Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Exclusive. Սարիկ Անդրեասյանը ֆիլմ է նկարահանում Գյումրիի երկրաշարժի մասին. NEWS.am STYLE-ի հարցազրույցը

12:01, 30 հուլիսի

Ռուսաստանի ամենահայտնի հայ կինոռեժիսորներից մեկը՝ Սարիկ Անդրեասյանը, Ռուբեն Դիշդիշյանի հետ համագործակցությամբ, պատրաստվում է ֆիլմ նկարահանել 1988 թվականի Գյումրիի ավերիչ երկրաշարժի մասին: NEWS.am STYLE-ի հետ բացառիկ զրույցում կինոռեժիսորը խոսեց  ֆիլմի գաղափարի եւ  նախապատրաստական աշխատանքների մասին:

Ողջույն Սարիկ, ուրախ եմ Ձեզ նորից տեսնել Հայաստանում: Այս անգամ Ձեզ Հայրենիք է բերել «Երկրաշարժ » ֆիլմը: Կպատմե՞ք՝ ի՞նչ փուլում են այժմ ֆիլմի աշխատանքները:

Արդեն սկսել ենք «Երկրաշարժ» ֆիլմի նախապատրաստական աշխատանքները, որը լինելու է 1988 թվականի Գյումրիի ողբերգության մասին: Ես միայնակ չեմ եկել, եկել եմ իմ թիմի հետ, որ տեսնենք Գյումրին եւ հասկանանք, թե ինչ ենք նկարելու Մոսկվայում, ինչը` Գյումրիում: Լինելու է համակարգչային գրաֆիկա, եւ կարծում եմ` Մոսկվայում կլինեն բոլոր տաղավարները, դեկորացիաները, իսկ այն, ինչ իրական է, այսինքն՝ մինչեւ երկրաշարժը, կնկարահանվի Հայաստանում: Դա լինելու է ռուս-հայկական մեծ կինո, որի դերասանների 90 տոկոսը հայեր են լինելու:

 

Նախքան այս եղե՞լ էիք, արդյոք, Գյումրիում:

Մոտ մեկ տարի առաջ ես միայնակ եկա, շրջեցի Գյումրիում: Ինձ հետաքրքրում էր, թե ինչ է նոր կառուցվել, ինչը՝ մնացել նախկինի պես, քանի որ հին քաղաքի քարտեզը չկա, դժվար է հասկանալ այդ ամենը: Ուզում էի, որ ամեն ինչ իրական լինի, քանի որ ֆիլմը նաեւ գյումրեցիներն են դիտելու եւ առաջին հերթին նրանք պետք է հավատան դրան: Ես ուզում եմ այնպես անել, որ հայերը, ովքեր ականատես են եղել այդ ամենին, նայեն ու հասկանան, որ ֆիլմն իրական է:

Երբ ես վերջին անգամ Գյումրիում էի, հասկացա, որ նրանց համար դա ցավոտ թեմա է:  Դժվար է, երբ սկսում ես խոսել նրանց հետ այդ մասին, բոլորի աչքերին արցունքներ են հայտնվում, բոլորը վերապրել են դա, հարազատներ կորցրել:

Գյումրիում գրքեր էի ուզում գնել երկրաշարժի մասին, մի կին ինձ ասաց` «Հազիվ ենք մոռացել, պետք էլ չի հիշել»: Ես հասկանում եմ, որ դա շատ ցավոտ է,  բայց մյուս կողմից, կարծում եմ, որ երկրաշարժի մասին սկսել են ավելի քիչ խոսել: Երբ փոքր էի, ամեն տարի դեկտեմբերի 7-ին բոլոր նորություններով այդ մասին էին խոսում, մարդիկ մոմեր էին դնում՝ ի հիշատակ զոհվածների… Ես կարծում եմ, որ պետք է այդ թեմայով ֆիլմ լինի, դրա մասին պետք չէ մոռանալ:

 

Դուք շատ փոքր էիք, երբ ընտանիքով տեղափոխվեցիք նախ Ղազախստան, ապա՝ Ռուսաստան: Ինքներդ էլ ծնվել եք Երեւանում, այնուամենայնիվ, կա՞ն հիշողություններ՝ Գյումրիի երկրաշարժի հետ կապված:

Ես մանկապարտեզում էի, երբ երկրաշարժը եղավ, եւ դա զգացվեց նաեւ Երեւանում: Ես հիշում եմ, որ պատերը շարժվում էին, մենք փախչում էինք, բարձր դասարանների աշակերտները տրորում էին փոքրերին, ուսուցիչները դուրս էին հանում երեխաներին… ես լավ հիշում եմ այդ պանիկան:  Հիշում եմ, որ մարդիկ չէին հասկանում, թե ինչ է կատարվում: Դե, համացանց չկար, հեռուստեսությունն արագ չէր աշխատում, մարդիկ շոկի մեջ էին: Միայն երեկոյան բոլորը հասկացան, որ Սպիտակն, ըստ էության, երկրի երեսից ջնջվել է, Գյումրին նույնպես վատ իրավիճակում է հայտնվել:

Հիշում եմ նաեւ, որ հայրս այդ ժամանակ արդեն Ղազախստանում էր եւ այնտեղից օգնություն էր ուղարկում, իսկ մայրս նամակներ էր գրում ինչ-որ տեղեր, որ երեխաներ որդեգրի: Մի խոսքով`ես այդ ամենը շատ լավ հիշում եմ: Բոլորը փորձում էին օգնել միմյանց՝ հայկական ձեւով:

Այցելելով Գյումրի՝ զգացի՞ք երկրաշարժի «հետքերը»:

Երբ վերջին անգամ Գյումրիում էի, խնդրեցի էքսկուրսիա անել, որպեսզի տեսնեմ քաղաքը: Կարծում էի, որ փլատակներ շատ կլինեն, որտեղ կնկարահանենք ֆիլմը, բայց այդպիսի 1-2 շենք տեսա ընդամենը եւ հասկացա, որ ռեալ պայմաններում չեմ կարող ֆիլմը նկարահանել, զրոյից պետք է կառուցեմ կործանված քաղաքը:

Ինչի՞ վրա եք շեշտը դնելու ֆիլմում:

Ես շատ եմ շփվել փրկարարների հետ ե’ւ Մոսկվայում, ե’ւ Երեւանում եւ նրանցից  պատմություններ եմ հավաքել եւ փոխանցել սցենարիստներին: Այն, ինչ կլինի ֆիլմում, իրական է: Բնականաբար, ինչ-որ բաներ ծաղկեցրած է,  քանի որ այն գեղարվեստական ֆիլմ է` առանց քաղաքական ենթատեքստերի: Ֆիլմ այն մասին, թե ինչի է ընդունակ ազգը, երբ հայտնվում է դժվար կացության մեջ: Հայ ժողովուրդը կարող է ուժեղ լինեն եւ հաղթահարել ամեն ինչ, սա մենք բոլորս գիտենք, սակայն երբեք ավելորդ չի լինի այդ մասին հիշեցնելը:

 

Դուք այն ռեժիսորն եք, ով հայտնի է դարձել շնորհիվ իր նկարահանած կատակերգությունների: Ինքներդ միշտ խուսափել եք դրամայի ժանրից, ինչպե՞ս ստացվեց, որ հանձն առաք  «Երկրաշարժի» նկարահանումը:

Որպես ռեժիսոր՝ իմ նպատակն է ստեղծել ֆիլմ, որը կնայեն 50 տարի հետո, որը հայ ժողովուրդն իր հետ կտանի ամբողջ կյանքում, ինչպես «Մայրիկը», ինչպես սովետական ֆիլմերը:

Կարծում եք՝ կստավի՞:

Կարծում եմ` այո: Ես միշտ եմ ցանկացել երկրաշարժի մասին ֆիլմ նկարահանել:  Շատ են ֆիլմերը Ցեղասպանության մասին, բայց ոչինչ չի ասվում հասարակ ու լոկալ ողբերգության մասին, որը տեղի ունեցավ պարզապես բնության պատճառով: Իհարկե, մեծ ռիսկ է նկարահանել դրմատիկական կինո: Այն բյուջով, որով նկարահվելու է «Երկրաշարժը», կարելի է չորս կատակերգություն նկարել:  Բայց ես կարծում եմ, որ ֆիլմը հետաքրքրի կլինի ոչ միայն հայ հանդիսատեսին: Երբ մենք սոցցանցերում գրում էինք, որ պատրաստվում ենք ֆիլմ նկարահնել 88-ի երկրաշարժի մասին, բազմաթիվ մարդիկ՝ոչ միայն հայերը, կիսվում էին իրենց մտքերով, թե ով ինչպես է օգնել եւ այլն: Նկարել ֆիլմ միայն հայերի համար, այդքան էլ ճիշտ չէ, որովհետեւ ցանկանում ես, որ քո մասին իմանան բոլորը:

Իսկ ինչո՞ւ հենց երկրաշարժի մասին, որովհետեւ ամբողջ աշխարհում հասկանալի է, թե ինչ է երկրաշարժը, իսկ, օրինակ, Ցեղասպանության մասին ֆիլմի համար նախ պետք է բացել հանրագիտարանները, վիքիպեդիան, կարդալ եւ իմանալ, թե ինչ բան է ցեղասպանությունը: Կարծում եմ՝ ֆիլմը փառատոնային կյանք էլ կունենա:

Խոսեցիք ֆիլմի բյուջեից, որքա՞ն է այն կազմում, կարո՞ղ եք ասել:

Կոնկրետ թիվ չեմ կարող ասել, քանի որ բյուջեն ձեւավորվում է ընթացքում, բայց կարծում եմ, որ դա կլինի 200 միլիոն ռուբլի, ինչը հսկայական գումար է:

Ի՞նչ լեզվով է լինելու ֆիլմը եւ, արդյոք, արդեն հայտնի՞ է դերասանական կազմը:

Երկու օրինակով կանենք` ռուսական վարձույթի համար ֆիլմը կլինի ռուսերեն, Հայաստանի եւ ԱՄՆ հայերի համար` հայերեն: Հայկական ողբերգության մեջ հայ դերասաններ պետք է խաղան, եւ շատ դերասաններ կլինեն Հայաստանից: Քասթինգ անում ենք, բայց դեռ ոչ ոքի չենք հաստատել: Որոշ ռուս դերասաններ էլ կան ներգրավված, օրինակ՝ Կոստանտին Լավրոնենկոն:

Ե՞րբ եք ծրագրում ֆիլմը հանձնել հանդիսատեսի դատին:

Դեռ վաղ է այդ մասին խոսելը, բայց կարծում եմ, որ դա կլինի հաջորդ տարի՝ երկրաշարժի  տարելիցի մոտ օրերին:

Զրուցեց Շուշան Շատիկյանը

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել