Երեւանի ժամանցի վայրերից մեկում երեկ` հոկեմբերի 3-ին, կայացավ երգիչ Մարտ Բաբայանի թվով երկրորդ` «Холодно» կոչվող ձայնասկավառակի շնորհանդեսը:
Մարտին շնորհավորելու էին եկել Քրիստինե Պեպելյանը, Սոնան, Անի Երանյանը, Միհրան Ծառուկյանը, Արփի Գաբրիելյանը, Արմեն Պետրոսյանը, Գրիգոր Դանիելյանը, Ռաիսա Ավանեսյանը, Դինա Ակոպովնան եւ այլք:
Ձայնասկավառակում տեղ են գտել ոչ միայն արդեն սիրված դուետներ եւ հայտնի կատարումներ, այլեւ նոր երգեր:
NEWS.am STYLE-ը հետաքրքրվեց երգչից, թե ինչու է իր նոր ձայնասկավառակը որոշել անվանել «Холодно»: «Դա ձայնասկավառակում ընդգրկված իմ ամենասիրելի երգերից մեկն է, այն տրամադրություն է ստեղծում: Չնայած ձայնսկավառակս կոչվում է «Холодно»` ցանկանում եմ, որ բոլորի ներսում միշտ ջերմություն տիրի»,-ասաց Մարտը:
Ի դեպ, հետաքրքիր էր մտածված նաեւ CD-ի շապիկի դիզայնը; Այն ստեղծված է Մարտ Բաբայանի «Instagram»-ի էջի տեսքով:
Բացի նոր CD-ն հյուրերին ներկայացնելուց եւ նվիրելուց, Մարտը նաեւ հանդես եկավ իր ձայնասկավառակների երգերից մի քանիսի կենդանի կատարումներով, ինչպես նաեւ ներկայացրեց իր եւ Աննա Գագարինայի նոր տեսահոլովակը` «Сумасшедшие» երգի հիման վրա:
«Աննան ոչ միայն լավ երգչուհի է, այլեւ խոսքերի հեղինակ: Մի խոսքով, տաղանդավոր եւ գեղեցիկ մարդ է»,- մեզ հետ զրույցում նշեց Մարտը:
Հարկ է նշել, որ CD-ի շնորհանդեսը կրում էր բարեգործական բնույթ: Մեր հարցին, թե ինչպես ստացվեց այս համագործակցությունը «Բարի մամա» ՀԿ-ի հետ, պրոդյուսեր Սոֆյա Գուլյանը պատասխանեց. «ՀԿ-ի նախագահ Մարինա Ադուլյանը մեր թիմի լավագույն անդամներից մեկն է, իսկ երբ նա սկսեց զբաղվել բարեգործությամբ, ես, բնականաբար, աջակցեցի նրան եւ ասացի, որ Մարտի հետ կապված ցանկացած նախաձեռնություն կիրականացնենք միասին: Այդպես, արդեն 3 տարի է` համագործակցում ենք»:
Տուփի մեջ հավաքվեց 21.000 (քսան մեկ հազար) դրամ:
«Հանգանակության արկղի մասին, կարծում եմ, շատերը չգիտեին: Այդ մասին պիտի հայտարարեին, սակայն դա չարվեց: Բոլորը կլանված էին համերգով, ի վերջո հավաքվել էին Մարտին լսելու: Կփորձենք այլ տեղերից հանգանակության միջոցով հավաքել այն փոքրիկ Արսենի բուժման գումարը, ում էլ հենց նախատեսում էինք օգնել: Մենք նրան հետ ենք դարձրել մանկատան ճանապարհից, նա արդեն տարել է 1 վիրահատություն: Առջեւում եւս երկուսն են, ինչպես նաեւ վեեւականգնողական բուժումը», - նշեց «Բարի մամայի» նախագահ Մարինա Ադուլյանը:
Երեկոյի ընթացքում տեղադրված էր հանգանակության արկղ, որի ողջ հասույթը պետք է ուղարկվի «Բարի մամա» ՀԿ-ի ֆոնդին՝ հաշմանդամություն ունեցող հիվանդանոցներում լքված եւ մանկատանը գտնվող փոքրիկների կարիքների համար:
Սյունե Առաքելյան
Լուսանկարները՝ արտիստի մամուլի ծառայությունից և NEWS.am STYLE
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով