Մարիամ Մերաբովան իր հայաստանյան երկու համերգներից բացի, մենահամերգով հանդես կգա նաեւ Արցախում: Այսօր լրագրողների հետ հանդիպման ժամանակ ջազ երգչուհին ասաց, որ Ստեփանակերտում իր համերգը բարեգործական է լինելու:
Մերաբովան նշեց, որ վերջին անգամ Հայաստանում է եղել երկու տարի առաջ: Երգչուհին մինչ օրս չի համակերպվել Հայրենիքից հեռու ապրելու մտքի հետ. նա կարոտում է Երեւանը, իր բակը, թթի ծառն ու Թումանյան փողոցը, ուր անցել է իր մանկությունը:
Խոսելով Ա. Սպենդիարյանի անվան օպերայի եւ բալետի ազգային ակադեմիական թատրոնում կայանալիք իր համերգի մասին, որը նշանկված է ապրիլի 5-ին, Մերաբովան նշեց, որ իր համար այդ բեմը երազանք է եղել: «Նույնիսկ չէի էլ երազում հանդես գալ այդ բեմում: Իհարկե, առաջին անգամ չեմ երգելու օպերային թատրոնում, սակայն մենահամերգն այնտեղ առաջինն է լինելու»,-ասաց երգչուհին:
Մարիամ Մերաբովան իր երեւանյան երկու համերգների ընթացքում հանդես կգա նաեւ անակնկալով: Երգչուհին առաջին անգամ հայերեն երգ կկատարի: Չցանկանալով բացել փակագծերը, այնուամենայնիվ, նա նշեց, որ կատարելու է Արթուր Գրիգորյանի երգերից մեկը, որը նա անչափ շատ է սիրում:
Լրագրողների հետ հանդիպման ժամանակ Մարիամ Մերաբովան խոսեց նաեւ «Ռուսաստանի ձայնը» նախագծի մասին: Նա միանգամից ցրեց այն կասկածները, թե մրցույթն անարդար է եղել: Երգչուհին շատ շնորհակալ է իր մարզչից՝ Լեոնիդ Ագուտինից: Նա նշեց նաեւ, որ մրցույթն իրեն շատ բան է տվել՝ ե'ւ ավելի մեծ ճանաչում, ե'ւ ստեղծագործական նոր ձեռքբերումներ ու հաջողություններ:
Խոսելով հայ եւ ռուս հանդիսատեսի միջեւ տարբերությունների մասին, Մարիամ Մերաբովան ընդգծեց, որ հայ հանդիսատեսը երաժշտական առումով շատ կրթված է, պահանջկոտ, եւ անգամ մեծ ցանկության դեպքում անհնար է նրան խաբելը:
Հիշեցնենք, որ Մարիամ Մերաբովայի եւ «Միրայֆ» ջազ-բենդի համերգները տեղի կունենան՝ ապրիլի 1-ին՝ Ստեփանակերտում, ապրիլի 5-ին՝ Ա. Սպենդիարյանի անվան օպերայի եւ բալետի ազգային ակադեմիական թատրոնում, եւ ապրիլի 6-ին՝ «MEZZO» ակումբում:
Շուշան Շատիկյան
Հետևեք NEWS.am STYLE-ին Facebook-ում, Twitter-ում և Instagram-ում
16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ