Հայտնի գեղասահորդ Իլյա Ավերբուխը մայիսի վերջին Երեւանում ներկայացնելու է «Համադասարանցիներ. Սառցե շրջան» շոու-ծրագիրը։ 2002թ. Օլիմպիական խաղերի արծաթե մեդալակիր, 2002թ. աշխարհի չեմպիոն, 2003թ. Եվրոպայի չեմպիոն Ավերբուխը համաձայնել է զրուցել NEWS.am STYLE-ի հետ։
- Հայաստան այցելելու եք Կ. Դեմիրճյանի անվան մարզահամերգային համալիրում ձեր շոու-ծրագիրը ներկայացնելու նպատակով։ Անակնկալներ սպասվու՞մ են հայ երկրպագուներին։
- Շատ ճիշտ եք, շուտով մեկնարկելու է «Համադասարանցիներ. Սառցե շրջան» շոուի շրջագայությունը։ Սա պատմություն է այն մարդկանց մասին, ովքեր համադասարանցիներ են եւ տարիներ անց հանդիպել են միմյանց։ Խորեոգրաֆիայի օգնությամբ նրանք կպատմեն այն, ինչ կատարվել է իրենց հետ՝ ինչ մասնագիտություն են ընտրել, ինչ նվաճումներ են ունեցել եւ այլն։
Իհարկե, անակնկալներ սպասվում են, բայց չեմ պատրաստվում գաղտնիքներ բացել։ Եկեք եւ ինքներդ տեսեք ամեն ինչ։ Կարող եմ ասել միայն, որ շոուին մասնակցելու են նաեւ հայ մանուկներ, ովքեր Երեւանում զբաղվում են գեղասահքով։
- Այժմ Ռուսաստանում գեղասահքի բազմաթիվ շոուներ են կազմակերպվում, սակայն ավելի հայտնի ու մեծ ճանաչում ունեք հենց դուք։ Ո՞րն է ձեր հաջողության գաղտնիքը։
-Շնորհակալ եմ ջերմ խոսքերի ու բարձր գնահատականի համար։ Առողջ մրցակցությունը հիանալի երեւույթ է, քանի որ ցանկացած մրցակցություն առաջընթաց է, զարգացում, ավելի բարձ որակ։ Մենք մշտապես առաջ են շարժվում, հետեւում ենք նորագույն տեխնոլոգիաների զարգացմանը եւ օգտագործում մեր շոու-ծրագրերում։ Իսկ հանդիսատեսն արդեն ընտրում է, թե որ ծրագրին է ցանկանում ներկա լինել ու դիտել։ Այն մարդիկ, ովքեր արդեն տասնմեկ տարի գալիս են մեր շոուներին, հստակ գիտեն, թե ինչի համար են գումար տալիս, քանի որ մենք երբեք չենք խաբում մեր հանդիսատեսին ու բարձորակ շոու ենք ներկայացնում նրանց։
-Կցանկանայի՞ք, որ ձեր որդին՝ Մարտինը, նույնպես ձեր ուղին ընտրեր։
-Ոչ, որովհետեւ շատ լավ գիտեմ, թե ինչ է նշանակում մեծ սպորտ։ Այս բնագավառում հաջողության հասնելու համար պետք է մանկուց քրտնաջան աշխատել։ Իսկ նա, ով անցել է այս ամենի միջով, չի կարող իր երեխային ներքաշել նման տաժանակիր գործի մեջ։ Հետեւաբար, մեր երեխաները հաճույքի համար են սահադաշտ գալիս։ Մարտինը լեզուներ է ուսումնասիրում, զբաղվում է թենիսով, ֆուտբոլով, բրեյք-դանսով եւ ուշուով։
- Միշա Գալուստյանի հետ բեմադրել եք «Մանչուկն ու Կառլսոնը» շոու-ծրագիրը։ Ինչպե՞ս կբնութագրեք Միշայի հաջողություններն այս ասպարեզում։
- Միշան «Սառցե շրջան» նախագծի ամենավառ մասնակիցներից մեկն էր։ Նա շատ տաղանդավոր մարդ է, որը նկատելի էր նաեւ սահադաշտում։ Սկզբում Միշայի մոտ այնքան էլ լավ չէր ստացվում, բայց հետո նա այնպիսի հաջողություններ գրանցեց, որ դարձավ մեր ամանորյա «Մանչուկն ու Կառլսոնը» շոու-ծրագրի գլխավոր հերոսը։ Միշան հիանալի կատարեց Կառլսոնի դերը։ Հանդիսատեսը հիացած էր։
Զրուցեց Պարույր Սինյավսկին
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից