Ուզում ենք ձեզ ներկայացնել 10 փաստ, որոնց մասին պետք է իմանան նրանք, ովքեր երբեւէ սիրահարվել են.
1. Մենք սիրահարվում ենք մեկ տասնհինգերորդ վայրկյանում
Քո ընտրյալին նայելու 1/15-րդ վայրկյանում քո օրգանիզմում սկսում են կատարվել փոփոխություններ՝ այդ թվում քիմիական մակարդակով: Գիտությունը ապացուցել է, որ այդ պրոցեսին մասնակցում են ուղեղի 12 գոտիներ: Երբ մենք նայում ենք մեր սիրելի մարդուն, կամ մտածում նրա մասին, մեր ուղեղում առաջանում է նեյրոտրանսմիթերների կոկտեյլ: Դրանց մեջ պարունակվում են օքսիտոցին, դոֆամին, վազոպրեսին ու ադրենալին: Ուղեղը ստանում է այն նույն էֆեկտը, ինչ կոկաինի թեթեւ չափաբաժնից:
2. Սիրո ու կրքի քարտեզ
Սիրո ու սեռական ցանկության ուսումնասիրությունը զարմանալի զուգադիպություններ ու ակնհայտ տարբերություններ է բացահայտում: Արդյունքները ցույց են տվել, որ թե սեռական հրապույրի, թե սիրո զգացմունքի ժամանակ ուղեղում ակտիվանում են նույն հատվածները: Երկու պրոցեսներին էլ մասնակցում են այն գոտիները, որոնք պատասխանատու են զգացմունքների, դրդապատճառների համար ու այն գոտիները, որոնք պատասխանատու են վեհ մտքերի համար: Այս փաստը թույլ է տալիս ենթադրել, որ սեռական հրապույրը ավելին է, քան զուտ պարզունակ բնազդը, այն իր մեջ պարունակում է նպատակաուղղված մոտիվացիա ու ավելի վեհ մտքեր:
3. Համբուրվեք ու ճիշտ ընտրություն արեք
Համբույրների մասին երկու նոր հետազոտությունները հայտնաբերել են, որ համբուրվելու միջոցով մենք ընտրում ենք ճիշտ զուգընկերների: Հարցման ընթացքում կանայք ու տղամարդիկ շեշտել են, որ համբույրը զուգընկերոջ ընտրության հարցում ամենակարեւոր թեստերից մեկն են: Բայց համբույրը կարեւոր դեր է կատարում ոչ միայն հարաբերությունների սկզբում, այլեւ դրանց պահպանման հարցում: Հետազոտողները հայտնաբերել են համբույրների քանակի ու սիրահարների հարաբերությունների որակի միջեւ փոխադարձ կապը: Մինչդեռ նման կապը չի նկատվել ֆիզիկական մտերմության ու հարաբերությունների տեւականության միջեւ:
4. 25 տարվա համատեղ կյանքից հետո զույգերը իրար են նմանվում
Ավելի քան 25 տարի միասին ապրած զույգերը նույնիսկ դիմագծերով են իրար նմանվում: Դա կարող է կատարվել նույնատեսակ սննդի կամ նույն շրջապատի եւ սովորությունների պատճառով:
5. Հեռավորության վրա հարաբերությունները հնարավոր են
Երկու գործոն, որոնք օգնում են պահպանել հարաբերությունները հեռավորության վրա՝ միմյանց պետք է ավելի շատ անձնական տեղեկություններ պատմել ու զուգընկերոջը դրականորեն ընկալել: Որպես արդյունք, նման զույգերը կայունության ու բավարարվածության նույն մակարդակն ունեն, ինչպես իրար մոտ գտնվող զույգերը:
6. Հարաբերությունների չորս քայքայիչները
Հոգեբան, պրոֆեսոր Ջոն Գոթմանը 40 տարվա ընթացքում վերլուծել է թե լավ, թե վատ հարաբերությունները: Նա ուսումնասիրել է տարատեսակ հարաբերություններ ու հոգեբանական զանազան մոտեցումներ ու պարզել, թե դրանցից որոնք են նպաստում հարաբերությունների պահպանմանը: Ահա հարաբերությունների չորս հիմնական քայքայիչները ՝ քննադատությունը, սարկազմը, մեղադրանքները ու օտարացումը:
7. Ժամանակակից ամուսնությունները ենթադրում են ինքնաիրացում
Ըստ հետազոտությունների՝ ժամանակակից ամուսնության նշանակությունն ու բովանդակությունը փոխվել են: Առաջ մարդիկ կայունություն ու աջակցություն էին փնտրում, իսկ հիմա ամուսինները հոգեկան սնունդ ու բավարարվածություն են պահանջում իրենց հարաբերություններից: Մարդիկ ակնկալում են, որ ամուսնությունը կօգնի իրենց հնարավորությունների իրացմանն ու ինքնակատարելագործմանը: Բայց այս նպատակներին հասնելու համար երկուսն էլ պետք է շատ ջանք ու եռանդ գործադրեն:
8. Հասարակ վարժություն՝ ամուսնությունը պահպանելու համար
Եթե ձեր հարաբերություններում լավագույն ժամանակները չեն, ապա չարժե միանգամից հոգեբանի մոտ վազել: Փորձեք մի քանի ֆիլմ դիտել միասին: Երեք տարվա հետազոտությունը ցույց է տվել, որ ապահարզանների թիվը կրկնակի կրճատվել է, եթե զույգերը միասին փոխհարաբերությունների մասին ֆիլմեր են դիտել ու հետո միասին քննարկել դրանք:
9. Հարաբերությունները ապահարզանից հետո
Նույնիսկ ամուսնալուծությունից հետո զուգընկերների հարաբերությունները պարտադիր չէ, որ ավարտվեն, հատկապես եթե նրանք ընդհանուր երեխաներ ունեն, որոնք խորապես կտուժեն, եթե իրենց ծնողները բաժանվելուց հետո թշնամիներ դառնան: Մինչդեռ շատ զույգերի հաջողվում է ապահարզանից հետո հարաբերություններն այլ հարթություն տեղափոխել՝ օրինակ դառնալ լավ ընկերներ կամ համագործակցել երեխաների դաստիարակության հարցում:
10. Փոքրիկ ուրախություններ
Մենք ապրում ենք մի աշխարհում, որտեղ գրեթե ամեն ինչ առեւտրականացված է, եւ նույնիսկ սերն է գնվում ու վաճառվում: Այնպես որ պետք է հիշել, որ հաաբերություններում մանրուքներ չկան, նույնիսկ փոքր քայլերը շատ բան են նշանակում: Առավոտյան մեկ բաժակ թեյը կամ էլ հասարակ հաճոյախոսությունը ավելի շատ օգուտ կտա, քան մի ամբողջ տուփ շոկոլադը կամ մեծ ծաղկեփնջերը (չնայած դա էլ չի խանգարի):
Աղբյուր՝ Creu
Հետևեք NEWS.am STYLE-ին Facebook-ում, Twitter-ում և Instagram-ում
09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ