Շոու-բիզնեսի ներկայացուցիչների համար չգրված օրենք է լինել տարբեր և հետաքրքիր, որպեսզի հեռուստադիտողը չհասցնի ձանձրանալ և ավելի հետաաքրքրությամբ հետևի վերջիններիս գործունեությանը:
Հատկապես Հայաստանում շատ հայտնիներ համարձակություն չեն ունենում դիմելու այդ փոփոխություններին` խուսափելով հասարակության կարծիքից: Բայց կան այնպիսիք էլ, որոնք հավատարիմ մնալով իրենց մասնագիտական պահանջներին, տարիների ընթացքում դիմել կամ շարունակում են դիմել ոճային տարբեր փոփոխությունների: Նրանք հաճախ քննադատվում են, բայց և շարունակում են մնալ հետաքրքիր ոլորտի սիրահարների համար:
Ներկայացնում ենք այն տասը հայ աստղերին, ում հաճախ կարելի է տեսնել տարբեր կերպարներով:
Անդրե
Անդրեն սկանդալային է համարվել իր կարիերայի հենց սկզբից: Նա աչքի է ընկել ոչ միայն իր երկար մազերով, այլև համարձակ հագուստով` նեղ տաբատներ, պատռված ջինսեր և այլն: Այսօր կարծես թե երգիչը նախընտրում է կարճ սանրվածքը, սակայն փոխարենը մեր շոու-բիզնեսում արդեն կարելի է տեսնել երկար վարսերով արական սեռի այլ ներկայացուցիչների: Կարծես թե` նման կերպարը տարիների ընթացքում արդեն սովորական է դարձել հայ հեռուստադիտողի համար:
Էմմի
Էմմին երբեք չի վախեցել ոճային փոփոխություններից` թե՛ երգարվեստում, թե՛ արտաքինում: Երգչուհին եղել է և՛ սևահեր, և՛ շագանակահեր, և՛ շիկահեր: Իսկ «X Factor»-ի ժյուրիի կազմում` փորձարկումների հանդեպ նրա երևակայությունն անսպառ էր:
Արմինկա
Այս երգչուհին երգարվեստ մուտք գործեց վառ սևահերի կերպարով: Տարիների ընթացքում Արմինկան բազմիցս ճանաչվել է հայկական շոու-բիզնեսի ամենաոճային ներկայացուցիչներից մեկը: Իր ոճային լինելն ավելի ընդգծելու համար երգչուհին վառ սևահերից վերածվեց ոչ պակաս հմայիչ շիկահերի: Այսօր էլ նա, պարբերաբեր, երանգափոխում է վարսերը:
Ջուս
Ջուսի մազերը ենթարկվել են ամենաէքստրիմալ երանգային փոփոխություններին: Նրան տեսել ենք թե՛ մուգ, թե՛ շեկ, թե՛ նարնջագույն և, նույնիսկ, վարդագույն վարսերով: Էպոտաժային երգչուհին, կարծես թե, չի շտապում կանգ առնել այս ամենով…
Շպռոտ
Շպռոտը կամ Անի Թովմասյանը ժամանակին հայկական շոու-բիզնեսի ամենահամարձակ ներկայացուցիչներից էր համարվում: Նա հանրության առջև ներկայանում էր թե՛ համարձակ հագուստով, թե՛ ոչ պակաս քննարկվող վարսերով: Նրա վարսերն ունեցել են տարբեր ձևեր և երանգներ: Դատելով երգչուհու վերջին շրջանի լուսանկարներից` կարծես թե, այսօր նա սևահերի կերպարում է:
Աննա Գրիգորյան
Հաղորդավարուհի, մոդել, այժմ նաև դերասանուհի Աննա Գրիգորյանը հայկական շոու-բիզնեսի ամենագեղեցիկ դեմքերից է: Նա աչքի է ընկնում ոչ միայն իր հմայքով, այլև համարձակ սանրվածքներով: Սկզբում Աննան սևահերից կտրուկ վերածվեց շիկահերի, այնուհետև կրկին դարձավ սևահեր և ձեռք բերեց շատ կարճ սանրվածք: Իսկ հետո վարսերը կրկին դարձրեց շեկ: Կարծում ենք` կհամաձայնեք, որ ինքնատիպ հաղորդավարուհին օրիգինալ տեսք ունի ցանկացած սանրվածքով:
Դիանա Մալենկո
Հայկական հեռուստաեթերի ամենանուրբ հաղորդավարուհիներից մեկը` Դիանա Մալենկոն, չնայած իր մեղմ կերպարին` սիրում է դիմել ամենահամարձակ ոճային փոփոխությունների: Դիանային արդեն հասցրել ենք տեսնել և՛ շատ կարճ, և՛ շեկ, և՛ նարնջագույն, և՛ սև վարսերով: Նա ևս այն հազվադեպ դեմքերից է, ում սազում է ցանկացած փոփոխություն:
Իվետա Մուկուչյան
«Եվրատեսիլ 2016»-ի ամենաքննարկվող թեկնածուն, ընդհանրապես, աչքի է ընկնում իր արտաքինով` գեղեցիկ կազմվածք, բարձր հասակ, ընդգծված դիմագծեր: Իվետան սիրում է շեշտել իր արտաքին առավելությունները ոճային ամենատարբեր փոփոխություններով` սկսած դիմահարդարումից և հագուստից, վերջացրած սանրվածքով:
Շուշաննա Թովմասյան
Շուշաննա Թովմասյանին ճանաչեցինք «Դժվար ապրուստ» հեռուստասերիալից, որտեղ դերասանուհին ներկայանում էր չափից դուրս զուսպ և համեստ կերպարով: Չնայած իրական կյանքում էլ Շուշաննան այդքան էլ չի տարբերվում իր հերոսուհուց` սակայն մի բան հստակ է` նա ավելի համարձակորեն է դիմում ոճային փոփոխությունների և, պարբերաբար, ներկայանում է վարսերի նոր երանգով: Իսկ բոլորովին վերջերս դերասանուհին երկրպագուներին զարմացրեց իր կարճ սանրվածքով:
Մարինա Գրեգ
Մարինա Գրեգը ևս այն հաղորդավարուհիներից է, որը միշտ հանդես է գալիս միմյանցից տարբեր, բայց միևնույն ժամանակ հետաքրքիր կերպարներով: Երբեմն հեռուստադիտողը, նույնիսկ, չի հասցնում համակերպվել Մարինայի նոր կերպարին, երբ հաջորդ եթերին հաղորդավարուհին կարող է ներկայանալ բոլորովի այլ կերպարով:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր11:17, 28 մարտի
Քիմ Քարդաշյանին դատի են տվել կահույքի համար10:29, 28 մարտի
Բրիթնի Սփիրսը նիհարում և շարունակում է հրապարակել իր մերկ լուսանկարները10:03, 28 մարտի
«Ինկած բերդի իշխանուհին»՝ Լավագույն ներկայացում, Տիգրան Գաբոյանն ու Արաքսյա Մելիքյանը՝ լավագույն դերասաններ. կայացավ «Արտավազդ» մրցանակաբաշխությունը09:00, 28 մարտի
ՄԱՐՏԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:15, 27 մարտի
Իտալացի մոդելն այնքան գեղեցիկ է, որ շատերը վստահ են, որ նա չափազանց լավն է իրական լինելու համար