• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Հայրենիք, հայրենասիրություն... սրանք այնպիսի արժեքներ են, որոնք կան յուրաքնչյուր մարդու մոտ, որոնք չեն ճանաչում տարածություն եւ ժամանակ։ Աշխարհի որ ծայրում էլ անհատը գտնվի, մեկ է, նա իր սրտում միշտ պահում է Հայրենիքի կարոտը։ NEWS.am STYLE-ը զրուցել է Հայաստանում սփյուռքի առաջին գործարար Կարպիս Թիթիզյանի հետ։

Ծնված լինելով Հայաստանից դուրս, որտեղի՞ց Ձեզ այսքան հայասիրություն, հայրենսիրություն:

Ինձ շատ դուր եկավ, որ հայասիրությունն ու հայրենասիրությունն առանձնացրել եք: Դրանք առաջին հայացքից գուցե նույնն են թվում, բայց իրականում շատ տարբեր զգացողություններ են առաջացնում: Ես ծնվել ու մեծացել եմ Բեյրութում` Լիբանանում: Լիբանանը մեր Սփյուռքի մայրաքաղաքն է ինձ համար: Այս պատճառով ես հենց այսպիսին եմ մեծացել: Ես անգամ պատանեկան միությունների, սկաուտական հավաքների կազմում էի ընդգրկված: Դա կեսակերպ եւ դաստիարակություն էր: Գիտեք, ես չունեմ այս հարցի պատասխանը: Ես չգիտեմ` որտեղից ձեր ասած հայրենասիրությունն ու հայասիրությունը: Պարզապես ես այսպես եմ մեծացել, կյանքը, ընտանիքս, շրջապատս այդպես է կառուցել իմ արժեքային համակարգը: Ես ցավում եմ իմ հայրենիքի համար, ուրախանում ամեն մի մանրուքով, հուզվում ամեն մի ձախողումից կամ հաղթանակից` լինի դա սպորտի, մշակույթի, թե քաղաքական ոլորտներում:

Ի՞նչն է Ձեզ ոգեշնչում, քաջալերում, որ ԱՄՆ-ում ապրելով մնաք այսքան հայ:

Կապ չունի` մարդ որտեղ է ապրում, եթե նա ապրում է իր հայրենիքի ցավով, ապա ամենեւին էլ պարտադիր չէ Հայաստանում միայն ապրի: Կամ հակառակը` երբ մարդն հայրենասեր չէ, նա կարող է այդպիսին լինել նաեւ իր հայրենիքի սրտում: Միշտ էլ Սփյուռքում մեզ` հայրիս համար առաջնային հարցը հայապահպանությունն ու հաջորդ սերունդների մեջ հայրենասիրություն սերմանելն է: Մենք մշտապես ապրել ենք ազատ, անկախ Հայաստան տեսնելու հույսով ու ցեղասպանության ընդունման պահանջով: Դա է մեզ իրար կողքի միասնական պահել:

Խոսեք Ձեր ընտանիքի մասին, արդյո՞ք երեխաների մեջ սերմանել եք հայ լինելու պատիվը, գիտակցությունը:

Ես ու կինս մեր դստերը հենց այս տրամաբանությամբ ենք մեծացրել: Միաժամանակ դա արհեստական եւ ստիպողական չի եղել: Դա պարզապես գալիս է ընտանիքի մթնոլորտից, աշխարհայացից: Դուստրս երբեմն ինձ զարմացնում է հայրենիքի նկատմամբ սրտացավությամբ: Աղջիկս` Նազանը, հաճախում է Ագազյին վարժարան, հենց այս պատճառով է նա մշտապես ծանոթ Հայ դատի խնդիրներին: Ես էլ եմ այդ նույն ոգով մեծացել: Զավակները միշտ նման են լինում ծնողներին եւ կրկնում են նրանց օրինակները:

Սկզբում տուրիստական գործակալություն, հետո արվեստ, ինչո՞ւ ընտրեցիք մշակույթի ոլորտը:

Զբաղվելով բիզնեսային գործունեությամբ, ղեկավարելով Հայաստանում եւ Լոս Անջելեսում ամենահայտնի հայկական տուրիստական գործակալություններից մեկը` «Լեւոն Թրավլ»-ը, ես մշտապես հետաքրքրված եմ եղել նաեւ արվեստով: Դա պարզապես մի օր չի եղել, երբ ես արթնացել եմ ու որոշել համերգներ կամ մշակութային միջոցառումներ կազմակերպել: Իմ շրջապատն է մշտապես մշակութային եղել: Իմ մտերիմ ընկերները եւս, հավանաբար, ազդեցություն են ունեցել` Հրանտ Թոխատյանը, Միքայել Պողոսյանը, Արթուր Գրիգորյանը եւ այլք: Ես հենց այդ տարիներից փորձել եմ մշտապես օգնել Հայաստանում եւ Սփյուռքում ապրող մեր մշակութային գործիչներին:

Խոսեք Global Arts-ի մասին:  

Global Arts-ի կարեւորագույն գաղափարախոսությունը հայկական մշակույթի քարոզումն է, դրան աջակցելը, այն պահպանելը, երիտասարդ տաղանդներին քաջալերելը: Մենք մի շարք միջոցառումներ ենք այս տարիների ընթացքում իրականացրել` ինչպես լեգենդար Հուլիո Իգլեսիասի, Յանիի համերգները Հայաստանում, այնպես էլ World Armenian Entertainment Awards-ը, կամ մի շարք հեղինակավոր համերգներ Միացյալ Նահանգներում: Մեզ հաջողվել է ոչ միայն դիմագրավել ոլորտի դժվարություններին, այլեւ դառնալ առաջինը:

Որքանով տեղյակ եմ առաջիկայում նախատեսված է մրցանակաբաշխություն: Ե՞րբ է այն կայանալու։

Մրցանակաբաշխությունը կայանալու է մայիսի 9–ին, հեղինակավոր The Show դահլիճում՝ նախորդ տարվա նման։ Մրցանակաբաշխության խորհրդի կազմում հեղինակավոր մշակույթի գործիչներ են, մեդիա աշխատակիցներ եւ ոլորտի այլ մասնագետներ։ Անվանակարգերն ու դրանց հաղթողները որոշվում են ամիսների ընթացքում մանրակրկիտ ուսումնասիրությունների միջոցով։ Որպես նորություն, կարելի է հավանաբար նշել, որ այս տարի էլ ավելի մեծ թվով բացառիկ հյուրեր ենք ունենալու ու նմանը չունեցող շոու է նախատեսվում։

Ներկայումս բազմաթիվ երիտասարդ երգիչներ ցանկանում են շփվել Ձեզ հետ: Որո՞նք են այն կարեւոր հատկանիշները, որոնց առկայության դեպքում արտիստը կհայտնվի Ձեր ուշադրության կենտրոնում:

Միանշանակ տաղանդի առկայությունը: Մենք առաջնորդվում ենք տաղանդով, միաժամանակ կարեւոր է նաեւ արդիականությունը, մատուցման ձեւը: Երբ մարդ տաղանդով է օժտված, ապա կարող է չանհանգստանալ. մի օր նրան հաստատ կնկատեն: Շատերն են ինձ դիմում, ցավոք, ես այդքան մեծ հնարավորություններ չունեմ բոլորին օգնելու: Երանի կարողանայինք օգնել բոլոր տաղանդներին:

Դուք երկկողմանի բարի գործ եք կատարում։

Այո, մենք փորձում ենք Սփյուռքում պահպանել հայրենիքի ոգին ու մթնոլորտը: Նաեւ ժամանակակից փոփ կատարողների դեպքում լսարանին հնարավորություն տալ ծանոթանալ, վայելել հայկական ժամանակակից փոփ մշակույթը: Միաժամանակ հայ արվեստագետներն էլ նոր բեմերի, նոր լսարանի կարիք ունեն: Դժվարություններ այս առումով առանձնապես չեն լինում: Ամեն ինչ հնարավոր է հարթել: Մենք ստեղծել են համերգային չափանիշներ, որոնք գնալով էլ ավելի են կատարելագործվում յուրաքանչյուր տարի:

Դուք հաղթող հայի կերպար եք, ինչպե՞ս է դա ստացվում Ձեզ մոտ:

Անկախ ամեն ինչից, յուրաքանչյուր հայի մեջ էլ կարելի է նկատել հաղթողի կերպարը, պարզապես պետք է այն բացահայտել: Շնորհակալ եմ գնահատականի համար: Կփորձեմ որքան հնարավոր է օգտակար լինել հայրենիքիս:

Կարպիս Թիթիզյանի` դեռեւս անկատար երազանքը:

Երազում եմ հայրենիքս լիության, ծաղկունքի ու պայծառ ապագային հավատացող մարդկանցով լի տեսնել:

Լուսինե Արշակյան

Հետևեք NEWS.am STYLE-ին Facebook-ում, Twitter-ում և Instagram-ում