Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Զինվորի հոգեբանությունը յուրաքանչյուր հայ տղամարդու մեջ կա ու պիտի լինի. Գոռ Հակոբյանը՝ զինվորի կերպարում (ֆոտոշարք)

11:05, 28 հունվարի

Հայոց բանակի ստեղծման 24-ամյակի առթիվ NEWS.am STYLE-ը որոշեց ցույց տալ հայ զինվորի ոչ միայն քաջ եւ արի, այլեւ դրական եւ լավատեսությամբ լի կերպարը: Ֆոտոշարքն իրականացրեցինք մեր ամենասիրված եւ դրական դերասաններից մեկի` «Ֆուլ Հաուս» սիթքոմում Ֆելիքսին մարմնավորող Գոռ Հակոբյանի հետ: Գոռի հետ զրուցեցինք հայ զինվորի կերպարի եւ զինվորի հոգեբանության մասին: Դերասանը նաեւ վերհիշեց կադետական դպրոցում սովորելու տարիներից մի քանի դրվագ.

-Գոռ, բացի մեր ֆոտոշարքից, երբեւէ այլ առիթներ ունեցե՞լ ես նկարահանվելու զինվորական համազգեստով:

-Տարիներ առաջ, երբ նոր էի առնչվում տեսախցիկի եւ նկարահանումների հետ, փորձեցինք հումորային սկետչեր ներկայացնել, որոնց մեջ եղել եմ զինվորական հագուստով:

-Ասում են` զինվորական համազգեստն իր մեջ խորհուրդ ունի: Դու ի՞նչ ես զգում այդ համազգեստը կրելիս:

-Սովորել եմ կադետական դպրոցում, երկու տարի հագել եմ զինվորական համազգեստ: Մեր դպրոցը գրեթե ոչնչով չէր տարբերվում զորամասից, միակ բացառությամբ, որ չէինք քնում այնտեղ: Այնտեղ սովորելու տարիներին հենց իմ մեջ արթնացավ հայրենասիրությունն ու հարգանքը տվյալ բնագավառի մարդկանց հանդեպ: Ամեն անգամ համազգեստ հագնելուց ինձ մոտ որոշակի էմոցիաներ են արթնանում, որ եթե, Աստված չանի, Հայաստանում պատերազմական դրություն լինի, ես համոզված եմ, որ անպայման կգնամ եւ առաջին գծում կկռվեմ: Դա չեմ ասում, ինձ վրա ուշադրություն սեւեռելու համար: Ոչ, ես դա վաղուց եմ իմ մեջ զգացել: Երբ կրում ես համազգեստը, այդ ամեն ինչը քո մեջ արթնանում է: Երբ 18 տարեկան երիտասարդը գնում է ծառայության, իր մեջ մոտ մեկ ամսվա ընթացքում դնում են զինվորի հոգեբանություն: Զինվորի հոգեբանությունը յուրաքանչյուր հայ տղամարդու մեջ կա ու պիտի լինի:

-Ինչպես նշեցիր, երկու տարի սովորել ես կադետական դպրոցում: Կհիշե՞ս հետաքրքիր դեպքեր սովորելուդ տարիներից:

-Մենք հինգ ընկերներով մի փոքր չարաճճի երեխաներ էինք եւ մեզ սովորական հոսքից տեղափոխեցին կադետական դպրոց, որ սկսենք որոշակի ռեժիմով ապրել: Բայց մենք միեւնույն է չուղղվեցինք եւ ստացվեց այնպես, որ մեզ` որպես պատիժ, տարան մեկ այլ վայր, տրամադրեցին վրան եւ քնապարկեր ու ստիպեցին, որ մենք տասը օր ապրենք այդ պայմաններում` առանց սնունդի եւ ջրի: Այդ ամեն ինչը մենք պետք է հայթայթեինք: Մի խոսքով, այդպես վերապատրաստվում էինք: Այնպես ստացվեց, որ կոնֆլիկտ ունեցա տնօրենի հետ, քանի որ ինձ համար մի փոքր անհասկանալի եւ բռնապետական էին այդ կանոնները: Ըմբոստ բնավորությանս պատճառով ինձ հեռացրեցին դպրոցից: Հետագայում ես, իհարկե, քննություններս հանձնեցի եւ ավարտեցի այն:

-Մեր զինվորներին հաճախ են անդրադառնում ֆիլմերում: Ըստ քեզ` հաջողվո՞ւմ է հայկական ֆիլմերում ճիշտ ներկայացնել զինվորի կերպարը:

-Կան մի քամի հայկական ֆիլմեր, որոնք այնքան դիպուկ են ներկայացնում այդ ամենը, որ քեզ իրոք պատերազմի դաշտում ես զգում, բայց կան նաեւ ֆիլմեր, որոնք շատ պարզունակ են նկարված: Չեմ ուզում նշել անուններ:

-Ի՞նչ ես կարծում, զինվորի կյանքով ապրելն իրոք փոխո՞ւմ է տղաներին:

-Համաձայն եմ, որ բանակը փոխում է տղաներին: Ճանաչել եմ մարդկանց, որոնք երեխայի մտածելակերպով գնացել են բանակ, բայց մի քանի ամիս հետո, երբ արձակուրդ են եկել, նրանց մեջ զգացվել է այդ փոփոխությունը. որպես տղամարդ են վերադարձել:

-Իսկ ի՞նչ կմաղթես մեր զինվորներին Հայոց բանակի տոնի առթիվ:

-Հայ զինվորը միշտ քաջ է եղել ու հպարտ է, որ կանգնած է սահմանին, ինչը շատ կարեւոր է: Մարդ չպիտի գնա ծառայելու ուղղակի այդ ծառայության երկու տարին անցնելու համար: Զինվորը պետք է ծառայության գնա հայրենիքը պաշտպանելու նպատակով: Մաղթում եմ, որ մեր զինվորները ծառայեն խաղաղ պայմաններում:

Սյունե Առաքելյան

Լուսանկարները` Մելինե Տոնոյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել