեզ նեղացնելը հե՞շտ է:
Կարծում եմ, որ՝ այո, քանի որ ես կոնֆլիկտային չեմ։ Թողնում եմ մարդկանց արածն իրենց խղճի վրա։
Ի՞նչը չեք ների երբեք եւ ինչու՞:
Օրիգինալ չեմ լինի, եթե ասեմ դավաճանությունը, եւ խոսքը ոչ միայն ֆիզիկական դավաճանության մասին է, նաեւ եթե փորձեն ցավ պատճառեն իմ հարազատներին։
Ձեզ ուժե՞ղ կին եք համարում:
Թերեւս՝ այո։
Երջանի՞կ մարդ եք, կամ ի՞նչն է պակասում Ձեզ լիարժեք երջանիկ զգալու համար:
Բոլոր հարազատներս առողջ են եւ իմ կողքին, սիրում եմ ու սիրված եմ։ Սա է երջանկությունն ինձ համար, եւ դեռ սպասում եմ, որ մի փոքրիկ հրաշք էլ կամբողջացնի երջանկությունս։
Զրուցեց՝ Շուշան Շատիկյանը
Հետևեք NEWS.am STYLE-ին Facebook-ում, Twitter-ում և Instagram-ում
09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին