Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Ամաչում եմ ներկայացնել մի երկիր, որը չի ընդունել Հայոց ցեղասպանությունը. Հայաստանում է Դանիայի «ՄիդՎեստ» երգչախումբը

14:32, 10 հոկտեմբերի

Հայոց մեծ եղեռնի 100-ամյակին նվիրված միջոցառումների շրջանակում Հայաստանում է գտնվում Դանիայի «ՄիդՎեստ» աղջիկների երգչախումբը: Համերգային ծրագիրը նվիրված է դանիացի մարդասերներ` Մարիա Յակոբսենի և Քարեն Յեփփեի հիշատակին, որոնք 1915 թ-ին փրկեցին հազարովոր հայ երեխաների:

Համերգի առիթով այսօր կայացավ ասուլիս, որին մասնակցում էին «ՄիդՎեստ» երգչախմբի գեղարվեստական ղեկավար Դորթե Բիլը, երգչախմբի տնօրեն Մարտին Օլսենը և «Հայ փոքրիկ երգիչներ» երգչախմբի գեղարվեստկան ղեկավար Տիգրան Հեքեքյանը:

 

«Հայաստանում համերգային շրջագայություն կազմակերպելու առաջարկությունը եղավ Դանիայում ՀՀ դեսպանի կողմից: Մենք էլ արձագանքեցինք այդ առաջարկին, որովհետև «ՄիդՎեստ»-ը շատ լավ երգչախումբ է»,-նշեց Տիգրան Հեքեքյանը` ավելացնելով, որ համերգը կրելու է բարեգործական բնույթ: Համերգային շրջագայությունց ստացված ողջ հասույթը փոխանցվելու է Բերդի երաժշտական դպրոցի երգչախմբին:

Հայաստանում գտնվելու կապակցությամբ ոգևորված էին Դանիայից ժամանած հյուրերը. «Երևանում գտնվելը նման է երազի. Շատ ուրախ ենք, որ այստեղ ենք: Անհամբերությամբ սպասում ենք համերգային այս մեկ շաբաթին»,-ասաց Դոնթե Բիլը:

Խոսլով համերգային ծրագրի մասին` Բիլը նշեց. ««ՄիդՎեստ» -ը երգում է տարբեր ժանրերում, այնպես որ` համերգները ևս բազմաժանր են լինելու: Կատարելու ենք նաև հայկական «Նուբար-նուբար» երգը: Անշուշտ, դանիացի աղջիկների համար այս ստեղծագործությունը բարդ է, բաց նաև գեղեցիկ: Հուսով ենք` կկարողանանք հուզել հայ հանդիսատեսին»:

Դանիայի թագավորությունը այն երկրներից է, որը դեռևս չի ընդունել Հայոց ցեղասպանությունը: Անդրադառնալով այդ թեմային` Մարտին Օլսենն ասաց. «Անձամբ ես ամաչում եմ ներկայացնել մի երկիր, որը չի ընդունել ցեղասպանությունը: Հույս ունեմ` կկարողանանք ներկայացնել այս իրականության հակապատկերը: Այն սահմանները, որոնք փակված են քաղաքական գործիչների կողմից, պետք է բացվեն մշակութային ներկայացուցիչների շնորհիվ»:

 

Ըստ Հեքեքյանի` համերգը կարևոր է նաև նրանով, որ Հայաստանում ևս շատերը կիմանան դանիացի մարդասերներ Մարիա Յակոբսենի և Քարեն Յեփփեի մասին, իսկ Դոնթե Բիլը շեշտեց. «Եթե ամեն ինչ բարեհաջող ավարտ ունենա, մենք սիրով «Հայ փոքրիկ երգիչներ»-ին կհրավիրենք Դանիա»:

Դանիական «ՄիդՎեստ» երգչախումբի համերգային շրջագայությունը սկսվելու է վաղվանից: Երգչախումբը համերգներով հանդես է գալու Երևանում,Վանաձորում, Գյումրիում, Դիլիջանում, Բերդում և Ծաղկունքում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել