• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• Coachella ​​փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ

  Աշխարհի ամենահարուստ մարդկանցից մեկը՝ Ջեֆ Բեզոսը, այս շաբաթավերջին Կալիֆորնիայի Ինդիո քաղաքում կայացած Coachella երաժշտական ​​փառատոնի ժամանակ չի թաքցրել իր զգացմունքները իր հարսնացուի՝ Լորեն Սանչեսի նկատմամբ…

• Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից

  Քիմ Քարդաշյանը նոր ֆոտոշարքով է կիսվել Թերքս եւ Քայքոս կղզում անցկացրած իր գեղատեսիլ հանգստից…

• Ջիջի Հադիդը կիսվել է Victoria's Secret-ի նոր գովազդային արշավի կուլիսային կադրերով

  Ջիջի Հադիդը կիսվել է Victoria's Secret-ի վերջին գովազդային արշավի կուլիսային կադրերով, որտեղ նկարահանվել է նաեւ Էմիլի Ռատակովսկին…

• «Դիսնեյլենդ» այցելելու համար Բիանկա Սենսորին ընտրել էր համեմատաբար համեստ հանդերձանք, սակայն հրաժարվել էր կոշիկներից

  Քանյե Ուեսթն ու նրա կինը՝ Բիանկա Սենսորին, այցելել են «Դիսնեյլենդ»…

• Պոռնոդերասանները պատմել են իրենց «ծանր աշխատանքի» մասին

  Պոռնոդերասանները The Sun պարբերականին պատմել են իրենց «ծանր աշխատանքի» մասին․․․

• Ամերիկացի հայտնի ռեստորատորը Ջեֆ Բեզոսի նշանածին «բացարձակ տհաճ» է համարում

  Ամերիկացի հայտնի ռեստորատոր Քիթ ՄաքՆելլին, որը հայտնի է հայտնիների վրա իր կատաղի հարձակումներով․․․

• Ուինսթոն Չերչիլի դիմանկարը, որը դուր չէր գալիս բրիտանացի առաջնորդին, աճուրդի կհանվի

  Ուինսթոն Չերչիլի դիմանկարը, որը դուր չէր գալիս բրիտանացի առաջնորդին․․․

«Կիրկորովներ VS Անդրանիկ Ալեքսանյան» թեմայի շուրջ զարգացումները շարունակվում են։ Ռուսական լրատվամիջոցի հոդվածն այն մասին, թե ինչպես են Բեդրոս եւ Ֆիլիպ Կիրկորովներն օգնել հայազգի 17-ամյա երգիչ Անդրանիկին վիրահատության համար գումար հավաքել, իրարամերժ կարծիքների տեղիք է տվել։ NEWS.am STYLE-ն արդեն ներկայացրել է Անդրանիկի ներկայացուցիչ Սերգեյ Անդրոնի մեկնաբանությունն առ այն, որ Կիրկորովները ոչ մի գումար էլ չեն փոխանցել երեխային եւ որ նրանք օգտագործում են Անդրանիկի անունն իրենց փիառի համար։

Այս անգամ մենք կապ ենք հաստատել Նարինե Դավթյանի հետ, ով արդեն 2,5 տարի է՝ օգնում է Անդրանիկին ու նրա ընտանիքին։ Մեզ հետ զրույցում Նարինեն ասաց, որ չի հասկանում, թե ինչու մինչ օրս Բեդրոս Կիրկորովը գումարը չի փոխանցել։

«Բեդրոսն ինձ զանգահարեց մոտ 3 շաբաթ առաջ եւ ասաց, որ գումարը հաշվի վրա է եւ որ այս քանի օրը փոխանցելու է, բայց փոխանցում չի եղել, եւ ես  չեմ հասկանում, թե ինչու։ Մտածում եմ՝ կարող է հիվանդացել է, կարող է ինչ-որ բան է եղել»,-նշեց Նարինե Դավթյանը՝ հավելելով, որ փորձել է կապ հաստատել Բեդրոսի հետ, սակայն չի հաջողվել։

«Ես իրեն մի քանի անգամ զանգահարեցի, նա չպատասխանեց, հետո ինձ հետ էր զանգահարել, ես չէի պատասխանել։ Այդպես չկարողացանք իրար հետ կապ հաստատել։ Բայց ինձ համար զարմանալի է, թե ինչու մինչ օրս փոխանցում չի եղել, որովհետեւ, ի տարբերություն տղայի, Բեդրոսը հայրենասեր մարդ է եւ ամեն տեղ ասում է, որ հայ է, մասնակցում է հայկական միջոցառումների»։

Նարինե Դավթյանն ասում է, որ Անդրանիկի բուժման նպատակով գումար հայթհայթելու համար իրենք դիմել են շատ գործարարների՝ թե' Հայաստանում, թե' Ռուսաստանում ապրող, քանի որ Ռուսաստանում ճգնաժամի պատճառով իրենց ռեսուրսները սպառվել էին, բայց ոչ մի օգնություն չեն ստացել։

«Շատ հայ բիզնեսմենների, այդ թվում եւ Ռուսաստանում ապրող, նամակ գրեցինք, սակայն ոչ մի արձագանք։ Ինձ համար շատ ցավալի է դա։ Միայն Ռուբեն Վարդանյանն արձագանքեց, ով ուղղակի մեզ խորհուրդ տվեց, թե ում դիմել եւ ինչ անել, քանի որ նա ինքն էլ բարեգործական ֆոնդ ունի եւ սկզբունքորեն չեր կարող Անդրանիկին օգնություն ցույց տալ»։

Նարինե Դավթյանը նշեց նաեւ, որ ՀՀ առաջին տիկին Ռիտա Սարգսյանը միանգամից արձագանքել է Անդրանիկին օգնելու խնդրանքին եւ ասել է, որ ինչով կարող է՝ կօգնի։ Այդպես որոշել են բարեգործական համերգ կազմակերպել այստեղ։

«Քանի որ ոչ մի գործարար ոչ մի կոպեկով անգամ չօգնեց երեխային, ես եւ Բեդրոսը մտածեցինք, որ ճիշտ կլինի դիմել ՀՀ առաջին տիկնոջը։ Հենց Բեդրոսն է զանգահարել նրան»,-ասաց նա։

Նարինեն նշեց նաեւ, որ մինչ օրս Անդրանիկի բուժման համար 500 հազար դոլարից ավել գումար է ծախսվել, սակայն մոտ 30-40 հազար դոլարի կարիք կա, որպեսզի երեխան շարունակի իր բուժումն Իսրայելում։ Նա ասաց, որ Անդրանիկի հայրը նույնպես հիվանդ է եւ ամեն ինչ մայրը ստիպված է միայնակ անել։ 

Ի դեպ, նյութը հրապարակելուց րոպեներ առաջ Նարինեն կապ հաստատեց մեզ հետ եւ հայտնեց, որ Բեդրոսն իրեն զանգահարել է եւ ասել, որ իր հաշվից նա արտասահման փոխանցում չի կարող կատարել. խնդիրը դա է։ Անդրանիկը պետք է ռուսական բանկում բացված հաշվեհամար ունենա կամ էլ Ռուսաստանում լիազորված անձ, ով կստանա գումարը Բեդրոս Կիրկորովից եւ կփոխանցի նրան։ Այս պահին Անդրանիկ Ալեքսանյանը հաշվեհամար ունի միայն Ուկրաինայում։

Նրանք, ովքեր կցանկանան օգնել Անդրանիկ Ալեքսանյանին, կարող են գումար փոխանցել՝ այցելելով այստեղ։ Փոքր օգնությունն անգամ անհրաժեշտ է այս ընտանիքին։

Պատրաստեց՝ Շուշան Շատիկյանը

Հետևեք NEWS.am STYLE-ին Facebook-ում, Twitter-ում և Instagram-ում