• Իտալական տոն կամ հայկական կենսաոճ

  Այսօր չշտապելու կամ դանդաղկոտության համաշխարհային օրն է․․․

• Ամանորյա նվերներ՝ ոճային, համեղ, օրիգինալ

  Նախաամանորյա եռուզեռը հոգնեցուցիչ է, բայց չնայած դրան՝ հաճելի շրջան է․․․

• Գարեջրի Օրերը կզովացնեն Զաքյան փողոցը

  Հուլիսի  22-ին և 23-ին՝ ժամը 14։00-ից մինչև 22։30-ը, Երեւանի Զաքյան փողոցում տեղի կունենա տարվա մենափրփրուն իրադարձությունը՝ «Գարեջրի Օրերը», որի կազմակերպում է «Երևանի Գինու Օրեր» փառատոնի հիմնադիր «ԷվենտՏուրա» ընկերությունը....

• Ժիզել Բյունդխենը եւ Ալեսանդրա Ամբրոսիոն իրենց ժամանցն են վայելում Ռիո դե Ժանեյրոյի աշխարհահռչակ կառնավալում

  Դիմակներ, շքեղ հագուստներ, լույսեր, հրավառություն․․․

• Ռիո դե Ժանեյրոյում մեկնարկել է աշխարհի ամենամեծ դիմակահանդեսը

  Միլիոնավոր մարդիկ ուղիղ եթերում դիտելու են այն․․․

• STYLEMake-up. դիմահարդարման 3 գաղափար Վալենտինի օրվա համար

  Կիսվում է փորձառու դիմահարդար Մելինե Մանուկյանը․․․

• Սրբուկի ու Վիկտորյա Սահակյանի երազները․ իսկ դուք ո՞ւմ եք տեսել երազում Սուրբ Սարգիսի տոնին

  Այս տոնը Հայաստանում նշել եւ նշում են նաեւ ժողովրդական ավանդույթներով...

• Տոնական ուղեցույց․ որտե՞ղ խմել գինի փետրվարի 14-ին

  Սուրբ Վալենտինի օրը սիրելիի հետ մի գավաթ գինու շուրջ ռոմանտիկ երեկո անցկացնելու լավագույն առիթներից մեկն է․․․

«Վիեննան մի վայր է, ուր մշակույթները փոխհարաբերվում են: Այստեղ հրաշալի գարեջուր կա, սակայն կարելի է փորձել նաեւ հրաշալի հայկական կոնյակ». ասում է ամերիկացի հայտնի երաժիշտ Բիլլի Ջոելը: Գարեջուր չփորձեցի, հայկական կոնյակ՝ առավել եւս, սակայն ինձ հաջողվեց մի քանի օր շարունակ շրջել հեքիաթային Վիեննայում եւ ծանոթանալ կոլորիտային այս քաղաքի տեսարժան վայրերին:

Վիեննայի կենտրոնը, որը կոչվում է Հին Վիեննա, շնորհիվ իր պատմամշակութային շինությունների, 2001 թվականին ընդգրկվել է ՅՈՒՆԵՍԿՕ-ի համաշխարհային ժառանգությունների ցանկում:

Վիեննայի քաղաքապետարանի շենքը

Հին Վիեննան «շրջափակված է» քաղաքի ամենահին փողոցներից մեկով՝ օղակաձեւ Ռինգշտրասեով, որի 150-ամյա հոբելյանն այս տարի է լրանում, ի դեպ:

Burgtheater. Վիեննայի թագավորական թատրոնի շենքը

Ռինգշտրասեի վրա են գտնվում Վիեննայի ամենակարեւոր եւ գեղեցիկ շինությունները՝ քաղաքապետարանի, Աժգային ժողովի, պետական օպերայի շենքերը, Հոֆբուրգ դղյակը, վիեննական ինստիտուտը, թատրոններ եւ այլն: 

Վիեննայի ազգային ժողովի շենքը

Վիեննայի պետական օպերայի շենքը

Եվ ոչ մի խանութ, ոչ մի կրպակ այս տարածքում… Ավելին, եթե ցանկանում եք Վիեննայում գնումներ կատարել, ապա ստիպված եք դա անել Հին քաղաքից դուրս՝  խանութների փողոցում, որտեղ տեղակայված են աշխարհահռչակ ապրանքանիշերի բուտիկները, հուշանվերների խանութները եւ սննդի կետերը:

Խանութների փողոցը Վիեննայում

Վիեննայի գլխավոր զարդը, սակայն, միանշանակ Սուրբ Ստեֆանի տաճարն է, որը վաղուց Ավստրիայի ազգային խորհրդանիշն է համարվում:

XIII-XV դդ. կառուցված տաճարը վեր է խոյանում Հին Վիեննայի կենտրոնում, ուր հասնելուն պես՝ ասես տեղափոխվում ես այդ դարեր:

Տաճարի շուրջը տոնավաճառ է գործում, որտեղ վաճառվում է գրեթե ամեն ինչ՝ հուշանվերներ, ծաղիկներ, հագուստ, քաղցրավենիք, գարեջուր, նրբերշիկներ եւ այլն:

Ի դեպ, անպայման փորձեք վիեննական նրբերշիկները, եթե երբեւէ այցելեք ավստրիական մայրաքաղաք: Համն անկրկնելի է: Այստեղ այն վաճառում են 4,5-5 եվրոյով, սակայն կենտրոնից դուրս գինը մի փոքր մատչելի է:

Սուրբ Ստեֆանի տարածքում ձիով կառքեր են շրջում, որոնք զբոսաշրջիկներին ծանոթացնում են Վիեննայի գեղեցկություններին, իսկ միջնադարյան հագուկապով գիդերն էլ ավելի են նպաստում, որպեսզի «կորես» ժամանակի մեջ:

Մտնելով Սուրբ Ստեֆանի տաճար, սակայն, հակասական զգացողություններ են առաջանում:

Առաջին հայացքից այն ակումբ է հիշեցնում՝ մութ, մեծ ու գունավոր լույսերով, բայց բավական է մի փոքր առաջ անցնես, եւ քո առջեւ բացվում է բարոկկո ոճի խորհրդավոր պատկերներով եւ նախշերով տաճարը:

Շարունակելի...

Շուշան Շատիկյան

Հետևեք NEWS.am STYLE-ին Facebook-ում, Twitter-ում և Instagram-ում