«Հավանա» ռեստորանային համալիրում այսօր երեկոյան ժամը 20։00-ին կկայանա բարեգործական համերգ՝ «Վարդա շոուի» մասնակցությամբ: Համերգից ստացված ամբողջ հասույթը կտրամադրվի Գավառի մանկատան սան 15-ամյա Նինային, որը տեսողության խնդիր ունի, եւ Երեւանի «Մարի Իզմիրլյան» մանկատան երեխաներից մեկի ողնաշարի վիրահատության եւ դեղորայքի ձեռքբերման համար: Այս մասին այսօր լրագրողների հետ հանդիպման ժամանակ ասաց «Հավանա» ռեստորանային համալիրի հասարակայնության հետ կապերի պատասխանատու Ասյա Ավետիսյանը։
«Ծրագրված է, որ բարեգործական համերգը շարունակական բնույթ կունենա եւ տարբեր արտիստներ կաջակցեն իրականացնել այն։ Առաջինը Վարդան է լինելու։ Իսկ մյուս արտիստների հետ մենք բանակցում ենք»,- ասաց Ասյան։
Իսկ երգչուհի եւ պարուհի Վարդան կոչ արեց մյուս արտիստներին, որպեսզի իրենց մասնակցությամբ օգնեն երեխաներին։
«Ուրախ եմ, որ օգնելու եմ կարիքավոր երեխաներին։ Այսօր երեկոյան կկայանա համերգ, որի ամբողջ հասույթը բարեգործական նպատակներով կծառայի։ Ողջունելի է, որ նման միջոցառումներ են կազմակերպվում, իսկ մենք՝ արտիստներս, օգնում ենք դրանց իրականացմանը։ Շատ երեխաներ կան, որոնք դրա կարիքն ունեն։ Շատ լավ կլինի, որ այն ավանդույթ դառնա, եւ ամեն ամիս մեկ արտիստ կարողանա օգնել երեխաների»,- նշեց Վարդան։
Բարեգործական համերգային ծրագրի իրականացմանը օգնել է նաեւ «Բարի մամա» հասարակական կազմակերպությունը։
«Ցավով եմ նշում, որ Հայաստանում շատ քիչ արտիստներ են բարեգործություն արել։ Հավատացեք շատ երեխաներ կան, որոնց մենք պետք է օգնենք։ Եթե յուրաքանչյուրն իր ներդրումն ունենա, ապա ինչ-որ չափով կկարողանանք բարելավել երեխաների ներկայիս վատ վիճակը»,- ասաց «Բարի մամա» հասարակական կազմակերպության տնօրեն Մարինա Ադուլյանը։
Նշենք, որ ասուլիսից հետո երգչուհին հանդիպեց ՀՀ Գեղարքունիքի մարզի Գավառ քաղաքի մանկատան երեխաների հետ։
Լրագրող՝ Մելինե Տոնոյան
Լուսանկարիչ՝ Արսեն Սարգսյան
Հետևեք NEWS.am STYLE-ին Facebook-ում, Twitter-ում և Instagram-ում
10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ