Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Կանացի գեղեցկություն. քաղց, ցավ եւ էկզեկուցիա

21:09, 2 մարտի

Տարիների ընթացքում ես եկել եմ այն եզրակացության, որ մենք՝ կանայք, անուղղելի այլասերվածներ ու խենթեր ենք։ Միայն մենք կարող ենք այդպես նպատակաուղղված ու հաստատուն քայլերով կտտանքների ենթարկել մեր մարմինը՝ կատարյալ գեղեցկության հասնելու համար, որը մենք ենք մեզ համար հորինել։ Ամեն տարի գարնան գալուն պես ես սկսում եմ տանջել իմ մարմինն ու օրգանիզմը՝ մարտահրավեր նետելով ցեյլուլիտին, ավելորդ կիլոգրամներին, իսկ այժմ նաեւ նենգ կնճիռներին։ Հողմաղացների դեմ այս մշտական պայքարը ասես մոլեգնություն լինի։ Չնայած ես այնքան խելամիտ եմ, որ հասկանում եմ ամեն ինչ, բայց չեմ կարողանում պայքարել այդ մոլուցքի դեմ։ Դա ինձ համար «իդեա ֆիքս է»։ Ավելին, իմ նմանները քիչ չեն։ Ընկերուհիներիս հետ մտածում ենք բացել իրենց մարմնի դեմ պայքարող խենթ տիկնանց ակումբ, որի կարգախոսը կլինի հետեւյալը. «Մի՛ հանձնվիր, չէ՞ որ կիլոգրամները քնած չեն»։ Ընկերուհիներս հյուծում են իրենց մարզասրահներում։ Ես ինքս 16 տարեկանից հետեւում եմ, թե ինչ եմ կերել օրվա ընթացքում եւ հաշվում եմ կալորիաները, իսկ երբ «արտոնություններ» եմ թույլ տալիս ինձ, խիղճս սկսում է տանջել, եւ ես «պատժում» եմ ինձ՝ բեռնաթափման օր հայտարարելով, որի ընթացքում միայն վարսակաշիլա (առանց աղի եւ շաքարի) եմ ուտում։ Երբեմն երեկոյան քաղցից գլուխս պտտվում է, իսկ գիշերը երազում կերակուրներ եմ տեսնում...

Վերջերս էկզեկուցիայի նոր մեթոդ եմ գտել՝ մեղրով մերսում, որը նպաստում է ոչ միայն նիհարելուն, այլեւ օգնում է ազատվել ցեյլուլիտից։ Պարզվեց, որ ինձ մոտ 3-րդ աստիճանի ցեյլուլիտ է։ Պատկերացնում եք՝ ինչպի՜ս ողբերգություն։ Անտեղյակներին ասեմ, որ մեղրով մերսումը դժոխային ցավեր պատճառող գործընթաց է, որի ընթացքում սկրաբից հետո մարմին վրա տաք մեղր են քսում, այնուհետեւ, երբ մեղրն արդեն որոշակիորեն ներծծվում է մաշկի մեջ, սկսում են հարվածել ազդրերին, հետույքին եւ որովայնին։ Ընդ որում, հարվածում են ամբողջ ուժով եւ թվում է՝ ուր որ է ուղեղդ թուրս կթռչի. «Մոխրագույնի 50 երանգների» ԲԴՍՄ տեսարաններն անգամ չեն կարող համեմատվել այդ զգացողության հետ։ Վերջին մեկ շաբաթվա ընթացքում ես ինձ կամավոր խոշտանգումների են ենթարկում. ուղղակի մազոխիզմ։

Ես նախանձով եմ նայում այն կանանց, ովքեր վստահ են իրենց գեղեցկության ու հմայքի հարցում՝ չնայած «էսթետիկորեն» կախված ու ակնհայտ երեւացող ծալքերին։ Կան կանայք, ովքեր ոչ միայն չեմ ամաչում ցուցադրել իրենց ռուբենսյան կազմվածքը, այլ ընդգծում են այն՝ հագնելով կիպ զգեստ կամ բլուզ։ Սակայն ես ժամերով պտտվում եմ հայելու առաջ եւ եթե ինչ-որ մի կողմից մի ավելորդ ծալք կամ ճարպ եմ նկատում, տրամադրությունը ընկնում է եւ ամբողջ օրը տխուր եմ լինում։ Նկատել եք, որ միայն նիհար կանայք եւ աղջիկներն են դժգոհում իրենց կազմվածքից եւ ցանկանում են ավելի նիհարել։ Իսկ թմբլիկներին դա ընդհանրապես չի հուզում։ Հավանաբար, ավելորդ կիլոգրամներն ու ճարպը նրանց ավելի են երջանկացնում, սակայն ես չեմ ցանկանում անձնական փորձով համոզվել դրանում։

Մերսման սրահում պառկած հետույքիս հարվածներ ստանալիս ես մտածում էի, որ տղամարդիկ իսկապես բախտավոր են։ Չէ՞ որ ոչ մի տղամարդ ինքնակամ չի տանջվի ու չի ծաղրի իրեն՝ կանանց դուր գալու համար։ Ոչ մի տղամարդ, օրինակ, չի այրի իր դեմքի մաշկը՝ կնճիռներից ազատվելու համար։ Երբ ամուսինս քիմիական պիլինգից հետո տեսավ ինձ, սարսափահար ասաց. «ասես զոմբի լինես»։ Այո, ես զոմբի եմ։ Բայց հետո, հետո ես գեղեցկուհի կլինեմ, իսկ դուք երբեք չես հասկանա, թե ինչ ջանքերի ու չարչարանքների գնով եմ ես հասել այս արդյունքի։ Ինձ նաեւ բարկացնում է նրա հետեւյալ խոսքերը. «Դու ինձ դուր ես գալիս այնպիսին, ինչպիսին կաս։ Ես քեզ այսպես էլ եմ հավանում»։ Այո, իսկ հետաքրքիր է, արդյո՞ք նա կսիրի ինձ, եթե ես գիրանամ 10 կիլոգրամով, լինեմ կնճիռներով, ալեհեր, չսափրված թեւատակերով եւ ոտքերով մի կին։ Բայց չէ՞ որ ես հենց այդպիսին եմ, այսինքն՝ կլինեմ այդպիսին։ Եվ այն փաստը, որ դու գիտես՝ քո 36 տարեկան կինը ցեյլուլիտ, սպիտակ մազեր չունի, մաշկը կատարյալ եւ թավշյա է, իմ տանջանքների շնորհիվ է։ Եվ դու շարունակիր մտածել, որ ես հենց այսպիսին եմ...

 

Յուլիա Վարդանյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել