• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

Հաղորդավարուհի Գոհար Գասպարյանը NEWS.am STYLE-ի հետ զրույցում խոստովանել է, որ այդքան էլ չի փայլում խոհանոցում, բայց իր համար հետաքրքիր է խոհանոցային հաղորդում վարելը: Նա զրուցել է իր անցած ճանապարհի, ներկայիս ծրագրերի եւ իր «գտնված երազի» մասին։

Գոհար, երկար ժամանակ է, ինչ հեռուստատեսությունում ես աշխատում։ Ինչպե՞ս սկսվեց ամեն ինչ եւ ինչպիսի՞ն էր ճանապարհը։

Ես ինձ կարող եմ համարել վետերան, քանի որ 11 տարեկանից Հանրային հեռուստաընկերությունում եմ եղել եւ այնտեղ եմ մինչ օրս։ Ես այն երջանիկներից եմ, որ մանկուց անցել եմ այդ դպրոցը։ Այնտեղ եմ մեծացել եւ մեծ փորձ եմ ձեռք բերել՝ վարելով բազմապիսի ծրագրեր։ Այդ ժամանակ իմ կողքին է եղել Էլմիրա Արսենյանը, որը որպես մասնագետ, պրոդյուսեր եւ նաեւ երկրորդ մայր, իր ամբողջ գիտելիքներն ինձ է փոխանցել։ Որոշ ժամանակ անց Հանրայինում եղան փոփոխություններ եւ մենք էլ չաշխատեցինք իրար հետ, բայց հիմա այնպես է ստացվել, որ մենք նորից միասին ենք աշխատում, որի համար շատ ուրախ եմ։

Ո՞ր ծրագիրն է, որ մեծ պատասխանատվությամբ ես վարել։

Վարել եմ տարբեր ծրագրեր, բայց ամենապատասխանատուն «Եվրատեսիլն» է: Մենք մեր թիմով փորձում ենք էլ ավելի պատասխանատվությամբ շարունակել՝ անընդհատ փորձելով կատարելագործվել, մեր սխալները շտկել, նորամուծություններ անել։ Բայց այս ընթացքում ինչ ծրագիր ասես վարել եմ։ Մնացել էր խոհանոցը եւ հիմա այնպես է ստացվել, որ խոհանոցային հաղորդում էլ եմ վարելու։ Ինչ մեղքս թաքցնեմ, այդքան էլ չեմ փայլում խոհանոցում, բայց այն ինձ համար հետաքրքիր է։ Եթե մի բանում իմ անձնական  հետաքրքրությունը չունանամ՝ չեմ անի։ Նույն էլ դպրոցում է եղել, եթե առարկան ինչ հետաքրքիր չի եղել ես լավ չեմ սովորել։

Խոհանոցային ծրագրեր գրեթե յուրաքանչյուր հեռեւստատեսություն ունի։ Ինչո՞վ է ձերը տարբերվում մյուսներից։

«Հայաստանի համը» ծրագիրն իրականում ավելի խորը նպատակներ ունի։ Այն պարզապես տաղավարային խոհանոցային ծրագիր չէ։ Այն Հայաստանում էկոտուրիզմը զարգացնելու, ինչպես նաեւ ազգային արժեքները պահպանելու եւ նաեւ մեր տարածաշրջանի գեղատեսիլ վայրերին ծանոթացնելու միտում ունի։ Այսօր, ցավոք, շատ կերակրատեսակներ կան, որոնք պահպանվել են միայն գյուղերում։ Մենք գնում ենք հեռավոր գյուղեր, որտեղ պատրաստում ենք հայկական ավանդական ուտեստներ եւ ամենահետաքրքիրն այն է, որ մեզ այդ հարցում օգնում է ֆրանսիացի խոհարար Ռոման Բուվիեն։ Մեր ծրագրի հերոսները հիմնականում ավագ սերնդի ներկայացուցիչներն են, քանի որ իրենք են հենց այդ արժեքների կրողները, որոնք այդ ամենը սիրով փոխանցում են նոր սերնդին։

Իսկ ինչպե՞ս ստացվեց Ռոմանի հետ ձեր համագործակցությունը։

Ռոմանի մասին իմ ընկերներից մեկն է պատմել։ Շատ հետաքրքիր եւ դրական մարդ, որը հետաքրքրված էր հայկական խոհանոցով։ Եվ բացի այդ նա մի քանի անգամ Հայաստան այցելել էր։ Կարող եմ ասել՝ Ռոմանն իմ բացահայտումն է։ Պրոֆեսիոնալ անձնավորություն, որը տեսնելով օրինակ դեղձ, արդեն գիտի, թե ինչ կարելի է դրանով պատրաստել։

Ինչպե՞ս են անցնում նկարահանումները։

Մեր նկարահանումները շատ հետքրքիր են անցնել եւ զավեշտալի։ Ռոմանի հետ հաստատ չէս հասցնի ձանձրանալ։ Վերջերս գնացել էինք Շաքեի ջրվեժ։ Աննակարագրելի վայր էր, երբ մենք տեսանք այդ ջրվեժը, պարզապես խենթացել էինք։ Եվ հենց այդ պահին մենք նկատեցիքն, որ Ռոմանը ինչ-որ բաներ է հավաքում։ Մոտեցանք իրեն տեսնենք մեծ խխունջներ էր հավաքում։ Հրացրեցինք՝ ինչու ես հավաքում դրանք, ասեց՝ «իսկ դուք գիտեք սրանցով ինչ համեղ կերակարատեսակ կարող եմ պատրաստել»։ Եվ նա մեզ ստիպեց խխունջներ հավաքել։ Եվ երբ գնացինք այն տունը, որտեղ պետք է հաղորդումը նկարեինք, նա որոշեց դրանցով ուտեստ պատրաստել։ Այդ տան տիկինը, երբ տեսավ ասում էր՝ «այն կողմ տարեք, ինչպես կարելի է սա ուտել։ Դրանք մենք կովերին ենք տալիս»։ Երբ նա պատրաստեց այն վերջում այնքան ախորժալի տեսք ուներ։ Ես եվ մի քանի հոգի փորձեցինք այն։ Իսկապես այն շատ համեղ էր։ Մի ագամ էլ նկարահանմանը, 3 ժամ ուտեստը պատրաստելուց հետո, միամիտ Ռոմանի ոտքը կպնում է կաթսային եւ այն շուռ է գալիս թոնրի մեջ։

Մեր ազգային խոհանոցից ո՞ր ուտեստն ես հավանել։

Նշեմ, որ մեր հայական խոհանոցը ոչնչով չի զիջում այլ խոհանոցների։ Այնքան բացահայտումներ եմ ինքս ինձ համար արել։ Իմ ամենասիրած հայական ուտեստը դդմով ապուրն է, որը շատ հետքրքիր թթվաշոտ համ ունի։

Գոհար, իսկ ո՞ր ծրագիրն ես ամենաշատը սիրել։

Ես միշտ սիրել եմ այդ ծրագրերն իրեն ընթացքում։ Ցանկացած նախագիծ ես միայն որպես հաղորդավար չեմ դիտում, այլ նաեւ որպես պրոդյուսեր, որոնք ունեն իրենց ֆիքսված ժամանակհատվածը։ Քանի որ այն սպառվում է մի օր եւ պետք չի ձանձրացնել հեռուստադիտողին։ Ես իմ աշխատանքը սիրով եմ կատարել, բայց գլուխս կորցրած միայն այդ ծրագրով չեմ ապրել։

Վարել ես շատ հետաքրքիր «Գտնված երազ» հաղորդումը։ Իսկ ո՞րն է քո գտնված երազը։

Իմ գտնված երազը հեռուստատեսությունում աշխատելն է, քանի որ այնպես է ստացվել, որ մանկուց իմ ամբողջ կյանքը կապվել է հեռուստատեսության հետ։ Այն կարծես երազի նման է եկել եւ շարունակում է մնալ։ Իսկ անձնականում գտնված երազը կլինի իմ ապագա ընտանիքը։

Իսկ ինչ-որ թեկնածու կա՞։

Չեմ սիրում խոսել անձնականիցս, բայց միայն կասեմ, որ իմ աչքերը փայլում են։

Մելինե Տոնոյան

Հետևեք NEWS.am STYLE-ին Facebook-ում, Twitter-ում և Instagram-ում