LOFT ինքնազարգացման եւ ժամանցի կենտրոնում երեկ` նոյեմբերի 19-ին, կայացավ հանդիպում դերասան, ՀՀ ժողովրդական արտիստ Միքայել Պողոսյանի հետ: Հանդիպման ընթացքում դերասանը լրագրողների եւ երկրպագուների հետ քննարկեց մի շարք թեմաներ` կապված դերասանի, արվեստագետի, մերօրյա հերոսի եւ իր անցած ուղու մասին:
Պարզվում է` սիրված դերասանը նախկինում երկար տարիներ զբաղվել է քանդակագործությամբ: Նա, նույնիսկ, եղել է Երվանդ Քոչարի աշակերտը.
«Ես պատահական դարձա դերասան: Երիտասարդ տարիքում քանդակում էի: Երբ գործերս տեսավ Երվանդ Քոչարը, առաջարկեց դառնալ իր աշակերտը: Սա իմ կենսագրության մեջ շատ կարեւոր մի էջ էր: Դպրոցում վատ էի սովորում: Այն ավարտելուց հետո ընդունվեցի նկարչական ուսումնարան եւ մտադիր էի այդ ուղին շարունակել: Ինչ-ինչ իրադարձույուններից հետո կտրուկ փոխվեց վերաբերմունքս եւ ես դարձա այն, ինչ տեսնում եք»,-լրագրողների հետ զրույցում տեղեկացրեց Միքայելը, որը նաեւ նշեց, որ երբեմն նախանձում է նկարիչներին. «Նրանք չունեն կոնկրետ ժամ եւ ամսաթիվ: Իսկական արարումը լռության մեջ է»:
Քանդակագործ դառնալ երազող դերասանը ժամանակի ընթացքում այնքան է կայացել թատրոնի եւ կինոյի ոլորտում, որ այժմ ինքն է ընտրում իր դերերն ու այն բեմադրիչներին, որոնց հետ ցանկանում է համագործակցել.
«Արվեստով զբաղվող մարդիկ միշտ պետք է իմանան, թե ինչու են ընտրել այս ոլորտը: Ես ավելի քան 20 տարի ինքնուրույն եմ աշխատում` սկսած «Խաթաբալադայից»: Հասկացել եմ, որ նախ եւ առաջ` պետք է դառնաս մարդ: Երբ մեծանում ես, մասնագիտությունդ պետք է դառնա հնարավորություն խոսելու մարդկային տեսակիդ մասին, որ կյանքիդ վերջում ասեն` լավ մարդ է, ոչ թե` լավ մարդ էր: Ուզում եմ, որ այն ճիշտ արարքները, որ գործում ենք կյանքում, գործենք նաեւ բեմահարթակում, այլ ոչ թե զուտ անենք դերասանի պարտականություն»,-ասում է Միքայելը:
Դերասանը, ում համար արվեստն, առաջին հերթին, սիրո բացատրություն է, կարծում է, որ այսօր այդ ոլորտում չափանիշները շեղված են. «Չափանիշները պետք է պահել եւ ներքեւ չսայթաքել: Արվեստի մեջ դժվար է գտնել քեզ նմանին եւ սկսել արարել»,-ասում է Պողոսյանը, որը նաեւ անտարբեր չէ արվեստի մեկ այլ ճյուղի` երաժշտության հանդեպ: Ավելին, դերասանը համոզված է. «Միակ բանը, ինչը լավ եմ անում, դա երգելն է»:
Ըստ Միքայել Պողոսյանի` այսօր հայ ժողովուրդը մի իսկական հերոսի կարիք ունի.
«Կարծում եմ` պետք է մտավորականներով հավաքվենք եւ ստեղծենք այսօրվա հերոսին: Այդ դերը պետք է ստանձնի այն հայը, որը ժառանգել է անցյալն իր գենի մեջ»,-ասում է դերասանն ու պատրաստակամություն հայտնում միշտ լինել երիտասարդերի կողքին. «Ես լիովին ձեզ հետ եմ եւ պատրաստ եմ աջակցել ցանկացած հարցում: Այսօր շատ առողջ երիտասարդություն ունենք, պարզապես, պետք է նրանց թիկունք լինել: Ես հավատում եմ մեր երիտասարդությանը եւ կոչ եմ անում ըմբոստանալու»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:37, 29 մարտի
TLC ռեալիթի շոուի սիամական երկվորյակներ Էբբին և Բրիտանի Հենսելները ամուսնացել են15:18, 29 մարտի
Իրինա Շեյքը Swarovski campaign֊ում հայտնվել է շշմեցուցիչ կերպարով14:02, 29 մարտի
Ռոբերտ Դաունի կրտսերը խաղում է չորս տարբեր կերպարներ HBO-ի նոր սերիալում13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան