• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Ի՞նչ ֆիլմ դիտել. Այս անգամ հարցին փորձեցինք պատասխանել սիրված հաղորդավար, «ԴոՄիՆո» սիթքոմում  Գարիկին կամ Դոկտորին մարմնավորող Մհեր Խաչատրյանի օգնությամբ:

«Նախապես նշեմ, որ շատ դժվար է բազմաթիվ սիրելի ֆիլմերից ընդամենը 5 ֆիլմ առանձնացնելը։ Հիմա առնվազն 15-20 ֆիլմ մտքովս անցավ։ Ավելի հեշտ կլիներ, օրինակ, 5 ռեժիսորի նշել, բայց ինչեւէ, փորձեմ…»։

Ահա, թե որ 5 ֆիլմերն, ի վերջո, տեղ գտան հաղորդավարի հիթ շքերթում.

1.«Վերլուծիր սա»/ Analyze This

«Բազմաթիվ կատակերգություններ կան, որ սիրում եմ, բայց առանձնացրեցի հենց սա` Ռոբերտ Դե Նիրոյի և Բիլլի Քրիսթալի մասնակցությամբ։ Առաջին անգամ երբ տեսա այս ֆիլմը, ինձ համար լավ իմաստով շոկային էր Դե Նիրոյին տեսնել նման դերում։ Իսկ հումորի առումով այս ֆիլմն ինձ համար գրեթե իդեալական է, հատկապես երկխոսությունները` բնական ու շատ սրամիտ»։

2.«Հեռախոսի խցիկ»/ Phone Booth

«Այս ֆիլմը տասնյակ անգամներ դիտել ու չեմ ձանձրացել։ Կոնցեպտն ինքնին արդեն շատ հետաքրքիր է։ Ի դեպ` նման կոնցեպտով ֆիլմ դեռ 60-ականներին ուզում էր նկարահանել Հիչքոքը, սակայն այդպես էլ չգտավ այն պատճառը, թե ինչու պետք է հերոսն ամբողջ ֆիլմի ընթացքում դուրս չգա հեռախոսի խցիկից։ Կառանձնացնեի նաեւ Քոլին Ֆարելի դերասանական խաղն ու իմպրովիզները»։

3. Дежавью  

«Եւս մեկ կատակերգություն` այս անգամ լեհ-սովետական արտադրության։ Այս ֆիլմը մի փոքր դուրս էր սովետական կատակերգությունների ստանդարտից, այդ պատճառով, ըստ իս, այնքան պոպուլյար չդարձավ, ինչքան, օրինակ, Գայդայի ֆիլմերը։ Дежавью ֆիլմը շատ նուրբ ձեւով ծաղրում է սովետական իրականությունը` ցուցադրելով այդ երկրի թերությունները, որոնք երբեմն աբսուրդի են հասնում։ Ի դեպ` ֆիլմում նկարահանվել է նաեւ Արմեն Խոստիկյանը. Շատ ծիծաղելի դրվագ է ստացվել` կապված հայերի հետ, այնպես որ անպայման դիտեք»։

4.«Կնքահայրը»/Godfather

«Երևի թե ամենաշաբլոն բանը, որ կարող էի ասել, բայց դե ի՞նչ արած` հանճարեղ ֆիլմ է, որը սիրում են գրեթե բոլորը` սկսած մեծագույն ռեժիսորներից ու դերասաններից մինչև ոչ այնքան ազնիվ ու ցիվիլ կյանքով ապրող մարդիկ։ Ամեն մեկը դիտում ու հավանում է այս ֆիլմն ըստ իր չափանիշների։ Ինձ համար «Կնքահայրը» ֆիլմ է, որտեղ ամեն ինչ կատարյալ ու օրգանիկ է` լույսից ու կադրերից մինչեւ դերասանական խաղ ու երաժշտություն»։

5.«12 զայրացած տղամարդիկ»/12 Angry Men

«Սա հայտնի պիես է, որն ունի մի քանի էկրանավորում։ Դիտել եմ հոլիվուդյան 2 էկրանավորումները (1957թ. եւ 1997թ.) և ռուսականը` Նիկիտա Միխալկովի «12»-ը։ Անկեղծ ասած` ավելի շատ հավանել եմ հոլիվուդյանները։ Խորհուրդ կտայի դիտել թե՛ 1957թ.` Հենրի Ֆոնդայի մասնակցությամբ, թե՛ 1997թ.` Ջեք Լեմոնի մասնակցությամբ։

Ֆիլմը պատմում է 12 երդվյալ ատենակալների մասին, որոնց որոշմամբ մի պատանի պետք է հայտնվի էլեկտրական աթոռին։ Բոլորը համոզված են, որ պատանին մեղավոր է, բացի մեկից` որն էլ սկսում է համոզել մնացածին` բերելով առողջ փաստարկներ։ Մի խոսքով` շատ դիտարժան ֆիլմ այն մասին, թե ինչպես որոշ դեպքերում մեծամասնությունը կարող է սխալ լինել և ինչպես 1 հոգին կարող է փոխել անհնարին թվացող իրավիճակը»։

Սյունե Առաքելյան

Լուսանկարը` Մհեր Խաչատրյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում